17-Jan-2022

ସୁବର୍ଣ୍ଣପୁର//ତ୍ରିସ୍ତରୀୟ ପଞ୍ଚାୟତିରାଜ ନିର୍ବାଚନ ପ୍ରକ୍ରିୟା ସମଗ୍ର ରାଜ୍ୟରେ ତଥା ସୁବର୍ଣ୍ଣପୁର ଜିଲ୍ଲାରେ ମଧ୍ୟ ଆରମ୍ଭ ହୋଇଯାଇଛି I ୧୭ ତାରିଖରୁ ୨୧ ତାରିଖ ଯାଏଁ ୱାର୍ଡମେମ୍ବର, ସରପଞ୍ଚ, ସମିତିସଭ୍ଯ, ଜିଲ୍ଲାପରିଷଦ ପ୍ରାର୍ଥୀମାନେ ନାମାଙ୍କନପତ୍ର ଦାଖଲ କରିବେ I ସରକାରଙ୍କ କୋଭିଡ 
ମାର୍ଗଦର୍ଷିକା ପାଳନକରି ଆଜି ଜିଲ୍ଲାର ବିଭିନ୍ନ ସମିତି ସଭ୍ୟ /ସଭ୍ୟା ଆଶାୟୀ ପ୍ରାର୍ଥୀମାନେ ନିଜ ନିଜ ଅଞ୍ଚଳର ଗୋଷ୍ଠୀ ଉନ୍ନୟନ ଅଧିକାରୀଙ୍କ କାର୍ଯ୍ୟାଳୟ ଓ ସରପଞ୍ଚ ଏବଂ ୱାର୍ଡ ମେମ୍ବର ପ୍ରାର୍ଥୀ /ପ୍ରାର୍ଥୀନୀ ମାନେ ପଞ୍ଚାୟତ କାର୍ଯ୍ୟାଳୟ ରେ ନାମାଙ୍କନପତ୍ର ଦାଖଲ ଆରମ୍ଭ କରିଦେଇଛନ୍ତି I ପ୍ରଥମ ଦିନରେ ସୋନପୁର ବ୍ଲକ ରେ ୧୧ ଜଣ ୱାର୍ଡମେମ୍ବର ଏବଂ ୧ ଜଣ  ପଞ୍ଚାୟତ ସମିତି ସଭ୍ଯ ,ଉଲୁଣ୍ଡା ବ୍ଲକରେ ୬ ଜଣ ୱାର୍ଡମେମ୍ବର, ବୀରମହାରାଜପୁର ବ୍ଲକ ରେ ୭ ଜଣ ୱାର୍ଡମେମ୍ବର ଓ ୧ ଜଣ ସମିତି ସଭ୍ଯ, ଡୁଙ୍ଗୁରିପାଲି ବ୍ଲକ ରେ ୬ ଜଣ ୱାର୍ଡମେମ୍ବର,ତରଭା ବ୍ଲକ ରେ ୭ ଜଣ ୱାର୍ଡମେମ୍ବର ଏବଂ ୨ ଜଣ ସମିତି ସଭ୍ୟ, ବିନିକା ବ୍ଲକ ରେ ୧୨ ଜଣ ୱାର୍ଡମେମ୍ବର ଏବଂ ୨ ଜଣ ସମିତି ସଭ୍ଯ ନାମାଙ୍କନପତ୍ର ଦାଖଲ କରିଛନ୍ତିl ଉଭୟ ସୋନପୁର ଏବଂ ବୀରମହାରାଜପୁର ଉପଜିଲ୍ଲାପାଳଙ୍କ କାର୍ଯ୍ଯାଳୟରେ କୌଣସି ଜିଲ୍ଲା ପରିଷଦ ପ୍ରାର୍ଥୀ ନାମାଙ୍କନପତ୍ର ଦାଖଲ କରିନଥିବା ସୂଚନା ମିଳିଛି l ବିଭିନ୍ନ ରାଜନୈତିକ ଦଳମାନଙ୍କ ମଧ୍ୟରେ ଜିଲ୍ଲା ପରିଷଦ ପ୍ରାର୍ଥୀ ଚୟନ ପାଇଁ କସରତ ଆରମ୍ଭ ହୋଇ ଯାଇଥିବା ବେଳେ ଜନସାଧାରଣଙ୍କ ମନରେ ମଧ୍ୟ ଉତ୍ସୁକତା ବୃଦ୍ଧି ପାଇବାରେ ଲାଗିଛି I