03-Jan-2022

ପାଟଣାଗଡ଼ (ପୂର୍ଣ୍ଣ ଶଶି ଶେଖର ରାଓ ) ବଲାଙ୍ଗୀର ଜିଲ୍ଲା ବେଲପଡା ବ୍ଳକ ସେକ୍ସନ ଅଫିସର ଙ୍କ ବଦଳି ହୋଇଯାଇଛି । ସୂଚନାଯୋଗ୍ୟ ଯେ ବେଲପଡା ବ୍ଳକ ରେ କାର୍ଯ୍ୟରତ ଥିବା ସେକ୍ସନ ଅଫିସର ସୁଧାକର ମହାପାତ୍ର ଦୀର୍ଘ ଦୁଇ ବର୍ଷ ଧରି କାର୍ଯ୍ୟ କରି ଆସୁଥିଲେ । ତାଙ୍କ କାର୍ଯ୍ୟ କାଳରେ ଜଣେ ସୁଦକ୍ଷ,

ଶାନ୍ତି ପ୍ରିୟ ,ମିଷ୍ଠ ଭାଷି, କର୍ତ୍ତବ୍ୟ ନିଷ୍ଠା ଭାବରେ କାର୍ଯ୍ୟ ନିର୍ବାହ କରୁଥିଲେ ।ତାଙ୍କ କାର୍ଯ୍ୟ କଲାପ ପ୍ରତି ଅଞ୍ଚଳବାସୀ ଏବଂ ବ୍ଳକ କାର୍ଯ୍ୟାଳୟ ର କର୍ମଚାରୀଙ୍କ ହୃଦୟ ଜିଣି ନେଇ ପାରିଥିଲେ। ହେଲେ ପଞ୍ଚାୟତ ନିର୍ବାଚନ ପାଖେଇ ଆସୁଥିବାବେଳେ ତାଙ୍କର ହଠାତ୍ ବଲାଙ୍ଗିର ବଦଳି କରାଯାଇଛି ବୋଲି ଜାଣିବା ପରେ ଅଞ୍ଚଳର ଲୋକମାନେ ବହୁ ଦୁଃଖ ଅନୁଭବ କରୁଥିବା ଜଣାପଡିଛି। ସରକାରୀ ଅଧିକାରୀ ମାନେ ବଦଳି ହେଲେ ଲୋକେ କିଛି ଭାବନ୍ତି ନାହିଁ କିନ୍ତୁ ଏଭଳି ଅଧିକାରୀ ମାନଙ୍କ ବଦଳି ହୋଇ ଗଲା ପରେ ଲୋକଙ୍କ ମନରେ ସ୍ମୃତି ହୋଇ ରହିଯାଇଥାନ୍ତି । ସରକାର ଯଦି ପୁଣି ଥରେ ଏଭଳି ଲୋକ ଙ୍କୁୁୁ ବ୍ଳକ ରେ ଯୋଗଦେବାକୁ ସୁଯୋଗ ଦିଅନ୍ତି ତାହେଲେ ବହୁ ଭଲ ହୁଅନ୍ତା ବୋଲି ଜନସାଧାରଣରେ ମତ ପ୍ରକାଶ ପାଉଛି। ତାଙ୍କ ବଦଳି ପରେ ଏବେ ଖପ୍ରାଖୋଲ ବ୍ଳକ ଦାୟିତ୍ଵ ରେ ଥିବା ସେକ୍ସନ ଅଫିସର ଦିଲ୍ଲୀପ କୁମାର ସାହୁ ଯୋଗଦେଇଥିବା ଜଣାପଡିଛି। ନୂତନ ଭାବେ ଯୋଗଦେଇ ଥିବା ଶ୍ରୀ ସାହୁ ଙ୍କୁ ବ୍ଳକ କର୍ମଚାରୀ ମାନେ ସ୍ବାଗତ ଜଣାଇବା ସହ ପୂର୍ବତନ ସେକ୍ସନ ଅଫିସର ଶ୍ରୀ ମହାପାତ୍ର ଙ୍କୁ ବିଦାୟକାଳୀନ ସମ୍ବର୍ଦ୍ଧନା ଜଣାଇଥିଲେ। ଏହି କାର୍ଯ୍ୟ ରେ ବ୍ଳକ କାର୍ଯ୍ୟାଳୟ ର ବିଡ଼ିଓ,ଏବିଡିଓ,ଜିପିଇଓ, ସମସ୍ତ କାର୍ଯ୍ୟ ନିର୍ବାହ ଅଧିକାରୀ,ଏସିଷ୍ଟାଣ୍ଡ ଇଞ୍ଜିନିୟର, ସମସ୍ତ କନିଷ୍ଠ ଯନ୍ତ୍ରୀ ଓ ବ୍ଳକ କର୍ମଚାରୀ ମାନେ ଉପସ୍ଥିତ ଥିଲେ।