18-Jan-2022

ବିନିକା(ହିମାଂଶୁ ଶେଖର ପୁଟେଲ) ତ୍ରିସ୍ତରୀୟ ପଞ୍ଚାୟତିରାଜ ନିର୍ବାଚନ ପାଇଁ ବିନିକା ଅଞ୍ଚଳ ସରଗରମ ହୋଇଉଠିଛି | ଆଜି ନାମାଙ୍କନ ପତ୍ର ଦାଖଲର ଦ୍ଵିତୀୟ ଦିନରେ ସିଂଘିଯୁବା ଓ ବାଙ୍କୀଘିର୍ଡି ପଞ୍ଚାୟତ ପାଇଁ ୨ ଜଣ ସମିତି ସଭ୍ୟ,ଭଣ୍ଡାର ପଞ୍ଚାୟତ ପାଇଁ ଜଣେ ସରପଞ୍ଚ ଓ ବିଭିନ୍ନ ପଞ୍ଚାୟତରେ ୩୦ ଜଣ ୱାର୍ଡ ମେମ୍ବର ନାମାଙ୍କନ ପତ୍ର ଦାଖଲ କରିଥିବା ବ୍ଲକ ଜିପିଇଓ ସୂଚନା ଦେଇଛନ୍ତି | କରୋନା କଟକଣା ମାନି ପଞ୍ଚାୟତ ଓ ବ୍ଲକ କାର୍ଯ୍ୟାଳୟରେ ପ୍ରାର୍ଥୀ ପ୍ରାର୍ଥୀନୀ ମାନେ ତାଙ୍କ ପ୍ରସ୍ତାବକ ଓ ସମର୍ଥକଙ୍କୁ ଧରୁ ନାମାଙ୍କନ ଦାଖଲ କରୁଥିବା ଦେଖାଯାଇଥିଲା |ଅନ୍ୟ ପକ୍ଷରେ ବିନିକା ବ୍ଲକର ୨ଗୋଟି ଜିଲ୍ଲା ପରିଷଦ ଜୋନ ପାଇଁ ବର୍ତ୍ତମାନ ପର୍ଯ୍ୟନ୍ତ କେହି ନାମାଙ୍କନ ପତ୍ର ଦାଖଲ କରିନଥିବା ବେଳେ ବିଶ୍ଵସ୍ତ ସୂତ୍ରରୁ ମିଳିଥିବା ଖବର ଅନୁୟାଇ ବିଜେଡ଼ି,ବିଜେପି ଓ କଂଗ୍ରେସ ଦଳର ଆଶାୟୀ ପ୍ରାର୍ଥୀ ପ୍ରାର୍ଥୀନୀ ଙ୍କ ଟିକଟ କୁଆଡେ ଚୁଡାନ୍ତ ହୋଇ ସାରିଥିବା ଜଣାପଡିଛି |