13-Dec-2021

ବଲାଙ୍ଗିର : ମଟିବୋହି ପ୍ରାୟ ବର୍ଷେରୁ ଅଧିକ ଦିନ ଗଡିଥିଲେ ସୁଦ୍ଧା ଶ୍ରମିକଙ୍କୁ ମିଳୁ ନାହିଁ ପାଉଣା। ମନରେଗା କାମକୁ ଦୂରୁ ଜୁହାର ବୋଲି  କହଁନ୍ତି ଜଣେ ନୁହେଁ ଦୁଇ ଜଣ ନୁହେଁ ଶତାଧିକ ମଜୁରିଆ।"ବିଲ ହେଇଯିବ,  ଖାତାରେ ପଡିଯିବ ଓ ଶେଷରେ ପଡିଥିବ ଖାତା ଅପଡେଟ କର" ଇତ୍ୟାଦି ଜିଆରଏସ କହି ଠକି ଚାଲିଛନ୍ତି। ପଞ୍ଚାୟତ କାର୍ଯ୍ୟନିର୍ବାହୀ ବାବୁ ତହୁଁ ଅଧିକ, କେବେ ପଞ୍ଚାୟତ କାର୍ଯ୍ୟଳୟକୁ ଆସନ୍ତି ପ୍ରଭୁ ଜାଣନ୍ତି। ଯେବେ ଭେଟିଛୁ ମଜୁରି ମାଗିଛୁ। ଆଜ୍ଞl ଫୋନ ଉଠାନ୍ତି ନାହିଁ। ପେଟ ପାଇଁ  କାମ କରିଯିବୁ ନା ମଜୁରି ମାଗିବୁ। ଦିନେ ବ୍ଳକ ଯାଇଥିଲୁ ବିଡିଓ ନ ଥିଲେ, ଫେରି ଆସିଲୁ। ଏଥର ଗାଁ ଆସିଲେ ଜିଆରଏସକୁ ବାନ୍ଧିବୁ ଫାଶି ହେଉକି ଜେଲ। ଦୁଇ ପଇସା ରୋଜଗାର ପାଇଁ ସ୍ତୀ ଝିଅଙ୍କୁ ଧରି ଭୋର ଭୋର ମାଟି ବୋହିଲୁ 2/୪ ଦିନ ନୁହେଁ ବର୍ଷ ପୁରିଗଲା। ସରକାରୀ ମନରେଗା ମାଟିବୁହାକୁ କୋଟି ଜୁହାର।

   ଏହା ହେଉଛି ପୁଇଁତଲା ବ୍ଳକ ବହଲପଦର ପଞ୍ଚାୟତର ଡୁମ୍ବେରବାହାଲ ଓ ବାନ୍ଦନବାହାଲ ଗାଁ ଶତାଧିକ ଶ୍ରମିକଙ୍କ କଥା । ମନରେଗା ମଜୁରିଆଙ୍କ ମନର ବ୍ୟଥା। କାହିଁକି ଏମିତି ହେଲା, ଦାୟୀ କିଏ ? ଶ୍ରମିକଙ୍କୁ ପାଉଣା କେବେ ? ଜିଆରଏସ୍ ଓ ଇଓ ଦଣ୍ଡିତ ହେବା ଉଚିତ ନୁହେଁ କି ?