11-Feb-2022

ବରଗଡ:-ବରଗଡ ଟାଉନ ଥାନା ଅନ୍ତର୍ଗତ ସରଳା ଗ୍ରାମରେ ଦେଖାଦେଇଛି ନିର୍ବାଚନୀ ହିଂସା | ନିର୍ବାଚନ ପୂର୍ବରୁ ସରପଞ୍ଚ ପ୍ରାର୍ଥୀନୀ ଙ୍କ ନାମରେ ଟାଉନ ଥାନାରେ ହେଲା ଏତଲା । ଦୁଇଜଣ ମହିଳାଙ୍କୁ ଆକ୍ରମଣ କରି ରକ୍ତାକ୍ତ କରିଦେଇଥିବା ଅଭିଯୋଗ ନେଇ ଟାଉନ ଥାନାରେ ପୂର୍ବତନ ସରପଞ୍ଚ ତଥା ବର୍ତମାନର ହୋଇଥିବା ସରପଞ୍ଚ ପ୍ରାର୍ଥିନୀ ନୀଳିମା ମହାକୁରଙ୍କ ନାମରେ ହେଲା ଏତଲା ।
ସୂଚନା ଅନୁଯାୟୀ ବରଗଡ ବ୍ଲକ ଅନ୍ତର୍ଗତ ସରଳା

ଗ୍ରାମପଞ୍ଚାୟତର ପୂର୍ବତନ ସରପଞ୍ଚ  ନୀଳିମା ମହାକୁର ଚଳିତ ପଞ୍ଚାୟତ ନିର୍ବାଚନରେ ସରପଞ୍ଚ ପ୍ରାର୍ଥିନୀ ଭାବେ ଛିଡା ହୋଇଥିବା ବେଳେ ସେ ଭୋଟ ପ୍ରଚାର ପାଇଁ ଘରଘର ଯାଇଥିଲେ | ତେବେ  ଜାନକୀ ପ୍ରଧାନ ଏବଂ ପୁର୍ଣିମା ପ୍ରଧାନଙ୍କ ଘରକୁ ଯାଇଥିବା ବେଳେ ସେଠାରେ ନୀଳିମା ଭୋଟ ଭିକ୍ଷା କରିବା ସହ ଗତ ନିର୍ବାଚନରେ ନୀଳିମାଙ୍କୁ ଭୋଟ ଦେଇନଥିବା କହି ଗାଳିଗୁଲଜ କରିଥିଲେ | ତେବେ ଏହାର ପ୍ରତିବାଦ କରିବାରୁ ସରପଞ୍ଚ ପ୍ରାର୍ଥିନୀ ନୀଳିମା ମହାକୁର ଉଭୟ ଜାନକୀ ପ୍ରଧାନ ଏବଂ ପୁର୍ଣିମା ପ୍ରଧାନଙ୍କୁ ଆକ୍ରମଣ କରି ରକ୍ତାକ୍ତ କେରିଦେଇଥିବା ଟାଉନ ଥାନାରେ ଅଭିଯୋଗ କରିଛନ୍ତି  |