17-Jan-2022

କଣ୍ଟାବାଞ୍ଜି(ଆନନ୍ଦ ମୋଟେ) : ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ଆଦିବାସୀଙ୍କୁ ଆସନ ସଂରକ୍ଷଣ ବ୍ୟବସ୍ଥାରେ ଉପେକ୍ଷା କରାଯାଇଥିବା ପ୍ରତିବାଦରେ ରାଜ୍ୟବ୍ୟାପୀ ଆଦିବାସୀ ମହାସଂଘ ଆନ୍ଦୋଳନ ଚଳାଇଛି। ଏହି କ୍ରମରେ ତୁରେକେଲା ବ୍ଲକ ଚଟୁଅନକା ପଞ୍ଚାୟତ  ଠାରେ ଆଦିବାସୀଙ୍କ ସଶସ୍ତ୍ର ବିକ୍ଷୋଭ କରି ଚଟୁଅନକା ପଞ୍ଚାୟତ କାର୍ଯ୍ୟାୟ ରେ ତାଲା ପକାଇଥିଲେ।

ବିଜ୍ଞପ୍ତି ଅନୁଯାୟୀ ଆଦିବାସୀମାନଙ୍କ ପାଇଁ ବ୍ଲକୱାରି ଆଦିବାସୀ ଜନସଂଖ୍ୟା ଆଧାରରେ ସରପଞ୍ଚ, ସମିତି ସଭ୍ୟ, ୱାର୍ଡମେମ୍ବର ଆଦି ପଦବୀ ସଂରକ୍ଷିତ ଥିଲା। ବଲାଙ୍ଗିର ଜିଲ୍ଲାର ୩୧୭ ଟି ପଞ୍ଚାୟତରେ ନିର୍ବାଚନ କରିବାପାଇଁ ୭୨ ସରପଞ୍ଚ ଏବଂ ୭୨ ଟି ସମିତିସଭ୍ୟ ପଦବୀ ଆଦିବାସୀଙ୍କ ପାଇଁ ସଂରକ୍ଷଣ କରାଯାଇଥିଲା। ପୁଣି ବଲାଙ୍ଗିର ଜିଲ୍ଲାପାଳଙ୍କ କାର୍ଯ୍ୟାଳୟରୁ ପ୍ରକାଶ ପାଇଥିବା ବିଜ୍ଞପ୍ତି ଅନୁଯାୟୀ ବଲାଙ୍ଗିର ଜିଲ୍ଲାର ୩୧୭ଟି ପଞ୍ଚାୟତ ମଧ୍ୟରୁ ଗୋଟିଏ ବି ପଞ୍ଚାୟତ ରେ ଆଦିବାସୀଙ୍କ ସଂରକ୍ଷଣ ବ୍ୟବସ୍ଥା କରା ନ ଯିବାରୁ ଆଦିବାସୀ ମହାସଂଘ କ୍ଷୋଭ ପ୍ରକାଶ କରିଛି | ଆଦିବାସୀଙ୍କ ପାଇଁ ସଂରକ୍ଷଣ କରା ନ ଗଲେ ଭୋଟ ବର୍ଜନ ସହ ନିର୍ବାଚନ କରାଇ ନ ଦେବାକୁ ମହାସଂଘ ପକ୍ଷରୁ ଚେତାବନୀ ଦିଆଯାଇଛି। ଏଥିରେ ତୁରେକେଲା ବ୍ଲକ ର ବିଭିନ୍ନ ପଞ୍ଚାୟତ  ରୁ ଆଦିବାସୀ ନେତା ଙ୍କ ସହ ବହୁ ଆଦିବାସୀ ଆସି ଚଟୁଅନକା ଗ୍ରାମ ରେ ପହଞ୍ଚି  ପାରମ୍ପରିକ ଅସ୍ତ୍ର ଶସ୍ତ୍ର ସହ ଏକ  ରାଲିରେ କରି ପଞ୍ଚାୟତ କାର୍ଯ୍ୟାଳୟଠାରେ ପହଞ୍ଚି ବିକ୍ଷୋଭ ପ୍ରଦର୍ଶନ କରିଥିଲେ । ଏପରିକି ଏହି ରାସ୍ତା ପାର୍ଶ୍ବରେ ଲାଗିଥିବା ମୁଖ୍ୟମନ୍ତ୍ରୀ  ହୋର୍ଡିଂକୁ ଚିରି ଦେଇଥିଲେ।
ତୁରେକେଲା ବ୍ଲକ ର ଝରଣୀ, ଚଟୁଅନକା, ହିଆଁଳ, କମେଇ ମୁଣ୍ଡା, ତୁରେକେଲା ପଞ୍ଚାୟତ କୁ ତାଲା ମାରିଥିବା ସୁଚନା ମିଳିଛି।
ଜିଲ୍ଲା ଆଦିବାସୀ କଲ୍ୟାଣ ସଂଘ ବଲାଙ୍ଗୀର ତୁରେକେଲା ବ୍ଲକ ର ପ୍ରତି ପଞ୍ଚାୟତ ର ମୁଖ୍ୟଙ୍କ ନେତୃତ୍ବରେ ୬ଟି ପଞ୍ଚାୟତ ରେ ତାଲାବନ୍ଦ କରିଥିଲେ।

 ଏହିତାଲା ବନ୍ଦ ସମୟରେ ଆଦିବାସୀ ସଙ୍ଘ ର ବ୍ଲକ ସଭାପତି ନରୋତ୍ତମ ମାଝୀ, ବ୍ଲକ କାର୍ଯ୍ୟକାରୀ ସଭାପତି, ଖେଳନ୍ତି ସମରଥ,ବ୍ଲକ ନାରୀ ନେତ୍ରୀ ଭୁମିସୁତା ସମରଥ, ସଙ୍ଗଠନ ସମ୍ପାଦକ ସୁରୁ ଝଙ୍କର,ସହ ସଙ୍ଗଠନ ସମ୍ପାଦକ ଆମର ସଂ ମାଝୀ, ଦୁର୍ଯ୍ୟଧନ ମାଝୀ,ହାତୀ ଗାଇତା, ସହଦେବ ମାଝୀ, ପୂର୍ଣ୍ଣଚନ୍ଦ୍ର ମାଝି, ମୁଖରାମ ମାଝୀ, ବିଶିକେସନ୍ ମାଝୀ, ପଦ୍ମା ମାଝୀ, କୁନ୍ତଳା ମାଝୀ, ଲକ୍ଷ୍ମୀ ମାଝୀ,ଜଗବନ୍ଧୁ ମାଝି,ଦେବ ମାଝୀ, ଘନଶ୍ୟାମ ମାଝୀ, କିଶୋର ମାଝୀ,ବାସୁଦେବ,ବଲ,ବିଦୁ, ତୁଲାରାମ, ପ୍ରମୁଖ ଆଦିବାସୀ ନେତା ଉପସ୍ଥିତ ଥିଲେ।