13-Dec-2021

ସିନ୍ଧେକେଲା,(ଅନିଲ କୁମାର ତ୍ରିପାଠୀ) - ବଲାଙ୍ଗୀର ଜିଲ୍ଲା ସିନ୍ଧେକେଲା ଥାନା ଅନ୍ତର୍ଗତ ଶୁଣ୍ଢିମୁଣ୍ଡା ପ୍ରାଥମିକ ବିଦ୍ୟାଳୟର ପରିତ୍ୟକ୍ତ କୋଠରୀରୁ ମିଳିଥିବା ଅଚିହ୍ନା ଯୁବତୀଙ୍କ ଗଳିତ ଶବ ଉଦ୍ଧାର ହେବା ପରେ ଅଞ୍ଚଳରେ ଏହା ବେଶ ଚର୍ଚ୍ଚାର ବିଷୟ ପାଳଟିଛି। ପୋଲିସ ପହଞ୍ଚି ଶବ ଜବତ କରିବାସହ ବ୍ୟବଛ୍ଛେଦ ପାଇଁ ଟିଟିଲାଗଡ ପଠାଇଛି। ବ୍ୟବଛ୍ଛେଦ ପରେ ଶବ ଚିହ୍ନଟ ପାଇଁ ଆହୁରୀ ୭୨ ଘଣ୍ଟା ସଂରକ୍ଷିତ ରଖାହେବ ବୋଳି ଟିଟିଲାଗଡ ଏସଡିପିଓ ସୁରେନ୍ଦ୍ର ନାଥ ସତପଥି ସୁଚନା ଦେଇଛନ୍ତି। ଏବଂ ଯେ କେହି ଏହି ଯୁବତୀଙ୍କ ବିଷୟରେ କିଛି ଜାଣିଥିଲେ ୯୪୩୭୧ ୨୬୬୪୬ କୁ ଫୋନ କରି ଜଣାଇବାକୁ ଏସଡିପିଓ ଅନୁରୋଧ ମଧ୍ଯ କରିଛନ୍ତି। ତେବେ ଘଟଣା ଜଣା ପଡିବାର ଦୁଇଦିନ ଓ ଶବର ସ୍ଥିତି ଅନୁଯାଇ ପୋଲିସ କହିବାନୁସାରେ ଚାରି ପାଞ୍ଚ ଦିନ ତଳେ ମରିଥିବା ଅନୁମାନ କରା ଯାଇଛି। ତେବେ ଏହି ଯୁବତୀଙ୍କ ଗଳିତ ଶବ କୁ ନେଇ ଅଞ୍ଚଳରେ ଅନେକ ଚର୍ଚ୍ଚା ଚାଳିଛି । ସିନ୍ଧେକେଲା ଥାନା ଅଞ୍ଚଳରେ ବିଗତ ବର୍ଷ ମାନଙ୍କ ଇତିହାସ ଦେଖିଲେ ଏଠାରେ ଅନ୍ଧବିଶ୍ୱାସ ଅନ୍ଧାରି ଗଳିର ବଶବର୍ତ୍ତୀ ହୋଇ ଜଣେ ୯ ବର୍ଷର ବାଳକ ଓ ଠିକ ଏ ଘଟଣାର ଗୋଟିଏ ବର୍ଷ ପରେ ଜଣେ ୭ ବର୍ଷର ବାଳିକା କୁ ତନ୍ତ୍ର ସାଧନାର ସିଦ୍ଧି ପାଇଁ ବଳି ଦିଆ ଯାଇଥିଲା। ଦୁଇ ଜଣ ନିଷ୍ପାପ ଶିଶୁଙ୍କ ଜୀବନ ନେଇଥିବା ତାନ୍ତ୍ରିକ ଏବେ ଜେଲରେ। କିନ୍ତୁ ଥମୁନି ଏପରି ଘଟଣା । କିଛିମାସ ତଳେ ଗୁଣିଗାରେଡି ସନ୍ଦେହରେ ଜଣେ ବୃଦ୍ଧକୁ ଗାଁରେ ବୁଲାଇ ବୁଲାଇ ନିସ୍ତୁକ ମାଡ ମାରିବା ସହ ପରିଶ୍ରା ପିଆଇ ଓ ବିଷ୍ଠା ଖୁଆଉ ଥିବା ଭଲି ଚିତ୍ର ଦେଖିବାକୁ ମିଳିଥିଲା ତ ଗୁଣିଗାରେଡ଼ି ସନ୍ଦେହ ରେ ଗୋଟିଏ ପରିବାରର ୧୩ ଜଣ ସଦସ୍ୟଙ୍କୁ ଗାଁରୁ ତଡି ଦିଆ ଯାଇଥିଲା। ପରେ ପୋଲିସ ସେହି ପରିବାର କୁ ଥଇଥାନ କରିଛି ଠିକ ହେଲେ ଏବେବି ସେ ଗାଁରେ ପୋଲିସ ମୁତୟନ ଅଛନ୍ତି। ସେହିଭଲି ଭାବରେ ଠିକ

ଏହି ଥାନା ଅଞ୍ଚଳରୁ ମମିତା ମେହେର ଅକ୍ଟୋବର ୮ ତାରିଖ ଦିନ ନିଖୋଜ ହୋଇଥିବା ଘଟଣା ଏକ ଭିନ୍ନ ମୋଡ ନେବାସହ ତାଙ୍କ ମୃତଦେହ ଉଦ୍ଧାର ହୋଇଥିବା ଘଟଣାରେ ଆଜି ପର୍ଯ୍ୟନ୍ତ ମମିତା ମିଷ୍ଟ୍ରି ଘଟଣାକୁ ନେଇ ରାଜ୍ଯ ତଥା ଦେଶରେ ଚର୍ଚ୍ଚା ଥମୁନି। ଏବେ ଶୁଣ୍ଢିମୁଣ୍ଡା ପ୍ରାଥମିକ ସ୍କୁଲ ରେ ଡିସେମ୍ବର ୯ ତାରିଖ ଏକ ୨୦ ରୁ ୨୫ ବର୍ଷର ଅଚିହ୍ନା ଯୁବତୀଙ୍କ ଗଳିତ ଶବ ଉଦ୍ଧାର ହେବା ଘଟଣା ଏ ଅଞ୍ଚଳ କୁ ପୁଣି ଚର୍ଚ୍ଚାର ପରିଧି କୁ ଟାଣି ଆଣିଛି । ଗୁରୁତ୍ବପୂର୍ଣ୍ଣ କଥା ହେଲା ଏ ଝିଅଟି  କିଏ , ତାଙ୍କୁ ମର୍ଡର କଲା ପରେ ସେଠାରେ ଫିଙ୍ଗା ହୋଇଛି ନା ସେହି ପରିତ୍ୟକ୍ତ ସ୍କୁଲ କୋଠରୀରେ ହିଁ ମର୍ଡର କରାଯାଇଛି । ତାଙ୍କ ବେକରେ ଥିବା ଏକ ଗୋଲ୍ଡେନ ଚେନ ରେ ଲେଖାଥିବା ସୋନୁ ନାମ ଟି ତାଙ୍କ ପରିଚୟ ବାହାର କରିବାରେ ସହାୟକ ହେବକି, ତାଙ୍କ ଧଳା ଜିନ୍ସ ଓ ଲାଲ ଫ୍ରକ ତଥା ପୋଲିସ ଘଟଣା ସ୍ଥଳରୁ ପାଇଥିବା ଅନ୍ଯାନ୍ଯ ସାମଗ୍ରୀ ଘଟଣାର ପର୍ଦ୍ଦାଫାସ କରିବାକୁ ପୋଲିସ କୁ ସହାୟ ହେବ ନା ଆଗକୁ ପୁଣି କୋଉ ମୋଡ ନେବ ଦେଖିବାକୁ ବାକି ରହିଲା ।