01-Mar-2022

ବଲାଙ୍ଗିର (ପ୍ରେରଣା ଖବର) :-ରାଜ୍ୟସରକାରଙ୍କ ନିର୍ଦ୍ଦେଶାନୁସାରେ ମନୋହରପୁର ପୋଲିସ ସ୍କୁଲ ଠାରେ ବିଦ୍ୟାଳୟ ର ସମସ୍ତ ଶିକ୍ଷକ ଶିକ୍ଷୟିତ୍ରୀ, ବିଦ୍ୟାଳୟ ପରିଚାଳନା କମିଟି ର ସଭ୍ୟ/ସଭ୍ୟା, ମାନ୍ୟଗଣ୍ୟ ବ୍ୟକ୍ତି, ସିଆରସିସି ପ୍ରମୁଖ ଙ୍କ ଉପସ୍ଥିତିରେ ପ୍ରବେଶ ଉତ୍ସବ ପାଳିତ ହୋଇଯାଇଛି lସରକାରୀ କୋଭିଡ କଟକଣା ଯୋଗୁଁ ପ୍ରାୟ ଅଢେ଼ଇ ବର୍ଷ ପରେ ପ୍ରଥମ ଶ୍ରେଣୀ ରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ଖୋଲିଥିବାରୁ ଛାତ୍ରଛାତ୍ରୀ, ଅଭିଭାବକ ମାନଙ୍କ ମନରେ ଆଗ୍ରହ ​​​​​​

ତଥା ସଚେତନତା ସୃଷ୍ଟି କରିବା ପାଇଁ ଗ୍ରାମରେ ଥିବା କିର୍ତ୍ତ୍ୟନ୍ୟ ଦଳ ଆଗ୍ରହ ରେ ଆସିଥିବା ସମସ୍ତ ଛାତ୍ରଛାତ୍ରୀଙ୍କୁ ପାଛୋଟି ଆଣିଥିଲେ । ବିଦ୍ୟାଳୟର ମୁଖ୍ୟ ଦ୍ୱାର କୁ ରଙ୍ଗବେରଙ୍ଗ ର ବେଲୁନ,ଫୁଲମାଳ ରେ ସୁସଜ୍ଜିତ କରାଯାଇଥିଲା । ବିଦ୍ୟାଳୟ ର ମୁଖ୍ୟ ଦ୍ୱାର ସମ୍ବୁଖରେ ଛାତ୍ରଛାତ୍ରୀ ମାନଙ୍କୁ ଫୁଲ ଚନ୍ଦନ ଦେଇ ସ୍ୱାଗତ କରାଯାଇଥିଲା ।ସ୍କୁଲ ତରଫରୁ ପ୍ରତ୍ୟେକ ପିଲାଙ୍କୁ ମାଗଣାରେ ମାକ୍ସ ବଣ୍ଟନ, ସମେତ ଚକଲେଟ ବଣ୍ଟନ କରାଯାଇଥିଲା ।ପରେ ଛାତ୍ରଛାତ୍ରୀ ମାନେ ବିଦ୍ୟାଳୟ କୋଠରୀ ମାନଙ୍କୁ ପ୍ରବେଶ କରିଥିଲେ । ସରକାରଙ୍କ ନିର୍ଦେଶାନୁସାରେ ପ୍ରଥମ ରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀଙ୍କୁ ବିଭିନ୍ନ ପ୍ରକାରର ଖେଳ ଓ ମନୋରଞ୍ଜନ କାର୍ଯ୍ୟକ୍ରମ ର ଆୟୋଜନ କରାଯାଇଥିଲା ବୋଲି ସ୍କୁଲ ର ପ୍ରଧାନ ଶିକ୍ଷୟତ୍ରୀ ବିଜୟଲଷ୍ମୀ ମିଶ୍ର ଆମ ପ୍ରତିନିଧିଙ୍କୁ ଜଣାଇଛନ୍ତି ।

  ସୂଚନାଯୋଗ୍ୟ ଯେ, ପ୍ରଧାନ ଶିକ୍ଷୟତ୍ରୀ ଶ୍ରୀମତୀ ମିଶ୍ରଙ୍କ ଉଦ୍ୟମରେ ସ୍କୁଲ ପରିସରରେ ନଳକୂପ, ୱାଟର କୁଲର୍  ସ୍ଥାପନ ସହ ପରିଷ୍କାର ପରିଚ୍ଛନ୍ନତା ଉପରେ ଏକାଧିକ ଗଠନମୂଳକ କାମ କରାଯାଇଛି l ସ୍କୁଲରେ ଯୋଗ ଶିକ୍ଷା ଠାରୁ ଆରମ୍ଭ କରି ଛାତ୍ରଛାତ୍ରୀ ଙ୍କ ପାଇଁ ଗୁଣାତ୍ମକ ଶିକ୍ଷା ପାଇଁ ଏକ ଅନୁକୂଳ ପରିବେଶ ସୃଷ୍ଟି କରିପାରିଛନ୍ତି ଶ୍ରିମତୀ ମିଶ୍ର l
ମନୋହରପୁର ପୋଲିସ ସ୍କୁଲର ପାରିପାର୍ଶ୍ୱିକ ଉନ୍ନତି ଦିଗରେ ଜିଲ୍ଲା ପ୍ରଶାସନ ଦୃଷ୍ଟି ଦେବାକୁ ପ୍ରଧାନ ଶିକ୍ଷୟତ୍ରୀ  ଶ୍ରୀମତୀ ମିଶ୍ର ନିବେଦନ କରିଛନ୍ତି l