10-Nov-2020

ଇଣ୍ଟେରିୟର ଡିଜାଇନରଙ୍କୁ ଆତ୍ମହତ୍ୟା କରିବା ନିମନ୍ତେ ବାଧ୍ୟ କରିବା ମାମଲାରେ ବମ୍ବେ ହାଇକୋର୍ଟ ରିପବ୍ଲିକ୍ ଟିଭିର ମୁଖ୍ୟ ସମ୍ପାଦକ ଅର୍ଣ୍ଣବ ଗୋସ୍ବାମୀଙ୍କୁ ଜାମିନ ପ୍ରଦାନ କରିବାକୁ ମନା କରି ଦେଇଛନ୍ତି। ଗୋସ୍ବାମୀଙ୍କୁ ଜାମିନ ପାଇଁ ନିମ୍ନ ଅଦାଲତକୁ ଯିବାକୁ ବମ୍ବେ ହାଇକୋର୍ଟ ନ ଜଷ୍ଟିସ୍ ଏସ୍ ସିଣ୍ଡେ ଏବଂ ଜଷ୍ଟିସ୍ ଏମ୍.ଏସ୍ କର୍ଣ୍ଣିକଙ୍କ ଏକ ବେଞ୍ଚ ଏହି ଆବେଦନ ଉପରେ ଦିନସାରା ଶୁଣାଣି ପରେ ତୁରନ୍ତ କୌଣସି ରାୟ ନ ଶୁଣାଇ ଏହି ରାୟ ସଂରକ୍ଷଣ ରଖିଥିଲେ । ଅର୍ଣ୍ଣବ ଗୋସ୍ୱାମୀ ଏବଂ ଅନ୍ୟ ଦୁଇ ଅଭିଯୁକ୍ତ ଫେରେଜ ଶେଖ ଏବଂ ନୀତୀଶ ସାରଦା ସେମାନଙ୍କ ‘ବେଆଇନ ଗିରଫ’ କୁ ଚ୍ୟାଲେଞ୍ଜ କରି ମଧ୍ୟବର୍ତ୍ତୀକାଳୀନ ଜାମିନ ପ୍ରଦାନ କରିବାକୁ ଆବେଦନ କରିଥିଲେ।

ଏଠାରେ ସୁଚନା ଯୋଗ୍ୟ ଯେ ଗୋସ୍ବାମୀଙ୍କୁ ମୁମ୍ବାଇର ନିମ୍ନ ପାରେଲ ନିବାସରୁ ଗିରଫ କରାଯିବା ପରେ ତାଙ୍କୁ ଅଲିବାଗକୁ ନିଆଯାଇଥିଲା, ଯେଉଁଠାରେ ମାଜିଷ୍ଟ୍ରେଟ ତାଙ୍କୁ ଏବଂ ଅନ୍ୟ ଦୁଇ ଅଭିଯୁକ୍ତଙ୍କୁ 18 ନଭେମ୍ବର ପର୍ଯ୍ୟନ୍ତ ନ୍ୟାୟିକ ହେପାଜତକୁ ପଠାଇଥିଲେ।