13-Dec-2021

ଲୋଇସିଂହା, (ବିନୋଦ କୁମାର ଦୀପ): ଲୋଇସିଂହା ଥାନା ଅନ୍ତର୍ଗତ ସୁଜିଆ ଗ୍ରାମରେ ଏକ ଅଭାବନୀୟ ଘଟଣା ଘଟିଛି l ଘଟଣାଟି ଏହା ଯେ ରଇବାରୀ ସାହୁ(୫୫) ନାମ୍ନୀ ଜଣେ ମାନସିକ ବିକାରଗ୍ରସ୍ତ ମହିଳା ବଳାତ୍କାରର ଶିକାର ହୋଇଛନ୍ତି l ଏହି ଘଟଣାଟି ଘଟିଛି ୧୨ ତାରିଖର  l ସୂଚନାରୁ ପ୍ରକାଶ ଯେ ରଇବାରୀଙ୍କ କେହି ନାହାନ୍ତି l ସେ ଏକୁଟିଆ ରୁହନ୍ତି ସୁଜିଆ ଗ୍ରାମରେ l ଗତକାଲି ରାତ୍ରୀ ସମୟରେ ମହିଳା ଜଣକ ବାହାରେ ଥିବାବେଳେ ସେହି ଗ୍ରାମର କିଛି ଯୁବକ ରଇବାରୀକୁ ଟେକିନେଇ ବଳାତ୍କାର କରିବା ସହ ମାଡ଼ ମାରିଥିବା ଅଭିଯୋଗ ହୋଇଛି  l ଉକ୍ତ ଗ୍ରାମ ଲୋକେ ଖବର ପାଇବା ପରେ ଲୋକଙ୍କ ମଧ୍ୟରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା lଲୋଇସିଂହା ପ୍ରତିଜ୍ଞା ସଂଗଠନର ବନିତା ପଧାନ, ଚିନା ଧରୁଆ ଓ ମହେଶ୍ୱରୀ ସଂଗଠନର ସଭାପତି ଦେବାଶିଷ ବିଶୋଇ ଖବର ପାଇ ରlଇବାରୀଙ୍କୁ ଉଦ୍ଧାର କରିବା ସହ ଲୋଇସିଂହା ହସ୍ପିଟାଲରେ ପହଞ୍ଚାଇଛନ୍ତି l ବର୍ତମାନ ରଇବାରୀର ଅବସ୍ଥା ଗୁରୁତର ହେବାରୁ ଡାକ୍ତର ଲୋଇସିଂହାରୁ ବଲାଙ୍ଗୀର ଡାକ୍ତରଖାନାକୁ  ରେଫର କରିଛନ୍ତି  l ଏ ସଂକ୍ରାନ୍ତରେ ସୁବାଷ ଭୋଇ(୩୦) ନାମକ ଜଣେ ବ୍ୟକ୍ତି ନାମରେ ଏକ ମାମଲା ରୁଜୁ ହୋଇଛି l ଲୋଇସିଂହା ପୋଲିସ ସନ୍ଦେହରେ ସେହି ଗ୍ରାମର ୩ଜଣ ଯୁବକଙ୍କୁ ଥାନାକୁ ଆଣି ପଚରାଉଚୁରା ଚଳାଇଛି l  ତଦନ୍ତ ପରେ ପ୍ରକୃତ ଘଟଣା ଜଣାପଡିବ ବୋଲି ପୋଲିସ ସୂଚନା ଦେଇଛି  l