11-Feb-2022

କଣ୍ଟାବାଞ୍ଜି(ଆନନ୍ଦ ମୋଟେ):  ଆଜି  ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଉଦ୍ଦେଶ୍ୟରେ ଓଡ଼ିଶା କ୍ଷତିଗ୍ରସ୍ତ ସମସ୍ତ ଜମାକାରୀଙ୍କୁ ତହସିଲ ଜରିଆରେ ଚିହ୍ନଟ ଓ ତୁରନ୍ତ ଟଙ୍କା ଫେରସ୍ତ ଦାବି ନେଇ ଆର୍ଥିକ ସଂସ୍ଥାମାନଙ୍କ ଦ୍ଵାରା କ୍ଷତିଗ୍ରସ୍ତଙ୍କ ମିଳିତ ମଞ୍ଚ ଦ୍ୱାରା ତହସିଲଦାରଙ୍କୁ ଏକ ଦାବିପତ୍ର ଦିଆଯାଇଛି। ଓଡ଼ିଶାରେ ବିଭିନ୍ନ ସ୍କିମ୍ ଲୋଭରେ ଜମା ସଂଗ୍ରହ କରିଥିବା କମ୍ପାନୀ , ସମବାୟ , ସ୍ଵୟଂ ସହାୟକ ସମବାୟ , ମଲ୍ଟିଷ୍ଟେଟ ସମବାୟ ଓ ମାଇକ୍ରୋ ଫାଇନାକୁ ସରକାରୀ ପୃଷ୍ଠ ପୋଷକତାରେ ସେମାନେ ଲକ୍ଷ ଲକ୍ଷ ଜମାରୀଙ୍କ ଠାରୁ ଜମାଟଙ୍କା ନେଇ ପଳାୟଣ ଘଟଣା ଲୋକଲୋଚନକୁ ଆସିବା ପରେ ରାଜ୍ୟ ସରକାର କମ୍ପାନୀ ସମବାୟ ମଲ୍ଲିଷ୍ଟେଟ୍ ସମ୍ପ୍ରଦାୟ ଓ କେତେକ ମାଇକ୍ରୋଫାଇନାନ୍ସ  କାର୍ଯ୍ୟାଳୟ ସିଲ୍ କଲେ ଓ ଜମାକାରୀଙ୍କ ଟଙ୍କା ଦେଣନେଣ ତଥ୍ୟ ସମ୍ବଳିତ କମ୍ପ୍ୟୁଟର ହାର୍ଡଡିକ୍ସ ନେଇ ପୋଲିସ୍ ପ୍ରମାଣ ନଷ୍ଟ କଲେ । ଜମାକାରୀ ମାନେ ଆନ୍ଦୋଳନ କରିବାରୁ ସରକାର ବିଭିନ୍ନ ସମୟରେ ବିଭିନ୍ନ ଘୋଷଣା କଲେ ଯେ କାଇମବ୍ରାଞ୍ଚ ତଦନ୍ତ , ବିଚାର ବିଭାଗୀୟ ତଦନ୍ତ କମିଶନ ନିଯୁକ୍ତି , ଜମାକାରୀଙ୍କୁ ଜମାଟଙ୍କା ଫେରସ୍ତ ପ୍ରତିଶ୍ରୁତି , କର୍ପସ ପାଣ୍ଠି ଗଠନ ଇତ୍ୟାଦି କରିଥିଲେ ହେଁ ସରକାର ନିଜ ପ୍ରତିଶ୍ରୁତି ପାଳନ କରିନାହାନ୍ତି ।   କମିଶନଙ୍କ ଦ୍ୱାରା ସୁପାରିଶ ହୋଇଥିବା ଜମାକାରୀଙ୍କୁ କର୍ପସ ଫଣ୍ଡରୁ ତୁରନ୍ତ ଟଙ୍କା ଫେରସ୍ତ,  ଓଡ଼ିଶାର ସମସ୍ତ କ୍ଷତିଗ୍ରସ୍ତ ଜମାକାରୀଙ୍କୁ ତହସିଲ ଜରିଆରେ ଯୁଦ୍ଧକାଳୀନ ଭିତିରେ ଚିହ୍ନଟ,  ସାହାରା ଭଳି ଯେଉଁ ଅସାଧୁ ସଂସ୍ଥାମାନେ ଜମାରାଶି ନେଇ ପରିପକ୍ଵତା ପରେ ବି ଟଙ୍କା ନ ଫେରାଇ ନୂଆ ସ୍କିମରେ ଜମାରାଶି କାଗଜ ଧରାଇଛନ୍ତି  ସେହି ଜମା ସଂଗ୍ରହ ବନ୍ଦ ରଖୀ ଆଗାମୀ ୧୫ ଦିନ ମଧ୍ୟରେ ପ୍ରତ୍ୟେକଙ୍କ ପରିପକ୍ୱ ରାଶି ଉପରେ ସୁଧ ସହ ଫେରସ୍ତ , ନ ଫେରାଇଲେ ସମ୍ପୃକ୍ତ  ଅସାଧୁ ସାହାରା ସଂସ୍ଥା ମାଲିକଙ୍କ ବିରୁଦ୍ଧରେ ମକଦ୍ଦମା ପଞ୍ଜିକରଣ କରି ଉଚ୍ଚସ୍ତରୀୟରୀୟ ତଦନ୍ତ ସହ କାର୍ଯ୍ୟାନୁଷ୍ଠାନ ଗ୍ରହଣ କରିବା , ଓଡ଼ିଶାରେ ଜମାକାରୀଙ୍କୁ ଠକି ଥିବା ପ୍ରତ୍ୟେକ ଅସାଧୁ କମ୍ପାନୀର ସ୍ଥାବର ଓ ଅସ୍ଥାବର ସମ୍ପତ୍ତି ଜବତ କରି ସେହି ସମ୍ପତ୍ତିର ଖୋଲା ନିଲାମ କରି ଜମାକାରୀ ଙ୍କୁ ଫେରସ୍ତ  , କେଉଁ କେଉଁ ସଂସ୍ଥା ର କେତେ ସମ୍ପତ୍ତି ନିଲାମ କରାଯାଇଛି ତାହାର ବିବରଣୀ ପ୍ରକାଶ କରାଯାଉ ବୋଲି ଦାବି କରାଯାଇଛି ।   ଏହି ସମସ୍ତ ଦାବି ପୂରଣ ସହ ନହେଲେ ଅନିର୍ଦ୍ଧିଷ୍ଟ କାମ ପାଇ କୃଷକ ଆନ୍ଦୋଳନ ଶୈଳୀରେ ଜମାକାରୀ , ଗଣସତ୍ୟାଗ୍ରହ ଚାଲୁ କରିବ ବୋଲି ଦାବି ପତ୍ର ଉଲ୍ଲେଖ କରାଯାଇଛି ।