01-Mar-2022

ପଦ୍ମପୁର: ସାରା ଭାରତବର୍ଷ ରୁ ସମୁଳେ ପୋଲିଓ ବିନାଶ କରିବା ଲକ୍ଷ୍ୟରେ ତା ୨୭.୦୨.୨୦୨୨ରିଖ ଠାରୁ ଆରମ୍ଭ କରି ତା ୦୧.୦୨.୨୦୨୨ରିଖ ପର୍ଯ୍ୟନ୍ତ ଆମରାଜ୍ୟରେ ପଲସ ପୋଲିଓ ଅଭିଯାନ କାର୍ଯ୍ୟକ୍ରମ ଆରମ୍ଭ କରାଯାଇ ଆଜି ଶେଷ ଦିବସ ରେ ପଦାର୍ପଣ କରିଛି ‌।ଏ କ୍ରମରେ ବରଗଡ ଜିଲ୍ଲା ଅଧିନସ୍ଥ ବୁକୁରାମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଅଧିନରେ ଥିବା ସମସ୍ତ ଉପକେନ୍ଦ୍ର ର କାର୍ଯ୍ୟରତ ମହିଳା ସ୍ବାସ୍ଥ୍ୟକର୍ମୀ, ଗ୍ରାମମାନଙ୍କରେ କାର୍ଯ୍ୟରତ ଆଶାକର୍ମୀ, ଅଙ୍ଗନବାଡ଼ି କର୍ମୀ ଙ୍କ ବେଶ ତତ୍ପରତା ଦେଖାଯାଇଥିଲା ।ଘର କୁ ଘର ବୁଲି ପଲସ ପୋଲିଓ ଦୁଇବୁନ୍ଦା ଲେଖାଏଁ ଶିଶୁ ମାନଙ୍କୁ ଖୁଆଇବା ସାଙ୍ଗକୁ ଘର ସାମ୍ନାରେ ଥିବା କାନ୍ଥମାନଙ୍କରେ ଟିମ୍ ନଂ ସହ P,X ଓ ହାଉସ ନଂ ଦେବାର ପରିଲକ୍ଷିତ ହୋଇଛି ।ଠିକ ସେ ଭଳି ପାଇକମାଲ ସ୍ଥିତ ଏକ ସର୍ବପୁରାତନ ସ୍ୱେଚ୍ଛାସେବୀ ଅନୁଷ୍ଠାନ 'ଆ ଜ କା' ବୁକୁରାମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଙ୍କ ନିର୍ଦ୍ଦେଶକ୍ରମେ ନିୟୋଜିତ ହୋଇ ପାଇକମାଲ ମୁଖ୍ୟଛକ ରେ ରାସ୍ତାରେ ଗମନାଗମନ କରୁଥିବା ପଥଚାରୀ ମାନଙ୍କୁ ଅଟକାଇ ସାଙ୍ଗ ରେ ଥିବା ଶିଶୁ ମାନଙ୍କୁ ପୋଲିଓ ଦୁଇବୁନ୍ଦା ଦେବାସହ ଗାଡ଼ି ମାନଙ୍କୁ ଅଟକାଇ ଶିଶୁ ମାନଙ୍କୁ ପଲସ୍ ପୋଲିଓ ପ୍ରଦାନ କରୁଥିବାବେଳେ,ଆଜି ପବିତ୍ର ଶିବଚତୁର୍ଦଶୀ ପାଇଁ  ଶ୍ରୀଶ୍ରୀ ନୃସିଂହନାଥ ପୀଠ ବେଶ ଚଳଚଞ୍ଚଳ ସାଙ୍ଗକୁ  ପ୍ରବଳ ଭିଡ଼ କୁ ଦୃଷ୍ଟିରେ ରଖି ସ୍ୱାସ୍ଥ୍ୟ ବିଭାଗ କର୍ମଚାରୀ ମାନେ ସେଠାରେ ମଧ୍ୟ ଶିଶୁ ମାନଙ୍କୁ ପୋଲିଓ ବୁନ୍ଦା ଖୁଆଉଥିବାର ଦେଖାଯାଇଥିଲା । ବୁକୁରାମୁଣ୍ଡା ରେ କାର୍ଯ୍ୟରତ ପି.ଏଚ.ଇ.ଓ ଶ୍ରୀମାନ ତୁଷ କୁମାର ଚନ୍ଦ୍ରକାର ପରିଦର୍ଶନ ସମୟରେ ତାଙ୍କୁ ଆମ ପ୍ରତିନିଧି ଭେଟି ତାଙ୍କ ପ୍ରତିକ୍ରିୟା ନେଇଥିଲେ ।ସେ ପଲସ ପୋଲିଓ ସମ୍ପର୍କରେ ଆଜି ଯଦିଓ ବ୍ୟାପକ ସଫଳତା ପାଇକମାଲ ବ୍ଳକ ରେ ଏଇ ଅଭିଯାନ ପହଞ୍ଚି ପାରିଛି ତେବେ ତାର ଶ୍ରେୟ ଆମ ଗହଣ ରେ କାର୍ଯ୍ୟରତ ମହିଳା ସ୍ବାସ୍ଥ୍ୟକର୍ମୀ, ଅଙ୍ଗନବାଡ଼ି କର୍ମୀ, ଆଶାକର୍ମୀ, ସ୍ୱେଚ୍ଛାସେବୀ ଅନୁଷ୍ଠାନ 'ଆ ଜ କା' ଅନୁଷ୍ଠାନର ସନ୍ତୋଷିନୀ ମହାପାତ୍ର, ନିତ୍ୟାନନ୍ଦ ଜେନା ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ନିୟୋଜିତ ଆଜକା କର୍ମଚାରୀ  ତଥା ସୁପରଭିଜନ ରେ ନିୟୋଜିତ ଥିବା ସମସ୍ତ ସୁପରଭାଇଜର ମାନଙ୍କ ପାଇଁ ସମ୍ଭବ ହୋଇପାରିଛି ବୋଲି ମତବ୍ୟକ୍ତ କରିଥିଲେ । ସମୁଦାୟ ବ୍ଳକ ରେ ୯୬୫୬ ଜଣ ଶିଶୁଙ୍କୁ ପଲସପୋଲିଓ ବୁନ୍ଦା ଦେବାର ଲକ୍ଷ୍ୟଧାର୍ଯ୍ୟ ଥିବାବେଳେ,୯୫୦୫ ଜଣ ଶିଶୁ ଏହି କାର୍ଯ୍ୟକ୍ରମ ରେ ପଲସପୋଲିଓ ବୁନ୍ଦା ପାଇପାରିଛନ୍ତି । ପଲସପୋଲିଓ ଅଭିଯାନ ଏହି ବ୍ଳକ ରେ ୯୮.୩୩% ସଫଳତା ର ସହ ହୋଇଥିବାର ଜଣାଯାଏ ।