26-Dec-2021

 ବିନିକା (ହିମାଂଶୁ ଶେଖର ପୁଟେଲ)// ବିନିକା ନଗର ଓ ବ୍ଳକ ବିଜେଡ଼ି ତରଫରୁ ଆଜି ବିନିକା ସହର ସ୍ଥିତ ଟାଉନହଲ ପରିସରରେ ବିଜୁ ଜନତା ଦଳର ୨୫ତମ ପ୍ରତିଷ୍ଠା ଦିବସ ମହାସମାରୋହରେ ପାଳିତ ହୋଇଯାଇଛି ।ବ୍ଳକ ସଭାପତି ଦ୍ବାରିକାନାଥ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ପ୍ରତିଷ୍ଠା ଦିବସରେ ମାନ୍ୟବର ପରିବହନ ମନ୍ତ୍ରୀ ପଦ୍ମନାଭ ବେହେରା ମୁଖ୍ୟଅତିଥି ଭାବେ ଯୋଗଦେଇ ରାଜ୍ୟର ନବୀନ ସରକାରଙ୍କ ଦ୍ଵାରା କାର୍ଯ୍ୟକାରୀ ହେଉଥିବା ବିଭିନ୍ନ ଜନକଲ୍ୟାଣକାରୀ ଯୋଜନା ସମ୍ପର୍କରେ ଆଲୋଚନା କରିବା ସହିତ ଏହି ସମୟ ମଧ୍ୟରେ ବୀରମହାରାଜପୁର ବିଧାନସଭା ମଣ୍ଡଳୀର ବିନିକା,ଉଲୁଣ୍ଡା ଓ ବୀରମହାରାଜପୁରରେ ବିକାଶରେ ଅଗ୍ରଗତି ହୋଇଥିବା

ବେଳେ ଶିକ୍ଷା,ସ୍ବାସ୍ଥ୍ୟ,ଗମନାଗମନ ଆଦି କ୍ଷେତ୍ରରେ ଅନେକ ବିକାଶମୂଳକ ପଦକ୍ଷେପ ଗ୍ରହଣ କରାଯାଇଥିବା ମନ୍ତ୍ରୀ ଶ୍ରୀ ବେହେରା ପ୍ରକାଶ କରିଥିଲେ । ଏଥିରେ ଅନ୍ୟ ମାନଙ୍କ ମଧ୍ୟରେ ରାଜ୍ୟ ବିଜେଡ଼ି ସମ୍ପାଦକ ଉତ୍ତର କୁମାର ପାତ୍ର,ସୁବର୍ଣ୍ଣପୁର ଜିଲ୍ଲା ମହିଳା ମୋର୍ଚ୍ଚା ସଭାନେତ୍ରୀ ପଦ୍ଦ୍ମିନି ବଘାର,ବିନିକା ବ୍ଳକ ଅଧ୍ୟକ୍ଷ ଅଶୋକ ନନ୍ଦ,ବୀରମହାରାଜପୁର ବ୍ଳକ ସଭାପତି ସ୍ଵୟଂଭୂ ନାଥ ଖଣ୍ଡଗିରି,ଉଲୁଣ୍ଡା ସଭାପତି ଜସକେତେନ ବଘାର,ବିନିକା ନଗର ସଭାପତି ସୋମନାଥ ମିଶ୍ର ପ୍ରମୁଖ ସମ୍ମାନିତ ଅତିଥି ଭାବେ ନବୀନ ସରକାରଙ୍କ ଉନ୍ନତିମୂଳକ କାର୍ଯ୍ୟ ଲୋକଙ୍କ ପାଖରେ ପହଞ୍ଚାଇବାକୁ ଉପସ୍ଥିତ କର୍ମୀ ମାନଙ୍କୁ ଆହ୍ୱାନ କର୍
ଦେଇଥିଲେ । ପ୍ରାରମ୍ଭରେ ସ୍ଥାନୀୟ କଲେଜ ଗେଟ ନିକଟରେ ହଜାର ହଜାର ବିଜୁ ପ୍ରେମୀ ମାନ୍ୟବର ମନ୍ତ୍ରୀଙ୍କୁ ସ୍ଵାଗତ କରି ଏକ ବିରାଟ ଶୋଭାଯାତ୍ରାରେ ଘଣ୍ଟ,ଶଙ୍ଖ ଓ ଦୂଳଦୁଲି ବାଜାରେ ସହର ପରିକ୍ରମା କରି ସଭାସ୍ଥଳକୁ ପାଛୋଟି ଆଣିଥିଲେ । ଏହି

ଅବସରରେ ଓଡ଼ିଶା ମୋ ପରିବାର ତରଫରୁ ଅନୁଷ୍ଠିତ ଜୀବନବିନ୍ଦୁ ରକ୍ତଦାନ କାର୍ଯ୍ୟକ୍ରମରେ ଅଞ୍ଚଳର ୫ଜଣ ମହିଳାଙ୍କ ସମେତ ମୋଟ ୫୧ଜଣ ସ୍ବେଚ୍ଛାକୃତ ଭାବେ ରକ୍ତଦାନ କରିଥିଲେ । ଅନୁଷ୍ଠିତ ଏହି ଉତ୍ସବ ପରିଚାଳନାରେ ଧର୍ମରାଜ ପଣ୍ଡା,ଧର୍ମେନ୍ଦ୍ର ଥନାପତି,ଭୀମସେନ ସାହୁ,ସୁଧାଂଶୁ ଦାଶ,ପୀତବାସ ମେହେର,କୃଷ୍ଣଚନ୍ଦ୍ର ପଣ୍ଡା,ହାଡୁ ମେହେର,ଶେଖର ଶର୍ମା,ଆନନ୍ଦ ହୋତା,ବିଶେଶ୍ୱର ସେଠୀ,ଦୀନବନ୍ଧୁ ମେହେର,ସନ୍ତୋଷ ସାହୁ,ପ୍ରଦୀପ ସେଠୀ,ଜୟନାରାୟଣ ପ୍ରଧାନ,କେଦାର ପଣ୍ଡା,ଲୁୁକୁ ମହାକୁର,ତପସ୍ଵିନୀ ମେହେର,ଦାଶରଥି ନନ୍ଦ,ରଞ୍ଜନ ମିଶ୍ର ପ୍ରମୁଖ ସହଯୋଗ କରିଥିଲେ ।