11-Feb-2022

ବରଗଡ:- ଆର୍ଥିକ ସଂସ୍ଥା ମାନଙ୍କ ଦ୍ଵାରା କ୍ଷତିଗ୍ରସ୍ତ ମିଳିତ ମଞ୍ଚ ଆହ୍ବାନ କ୍ରମେ ବରଗଡ଼ ଜିଲ୍ଲାର ସମସ୍ତ ତହସିଲ ତଥା ଓଡ଼ିଶାର ୩୧୭ ଟି ତହସିଲ କାର୍ଯ୍ୟାଳୟ ସମ୍ମୁଖରେ ଜମାକାରୀ ମାନେ ଡିଜିଟାଲ ଆନ୍ଦୋଳନ କରିଥିଲେ । ସେହି ଆନ୍ଦୋଳନରେ ସାଇ ପ୍ରକାଶ, ସାଇ ପ୍ରସାଦ,ସିସୋର,ରୋଜ୍ ଭେଲି,ପି ଏ ସି ଏଲ୍,ପି ଆଇ ସିଲ୍, ଏଟି ଗ୍ରୁପ୍,ଏସ୍ କେ ଇଣ୍ଡିଆ, କଲିକତା ବଜାର, ଲୋ କିଟ୍ ଭାରତୀ, ସମୃଦ୍ଧି ଜୀବନ,ଏସ୍ ଟି ଏମ ଜି,ସାହାରା ଏବଂ ଜିଲ୍ଲାର ବିଭିନ୍ନ କମ୍ପାନୀରେ ଟଙ୍କା ଜମାକରି ଥିବା ଜମାକାରୀ ଯୋଗଦେଇ ଥିଲେ । ବିଗତ ନଅ ବର୍ଷ ହେବ ସରକାର ଦୁଇ ଦୁଇ କମିଶନର ଗଠନ କରି ନିର୍ବାଚନ ସମୟରେ ଜମାକାରୀ ମାନଙ୍କ ଠାରୁ ମିଛ ପ୍ରତିଶ୍ରୁତି ଦେଇ ଭୋଟ ଆଦାୟ କରି ଆସୁଛନ୍ତି କିନ୍ତୁ ଜମାକାରୀ ମାନେ ଆଗାମୀ ପଞ୍ଚାୟତ ନିର୍ବାଚନରେ ସରକାରଙ୍କୁ ଭୋଟ ମାଧ୍ୟମରେ ଉଚିତ ଜବାବ ଦେଇ ଆନ୍ଦୋଳନକୁ ତୃଣମୂଳ ସ୍ତରରେ ଆନ୍ଦୋଳନ କରି କୃଷକ ଆନ୍ଦୋଳନ ପରି

ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଅନିର୍ଦ୍ଦିଷ୍ଟ କାଳ ପାଇଁ ଗଣ ଧାରଣ ଦେବେ ବୋଲି ସରକାରଙ୍କୁ ଚେତାବନୀ ଦେଇଛନ୍ତି । ସେହି ଆନ୍ଦୋଳନ ରେ କେନ୍ଦ୍ରୀୟ ମିଳିତ ମଞ୍ଚ ସଭ୍ୟ ରମେଶ ମହାପାତ୍ର, ଜିଲ୍ଲା ସଂଯୋଜକ ସୁଶାନ୍ତ ମହାପାତ୍ର, ଶତ୍ରୁଘ୍ନ ମହାକୁର, ଲୋକନାଥ ଜାଲ, ସନାତନ ମହାନନ୍ଦ, ଗୋକୁଲା ସାହୁ, ନରେନ୍ଦ୍ର ତରିଆ, ଇନ୍ଦ୍ରମଣି ଦୁବେ, ବିବେକା ବାଗ, ଲୋକନାଥ ଦଣ୍ଡସେନା, ଡୋଲାମଣି  ସାହା, କୃଷ୍ଣ ଚନ୍ଦ୍ର ପଣ୍ଡା, ସୁବାସ ମେହେର ପ୍ରମୁଖ ତଥା ଅଗଣିତ ଜମାକାରୀ ମାନେ ଯୋଗଦାନ କରିଥିଲେ ।