20-Jan-2022

 ସମ୍ବଲପୁର,(ସଂଜୀବ ପାଣିଗ୍ରାହୀଙ୍କ ରିପୋର୍ଟ): ତ୍ରୀସ୍ତରୀୟ ପଞ୍ଚାୟତ ନିର୍ବାଚନ ପାଇଁ ପ୍ରାଥିପତ୍ର ଦାଖଲର ଆଜି ଚତୁର୍ଥ ଦିନ ସମ୍ବଲପୁର ସଦର ଉପ ଜ଼ିଲ୍ଲାପାଳଙ୍କ ଠାରେ ସମୁଦାୟ ୬ ଜଣ ଜ଼ିଲ୍ଲାପରିଷଦ ପ୍ରାଥି ତାଙ୍କର ପ୍ରାଥିପତ୍ର ଦାଖଲ କରିଛନ୍ତି I ଭାରତୀୟ ଜାତୀୟ କଂଗ୍ରେସ ପକ୍ଷରୁ ରେଙ୍ଗାଲି ଜୋନ ୧ ପାଇଁ ବ୍ଲକର ସାଲଡ଼ ପଂଚାୟତ କୁର୍ଲା ଗ୍ରାମର ରେବତୀ ସୁନା (ପ୍ରସ୍ତାବକ: ଦୁର୍ଯ୍ୟୋଧନ ଗରର୍ଡିଆ ଓ ସମର୍ଥକ : ଚତୁର୍ଭୁଜ ଝାଙ୍କର), ଜୋନ ୨ ପାଇଁ ଲଇଡ଼ା ନିବାସୀ ପୂର୍ବତନ ଲଇଡ଼ା କପୋରେଟିଭ ସଭାପତି ସରୋଜ ପୂଜାରୀ (ପ୍ରସ୍ତାବକ: ଭବାନୀ ଶଙ୍କର ଭୋଇ ଓ ସମର୍ଥକ : ସନ୍ତୋଷ କୁମାର ଭୋଇ), ଧନକଉଡା ବ୍ଲକ ଜୋନ ୧ ପାଇଁ ତାଳବ ନିବାସୀ ଉମେଶ ସାହୁ (ପ୍ରସ୍ତାବକ: ଦିଲୀପ ବିଶ୍ୱାଳ ଓ ସମର୍ଥକ : ରାଜକୁମାର ସାହୁ) ଏବଂ ଜୋନ ୨ ପାଇଁ କଳାମାଟି ପଂଚାୟତ ପୋଡାପଡ଼ା ନିବାସୀ କ୍ରିଷ୍ଣାରାଣୀ ବେହେରା (ପ୍ରସ୍ତାବକ: ଏମଡି ରୁସ୍ତମ ଓ ସମର୍ଥକ : ତରଣୀ ପ୍ରଧାନ) ପ୍ରାଥିପତ୍ର ଦାଖଲ କରିଛନ୍ତି I ଠିକ୍ ସେହିପରି ବିଜୁ ଜନତା ଦଳ (ବିଜେଡି) ପକ୍ଷରୁ ଧନକଉଡ଼ା ବ୍ଲକ ଜୋନ ୨ ପାଇଁ କଲାମାଟି ପଞ୍ଚାୟତ କଲପଡ଼ା ନିବାସୀ ବିଜେଡି ବ୍ଲକ ଡିଜିଟାଲ ସେକ୍ରେଟାରୀ ଯୁବ ନେତା ସୁଦର୍ଶନ ହରିପାଳ (ପ୍ରସ୍ତାବକ: ଅରବିନ୍ଦ ତ୍ରିପାଠୀ ଓ ସମର୍ଥକ : କାନ୍ହୁ ମିଶ୍ର ) ଏବଂ ଆମ ଆଦମୀ ପାର୍ଟି ପକ୍ଷରୁ ଯୁଜୋମୁରା ବ୍ଲକ ଜୋନ ୨ ପାଇଁ ମେଘପାଳ ପଞ୍ଚାୟତ ତିଲେଇମାଲ ନିବାସୀ ଦେଓନିସ୍ ଲୁଗୁନ୍ (ପ୍ରସ୍ତାବକ: ଅଭିମନ୍ୟୁ ମିର୍ଦ୍ଧା ଓ ସମର୍ଥକ : ଫିଲମନ କାଣ୍ଡୁଲାନା ) ପ୍ରାଥି ପତ୍ର ଦାଖଲ କରିଥିଲେ I