10-Nov-2020

୧-ଆଜି ରାଜ୍ୟର ଦୁଇଟି ବିଧାନସଭା ବାଲେଶ୍ଵର ଓ ତିର୍ତ୍ତୋଲ ଉପନିର୍ବାଚନର ହେବ ଭାଗ୍ୟ ପରୀକ୍ଷା । ସକାଳ ୮ ଟାରୁ ହେବ ଭୋଟ ଗଣତି, ଏନେଇ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସୁଶୀଲ ଲୋହାନୀଙ୍କ ସୂଚନା ।

୨-ଆଜିଠାରୁ ଆରମ୍ଭ ଏମ୍‌ବିବିଏସ୍‌, ବିଡିଏସ୍‌ କାଉନ୍‌ସେଲିଂ, ନଭେମ୍ବର ୧୮ ଯାଏ ହେବ ପଞ୍ଜୀକରଣ, ୨୧ରେ ପ୍ରଥମ ରାଉଣ୍ଡ ମେଧା ତାଲିକା ପ୍ରକାଶ ପାଇବା ସହ ଡିସେମ୍ବର ୧୫ରେ ହେବ ସ୍ପଟ୍‌ ନାମଲେଖା ।

୩-ଓଡ଼ିଶା କୃଷି ଓ ବୈଷୟିକ ବିଶ୍ବବିଦ୍ୟାଳୟ(ଓୟୁଏଟି)ର ସ୍ନାତକୋତ୍ତର(ପିଜି) ପାଠ୍ୟକ୍ରମରେ ନାମଲେଖା ଲାଗି ଆସନ୍ତା ୧୫ ତାରିଖରେ ଏକକ ପ୍ରବେଶିକା ପରୀକ୍ଷା ଅନୁଷ୍ଠିତ ହେବ।

୪-ଡିସେମ୍ବର ୧ରୁ ହେବ କୋଣାର୍କ ଉତ୍ସବ, ଆୟୋଜିତ ହେବ ବାଲୁକାକଳା ପ୍ରଦର୍ଶନୀ । ଭାଗନେବେ କେବଳ ଭାରତୀୟ ପ୍ରତିଯୋଗୀ, ଗ୍ୟାଲେରିରେ ବସିବେ ଏକ ତୃତୀୟାଂଶ ଦର୍ଶକ ।

୫-ବିହାର ବିଧାନସଭା ନିର୍ବାଚନର ଭୋଟ ଗଣତି ଆଜି ହେବ। ସମସ୍ତ ୨୪୩ଟି ଆସନର ଫଳାଫଳ ଆଜି ଘୋଷଣା କରାଯିବ।

୬-ବଢ଼ିଲା ଆନ୍ଧ୍ର-ଓଡ଼ିଶା ସୀମା ବିବାଦ : ଚିହ୍ନଟ ପରେ ପୋତାହେଲା ଫଳକ, ଫଳକ ପୋତାକୁ ନେଇ ଆନ୍ଧ୍ର ମହିଳାଙ୍କ ବିକ୍ଷୋଭ । ଓଡ଼ିଶା-ଆନ୍ଧ୍ର ମଧ୍ୟରେ ଯାତାୟାତ ଠପ୍ ।

୭-ଭର୍ଜିନ ହାଇପଲୁପ୍‌ର ପ୍ରଥମ ମାନବ ପରୀକ୍ଷଣ ସଫଳ, ଘଣ୍ଟା ପ୍ରତି ୧୭୨ କିମି ବେଗରେ ଦୌଡିଲା ପଡ୍ ।

୮-ଆସନ୍ତା କାଲି ଅପରାହ୍ନ ୪ଟା ୩୦ରେ କଟକରେ ଇନକମ୍ ଟ୍ୟାକ୍ସ ଆପିଲେଟ୍ ଟ୍ରିବ୍ୟୁନାଲର କାର୍ଯ୍ୟାଳୟ ତଥା ଆବାସିକ କୋଠାକୁ ଭିଡିଓ କନଫେରନ୍ସିଂ ଜରିଆରେ ଉଦଘାଟନ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ।

୯-ଜୋ ବିଡେନଙ୍କ କରୋନା ଟାସ୍କ ଫୋର୍ସ ସହ ଅଧ୍ୟକ୍ଷ ହେଲେ ଭାରତୀୟ ଆମେରିକାନ ବିବେକ ମୂର୍ତ୍ତି ।

୧୦-ବେଆଇନ କାଗଜପତ୍ର ଜରିଆରେ ପାକିସ୍ତାନ ଯିବା ପଡିଲା ମହଙ୍ଗା, ଗୁପ୍ତଚର ସନ୍ଦେହରେ ୮ ବର୍ଷ ଜେଲରେ ରହିବା ପରେ ଭାରତ ଫେରିଲେ ଶାମସୁଦ୍ଦିନ ।

୧୧-ମହିଳା ଟି-୨୦ ଚ୍ୟାଲେଞ୍ଜ ଜିତିଲା ଟ୍ରେଲବ୍ଲେଜର୍ସ, ଟ୍ରେଲବ୍ଲେଜର୍ସ 16 ରନରେ ସୁପରନୋଭାସକୁ ହରାଇ ଟ୍ରଫି ଜିତିଛି ।

୧୨-ଆଇପିଏଲ୍ : ଆଜି ହାଇଭୋଲଟେଜ୍ ଫାଇନାଲ୍ ମ୍ୟାଚ୍, ମୁହାଁମୁହିଁ ହେବେ ମୁମ୍ବାଇ ଇଣ୍ଡିଆନ୍ସ ଓ ଦିଲ୍ଲୀ କ୍ୟାପିଟାଲ୍ସ। ଟିମ୍ ମୁମ୍ବାଇ ପଞ୍ଚମ ଥର ଚାମ୍ପିୟନ ହେବାକୁ ଲକ୍ଷ୍ୟ ରଖିଥିବା ବେଳେ, ଦିଲ୍ଲୀ ପ୍ରଥମ ଥର ଟାଇଟଲ ଜିତିବା ଲକ୍ଷ୍ୟରେ ପ୍ରସ୍ତୁତ ।

*ଅଧିକ ସତର୍କ ରହିବା ଦରକାର,କୋଭିଡ୍ ନିୟମ କଡ଼ାକଡ଼ି ପାଳନ କରିବା,ମାସ୍କ ପିନ୍ଧିବା, ଶାରୀରିକ ଦୂରତା ରଖିବା ଓ ନିୟମିତ ହାତ ଧୋଇବା ।*