17-Feb-2022

ବଲାଙ୍ଗିର (ପ୍ରେରଣା ଖବର ବ୍ୟୁରୋ) : ଆଜି ଭାରତୀୟ ଜନତା ପାର୍ଟି ତରଫରୁ ଜିଲ୍ଲା ସଭାପତି ଶିବାଜୀ ମହାନ୍ତିଙ୍କ ନେତୃତ୍ୱରେ ଏକ ପ୍ରତିନିଧି ମଣ୍ଡଳୀ ଜିଲ୍ଲାପାଳ ଶ୍ରୀ ଚଞ୍ଚଳ ରାଣା ଙ୍କୁ ସାକ୍ଷାତ କରି ପ୍ରଥମ ପର୍ଯାୟ ପଂଚାୟତ ନିର୍ବାଚନରେ

ହୋଇଥିବା ଅନିୟମିତତା ବିଷୟ ରେ ଲିଖିତ ଅଭିଯୋଗ କରିଛନ୍ତି! ବିଶେଷ କରି  ପ୍ରିଯାଇଣ୍ଡିଙ୍ଗ ଅଧିକାରୀ ମାନେ ପୁଲିଙ୍ଗ ଏଜେଣ୍ଟ ମାନଙ୍କୁ  ୧୧ ନଂ ଫର୍ମ ଦେବାକୁ ମନା କରିବାଟା ଅବାଧ ଓ ନିରପେକ୍ଷ ନିର୍ବାଚନ ର ପରିପନ୍ଥୀ ଅଟେ ତେଣୁ ତୁରନ୍ତ ଏହାର ସମାଧାନ କରିବାକୁ ଦାବି କଲେ, ଅନ୍ୟଥା ଅସାଧୁ ଅଧିକାରୀ ମାନଙ୍କ ସଂଗେ ଶାସକ ଦଳ ର ଲୋକ ମିଶି ଅବ୍ୟବହୃତ ବେଲଟ କାଗଜ କୁ ନିଜ ପ୍ରାର୍ଥୀ ସପକ୍ଷ ରେ  ବ୍ୟବହାର କରିବା ସମ୍ଭାବନା କୁ ଏଡାଇ ଦିଆନଯାଇପାରେ !

କାରଣ ବେଲଟ ବାକ୍ସ ଗୁଡାକ ସପ୍ତାହ ରୁ ଊର୍ଧ୍ୱ ସମୟ ବ୍ଲକ ଅଫିସ ମାନଙ୍କରେ ରହିବ ତେଣୁ ଏହାର ତୁରନ୍ତ ସମାଧାନ ଦାବି କରିଛନ୍ତି, ଜିଲ୍ଲାପାଳ ଏହା ଉପରେ ନିର୍ଭର ପ୍ରତିଶୃତି ଦେବା ସଙ୍ଗେ ସଙ୍ଗେ ୧୧ ନଂ ଫର୍ମ ଦେବାକୁ ରାଜ୍ୟ ନିର୍ବାଚନ କମିଶନଙ୍କ ଠାରୁ ଏକ ଚିଠି ଆସିବା କଥା କହିଲେ ଏବଂ ଚିଠି ର ଏକ କିତା ନକଲ ଦେଇ ତାକୁ ସମସ୍ତ ପ୍ରାର୍ଥୀ ତଥା ପୁଲିଙ୍ଗ ଏଜେଣ୍ଟ ମାନଙ୍କୁ ଦେବା ପାଇଁ ଅନୁରୋଧ କରିଥିଲେ l ପ୍ରତିନିଧି ମଣ୍ଡଳୀରେ ଜିଲ୍ଲା କୋଷାଧକ୍ଷ  ପ୍ରଦୀପ ବଂଶଳ ଓ ଯୁବମୋର୍ଚା ର ଜିଲ୍ଲା କାର୍ଯ୍ୟକାରିଣୀ ସଦସ୍ୟ ଟଙ୍କଧର ପୁଟେଲ  ଭାଗ ନେଇଥିଲେ !