11-Feb-2022

ବଲାଙ୍ଗିର, ବଲାଙ୍ଗିର ଜିଲ୍ଲାପାଳଙ୍କ କାର୍ଯ୍ୟାଳୟର ଡିଷ୍ଟ୍ରିକ୍ଟ ଇନଫରମେଟିକ ଅଫିସର (ଡିଆଇଓ) ସିଭିକେ ମାରୁତି ରାଓଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି। ଝାରସୁଗୁଡ଼ା ବ୍ରଜରାଜନଗର ଗଜପତି ନଗରପଡ଼ା ସ୍ଥିତ ଘର ଭିତରୁ ଗତକାଲି ତାଙ୍କ ମୃତଦେହ ଉଦ୍ଧାର କରାଯାଇଥିଲା। ତାଙ୍କୁ ୪୫ ବର୍ଷ ହୋଇଥିଲା। ତାଙ୍କ ମୃତ୍ୟୁର କାରଣ ଅସ୍ପଷ୍ଟ ରହିଛି। ତିନି ଦିନ ତଳେ ଡିଆଇଓ ସିଭିକେ ମାରୁତି ରାଓ ଝାରସୁଗୁଡ଼ାରେ ଥିବା ନିଜ ଘରକୁ ଯାଇଥିଲେ। ଗତକାଲି ଦିନ ବେଳେ ଘର ଛାତରେ ଲାଗିଥିବା ଥିବା ଲୁହା ରଡ୍‌ରେ ତାର ବାନ୍ଧି ସେ ଆତ୍ମହତ୍ୟା କରିଥିବା କୁହାଯାଉଛି। ପରିବାର ଲୋକେ ତାଙ୍କୁ ଉଦ୍ଧାର କରି ଝାରସୁଗୁଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଆଜି ତାଙ୍କର ଶବ ବ୍ୟବଚ୍ଛେଦ କରାଯାଇଛି।

 ଶ୍ରୀ ରାଓ ବାହା ହୋଇ ନଥିଲେ। ଗତ କିଛି ଦିନ ହେବ ସେ ମାନସିକ ଅବସାଦ ମଧ୍ୟରେ ରହୁଥିଲେ ବୋଲି କୁହାଯାଉଛି। ବ୍ରଜରାଜନଗର ଓରିଏଣ୍ଟ ଥାନା ପୁଲିସ ଘଟଣାର ତଦନ୍ତ କରୁଛି। ଡିଆଇଓଙ୍କ ଆତ୍ମାର ସଦଗତି ପାଇଁ ଆଜି ବଲାଙ୍ଗିର ଜିଲ୍ଲାପାଳଙ୍କ କାର୍ଯ୍ୟାଳୟର ଏକ ଶୋକସଭା କରାଯାଇଥିଲା। ଏହି ଶୋକସଭାରେ ବଲାଙ୍ଗିର ଜିଲ୍ଲାପାଳ ଚନ୍ଚଲ ରାଣା ଙ୍କ ସହ ଅନ୍ୟ କର୍ମଚାରୀମାନେ ଉପସ୍ଥିତ ଥିଲେ l