07-Jan-2022

ସୁବର୍ଣ୍ଣପୁର,, ବହୁ ଦିନର ଅପେକ୍ଷା ର ଅନ୍ତ ଘଟିଲା ଆଜି l ପାତାଳି ଶ୍ରୀକ୍ଷେତ୍ରରୁ ପୁରୀ ଶ୍ରୀକ୍ଷେତ୍ର ସହିତ ସିଧାସଳଖ ସଡ଼କ ପଥରେ ସଂଯୋଗ ହୋଇପାରିଛି l ପାତାଳି ଶ୍ରୀ କ୍ଷେତ୍ର କୋଟସମଲାଇ, ସୁବର୍ଣ୍ଣପୁର ଠାରୁ ଶ୍ରୀକ୍ଷେତ୍ର ପୁରୀ ଜଗନ୍ନାଥ ଧାମକୁ ରାଜ୍ୟ ପରିବହନ ବିଭାଗ ତରଫରୁ ସରକାରୀ ବସ ଚଳାଚଳ ର ଶୁଭାରମ୍ଭ କରାଯାଇଛି l ଆଜି ସନ୍ଧ୍ୟା ସମୟରେ ଏହି ବସ ସେବାକୁ ରାଜ୍ୟ ପରିବହନ ମନ୍ତ୍ରୀ ପଦ୍ମନାଭ ବେହେରା ଆନୁଷ୍ଠାନିକ ଭାବରେ ଶୁଭାରମ୍ଭ କରିଛନ୍ତି l ସମ୍ମାନିତ ଅତିଥି ଭାବରେ ଜ଼ିଲ୍ଲା ଆଞ୍ଚଳିକ ପରିବହନ ଅଧିକାରୀ ରବୀନ ପଟ୍ଟନାୟକ, ଅତିରିକ୍ତ ଆଞ୍ଚଳିକ ପରିବହନ ଅଧିକାରୀ ସୁବାଶିଷ ସାହୁ ଯୋଗ ଦେଇଥିଲେ l ଏହି ବସ ଶ୍ରୀ ପାତାଳି କ୍ଷେତ୍ର, କୋଟ ସମଲାଇ ଠାରୁ ସନ୍ଧ୍ୟା 7 ଟାରେ ବାହାରି ସୁବର୍ଣ୍ଣପୁର ଜିଲ୍ଲାର ଜାଲୋଇ, ଉଲୁଣ୍ଡା, ବିନିକା,

ସୋନପୁର, ବିରମହାରାଜପୁର, ଭାୟା ନୟାଗଡ଼, ଭୁବନେଶ୍ୱର ଦେଇ ଶ୍ରୀ କ୍ଷେତ୍ର ପୁରୀକୁ ସକାଳ 7 ଘଣ୍ଟା 30 ମିନିଟ ରେ ପହଂଚିବ l ସେହିପରି ଶ୍ରୀକ୍ଷେତ୍ର ପୁରୀ ରୁ ସନ୍ଧ୍ୟା 5 ଘଣ୍ଟା 30 ମିନିଟ ରେ ବାହାରି ଭୁବନେଶ୍ୱର, ଖୋର୍ଦ୍ଧା, ନୟାଗଡ, ଦଶପଲ୍ଲା, ସୋନପୁର, ବିନିକା, ଉଲୁଣ୍ଡା, ଜାଲୋଇ ଦେଇ କୋଟ ସମଲାଇ କୁ ସକାଳ 6 ଟା 05 ମିନିଟ ରେ ପହଂଚିବ l ଏହି ବସ ସେବାଯୋଗୁଁ ଏ ଅଂଚଳରେ ଖୁସିର ଲହରୀ ଖେଳି ଯାଇଥିବା ବେଳେ ବୀରମହାରାଜପୁର ନିର୍ବାଚନ ମଣ୍ଡଳୀ ଅଧିବାସୀ ଓ ସୁବର୍ଣ୍ଣପୁର ଜ଼ିଲ୍ଲା ବାସୀ ଙ୍କ ପକ୍ଷରୁ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କୁ ଏବଂ ମନ୍ତ୍ରୀ ପଦ୍ମନାଭ ବେହେରା ଙ୍କୁ କୃତଜ୍ଞତା ଜଣାଇଛନ୍ତି l