20-Jan-2022

 ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଲକ ଅନ୍ତର୍ଗତ ଲାଠୋର ଶ୍ରୀ ଦୂର୍ଗେଶ୍ବରୀ ହାଇସ୍କୁଲ ଖେଳ ପଡ଼ିଆରେ ପ୍ରଥମ ସୋନିଆ ମେମୋରିଆଲ ଡ୍ୟୁଜ୍ ବଲ୍ କ୍ରିକେଟ ଟୁର୍ନାମେଣ୍ଟ ଉଦ୍ଦଘାଟିତ ହୋଇଯାଇଛି। ଆଜି ପ୍ରଥମ ଦିନ ମ୍ୟାଚରେ ମୁଖ୍ୟ ଅତିଥି ଭାବେ ଜଣାଶୁଣା ସମାଜସେବୀ ଶ୍ରୀ ଶଙ୍କର ଲାଲ୍ ଅଗ୍ରୱାଲ ଯୋଗଦେଇ ଥିବା ବେଳେ ସମ୍ମାନିତ ଅତିଥି ଭାବେ ଲିଙ୍ଗରାଜ ଅଗ୍ରୱାଲ, ଦଶରଥ ପାଣିଗ୍ରାହୀ, ଗଙ୍ଗାଧର ଭଇଁସାଲ ଓ ଉମେଶ ଭଇଁସାଲ ଯୋଗଦେଇ ଖେଳାଳି ମାନଙ୍କୁ ଉତ୍ସାହିତ କରିଥିଲେ।  ଆଜିର ମ୍ୟାଚରେ ସରେଇପାଲି ଫୁଲଝର ଏବଂ କଣ୍ଟାବାଞ୍ଜି ଫ୍ରେଣ୍ଡସ ଦଳ ମଧ୍ୟରେ ଅନୁଷ୍ଠିତ ହୋଇଥିଲା। ଏହି ମ୍ୟାଚ୍ ରେ ଟସ୍ ଜିତି ପ୍ରଥମେ ସରେଇବାହାଲ ଫୁଲଝର ଦଳ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା ଓ ୧୯.୫ ଓଭର ରେ ୧୩୩ ରନ୍ କରିବାକୁ ସକ୍ଷମ ହୋଇଥିଲା।୧୩୪ ରନ୍ ର ବିଜୟ

ଲକ୍ଷ ନେଇ ବ୍ୟାଟିଂ କରିବାକୁ ପଡିଆକୁ ଓହ୍ଲାଇ ଥିଲା କଣ୍ଟାବାଞ୍ଜି ଫ୍ରେଣ୍ଡସ ଦଳ ଏବଂ ମାତ୍ର ୧୨ ଓଭର ରେ ୧୩୭ ରନ୍ କରି ୯ ଓ୍ବିକେଟ୍ ରେ ବିଜୟୀ ହୋଇଥିଲା। ଆଜିର ମ୍ୟାଚରେ ମ୍ୟାନ ଅଫ୍ ଦ ମ୍ୟାଚ ଗୌରବ ରାଉତ ହୋଇଥିଲେ। କମିଟିର ସଦସ୍ୟ ମାନେ ମନୁ ସିଂ,ଅମିତ ସୁନା,ଭରତ ଥାପା,ଅଜିତ ଜୈନ ପ୍ରମୁଖ ଖେଳ ପରିଚାଳନା ରେ ସହୋଯୋଗ କରିଥିଲେ।କମେଣ୍ଟଟେଟର ଭାବେ ଅକ୍ରୁର ହାତୀ ଏବଂ ସ୍କୋରର ଦାୟିତ୍ଵ ଜିତୁ ନାଗ ତୁଲାଇଥିଲେ।