28-Jan-2022

ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଳକ ହରିଶଙ୍କର ରେଞ୍ଜ ହରିଶଙ୍କର ସେକ୍ସନ ଫରେଷ୍ଟର ଙ୍କ ନାଁ ରେ ଅଭିଯୋଗ ଆଣି ଏସ୍ ପି ଙ୍କ ଦ୍ଵାରା ହେଲେ ଶ୍ରମିକ। ସୂଚନାଯୋଗ୍ୟ ଯେ ହରିଶଙ୍କର ପାର୍କରେ ୧୫/୨୦ ବର୍ଷ ହେଲା କାମ କରୁଥିବା ଶ୍ରମିକମାନେ ନିଜ ୫ ମାସର ପ୍ରାପ୍ତ ଟଙ୍କା ପାଇନଥିବା ବେଳେ ଏବିଷୟରେ ଖପ୍ରାଖୋଲ ରେଞ୍ଜର ଶ୍ରୀବତ୍ସ କୁମରା ପାଖକୁ ଯାଇ ନିଜ ୫ ମାସର ପ୍ରାପ୍ୟ ଟଙ୍କା ମାଗିଥିଲେ। ପ୍ରାପ୍ତ ଟଙ୍କା ଦେବା ବଦଳରେ ଶ୍ରମିକ ମାନଙ୍କୁ କାର୍ଯ୍ୟରୁ ବାହାର କରିଦେଇଥିବା ଘଟଣା ଟି ଥିଲା ୨୪.୧୧.୨୧ ଦିନ। ଏହି ମାମଲା ଥାନା ରୁ ଆରମ୍ଭ କରି ଶ୍ରମ ବିଭାଗ ପର୍ଯ୍ୟନ୍ତ ପହଞ୍ଚି ଥିଲା।ଏ ବିଷୟରେ ଖବର ପାଇ ବଲାଙ୍ଗିର ବନଖଣ୍ଡ ଅଧିକାରୀ ନିତିଶ କୁମାର ଆସି ତଦନ୍ତ କରିବା ପରେ କିଛି ଦିନ ମଧ୍ୟରେ ଟଙ୍କା ଦେବା ସହ କାମ ଦିଆଯିବ ବୋଲି ପ୍ରତିଶ୍ରୁତି ଦେଇଥିଲେ। ଏବଂ ଗଣମାଧ୍ୟମର କଣ୍ଠରୋଧ କରୁଥିବା ଯୋଗୁଁ ରାଜ୍ୟ ସରକାର ରେଞ୍ଜର କୁ ବଦଳି କରିଥିଲେ । କିଛି ଦିନ ପରେ ଫରେଷ୍ଟର ପ୍ରିୟବ୍ରତ ମହାକୁର ଓ ଫରେଷ୍ଟ ଗାର୍ଡ ମହେନ୍ଦ୍ର କାଲସାଏ ଶ୍ରମିକ ମାନଙ୍କୁ ଡାକି ସାଧା କାଗଜରେ ଦସ୍ତଖତ କରାଇଥିବା ୮ ଜଣ ଶ୍ରମିକ କହିଛନ୍ତି। ଏବେ ସେହି ଶ୍ରମିକ ମାନେ ଚିଡ଼ିଆଖାନା କୁ ପୁନଃ ନିଯୁକ୍ତି ପାଇଁ ଯାଇଥିବା ବେଳେ ଫରେଷ୍ଟର ମହାକୁର ଓ ଫରେଷ୍ଟ ଗାର୍ଡ କାଲସାଏ ଶ୍ରମିକ ମାନଙ୍କୁ ଜାତିଆଣ ଆକ୍ଷେପ କରି ଅଭଦ୍ର ଭାଷାରେ ଗାଳିଗୁଲଜ କରିଥିବା ଶ୍ରମିକ ମାନେ ଖପ୍ରାଖୋଲ ଥାନା ର ଦ୍ବାରସ୍ଥ ହୋଇଥିବା ବେଳେ ଥାନା କୁ କୌଣସି କାର୍ଯ୍ୟାନୁଷ୍ଠାନ ହୋଇନଥିଲା । ପୁଣି ଏସ ପି ଙ୍କ ନିର୍ଦେଶ କ୍ରମେ  ଖପ୍ରାଖୋଲ ଥାନା ଦଫା ୨୯୪,୪୧୭,୩୪ ଧାରା ଅନୁଯାୟୀ ଏକ ମାମଲା ରୁଜୁ କରାଯାଇଛି। କିନ୍ତୁ ଆଜି ପର୍ଯ୍ୟନ୍ତ ଖପ୍ରାଖୋଲ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିନଥିବାରୁ ଆଠ ଜଣ ଶ୍ରମିକ ଏସ ,ପି ଙ୍କ ଦ୍ବାରସ୍ଥ ହୋଇଥିବା ଜଣାପଡିଛି। ଦେଖିବାକୁ ବାକି ରହିଲା ଯେ ପ୍ରଶାସନ କେତେ ତତ୍ପରତା ସହ ଫରେଷ୍ଟର ଓ ଗାର୍ଡ ଉପରେ କେବେ କାର୍ଯ୍ୟାନୁଷ୍ଠାନ ଗ୍ରହଣ କରିବ ଓ ଶ୍ରମିକ ମାନଙ୍କୁ ନ୍ୟାୟ ଦେବ ।