13-Dec-2021

ଗଞ୍ଜାମ (ଉମା ମହାରଣା) ::ଦକ୍ଷିଣ ଓଡିଶା ବିଶ୍ବକର୍ମା କୁଳ ଗୌଞ୍ଜୁ ବଂଶର ନବ ନିର୍ମିତ ସ୍ଥାୟୀ ବୈଠକଗୃହ ପ୍ରତିଷ୍ଠା ଉତ୍ସବ ଅନୁଷ୍ଠିତ ହୋଇଯାଇଛି । ଛତ୍ରପୁର ବ୍ଳକଅନ୍ତର୍ଗତ ଟାଙ୍ଗଣାପଲ୍ଲୀସ୍ଥିତ ଶ୍ରୀନୀଳକଣ୍ଠେଶ୍ବର ମନ୍ଦିର ପରିସରରେ ନିର୍ମିତ ଏହି ବୈଠକ ଗୃହ ବଂଶର ସ୍ଥାୟୀ କାର୍ଯ୍ୟାଳୟ ରୂପେ ବ୍ୟବହୃତ ହେବ।ପ୍ରତିଷ୍ଠା ଉତ୍ସବରେ ଗୌଞ୍ଜୁ ବଂଶର ସଂପାଦକ କାମରାଜୁ ମହାରଣା ଓ ତାଙ୍କର ଧର୍ମପତ୍ନି ପଦ୍ମାବତୀ ମହାରଣା କର୍ତ୍ତା ରୂପେ କାର୍ଯ୍ୟ ସମ୍ପାଦନ କରିଥିବା ବେଳେ ଅନ୍ତର୍ଯ୍ୟାମୀ ଶତପଥୀ ପୁରୋହିତ ରୂପେ ଦାୟିତ୍ୱ ସମ୍ପାଦନ କରିଥିଲେ ।ଏହି କାର୍ଯ୍ୟକ୍ରମରେ ଗଞ୍ଜାମ ଜିଲ୍ଲାର ବିଭିନ୍ନ ସ୍ଥାନରୁ ବଂଶର ସଭ୍ୟମାନେ ଉପସ୍ଥିତ ରହି ପ୍ରତିଷ୍ଠା ଉତ୍ସବରେ ଅଂଶଗ୍ରହଣ କରିଥିଲେ ।ସଭାପତି ଲଡୁ କିଶୋର ମହାରଣାଙ୍କ ସମେତ କୋରା ମହାରଣା, ଯଦୁମଣି ମହାରଣା, ଉଦୟନାଥ ମହାରଣା, ବିଜୟ ମହାରଣା, ବାବୁ ମହାରଣା, ଦୁର୍ଗା ମାଧବ ମହାରଣା, ଗୋପାଳ ଚନ୍ଦ୍ର ମହାରଣା ,ମାଧବ ମହାରଣା ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ ।

ଏହି ଉତ୍ସବରେ ପୂର୍ବଖଣ୍ଡ ତାଲୁକା ସଭାପତି ରମେଶ ଚନ୍ଦ୍ର ମହାରଣା ଓ ମହୁରି ତାଲୁକା ପୂର୍ବତନ ସଭାପତି ଆଦିକନ୍ଦ ମହାରଣା ଅତିଥି ରୂପେ ଯୋଗଦେଇଥିଲ ।ଶେଷରେ ପ୍ରଧାନ ଶିକ୍ଷକ ବିଜୟ ଚନ୍ଦ୍ର ମହାରଣା ଧନ୍ୟବାଦ ଅର୍ପଣ କରିଥିଲେ ।