07-Dec-2021

ବଲାଙ୍ଗୀର(ପ୍ରେରଣା ଖବର ବ୍ୟୁରୋ) : -ବଲାଙ୍ଗିର ଡି ଏସ ଆର (District Subregistar Office) କାର୍ଯ୍ୟାଳୟରେ ଅବସର ନେଲା ପରେ ମଧ୍ୟ ଜଣେ କର୍ମଚାରୀ ଦୀର୍ଘଦିନ ଧରି ଚୌକି କୁ ଜାବୁଡ଼ି ବସିଥିଲେ । ଗତ ଜୁଲାଇ ମାସରୁ  ଚାକିରି ର ଅବଧି ସରିଥିଲେ ମଧ୍ୟ ଚୌକି ର ସ୍ନେହ ତୁଟି ନ ଥିଲା ଏହି କର୍ମଚାରୀଙ୍କ । ଏହି କର୍ମଚାରୀ ଜଣକ ହେଉଛନ୍ତି ଶ୍ରୀମାନ ଭାଗୀରଥୀ ସାହୁ l ଭାଗୀ ସାହୁ କହିଲେ ଏଠାରେ ତାଙ୍କୁ ସମସ୍ତେ ଜାଣନ୍ତି l ଡି ଆର ଏବଂ ଡି ଏସ ଆର ବାରମ୍ବାର ମନା କଲେ ମଧ୍ୟ  ରୀତିମତ କାର୍ଯ୍ୟାଳୟକୁ ଆସୁଥିଲେ ଭଗୀ ସାହୁ ।କୁଆଡେ ସେ ବିନା ଦରମାରେ କାମ କରୁଥିଲେ ।ଏକ ପ୍ରକାର ସାମ୍ରାଜ୍ୟ ବିସ୍ତାର କରିଥିଲେ ଅଫିସ ରେ । 'ପ୍ରେରଣା' ସାପ୍ତାହିକ ରେ ଶୀର୍ଷକ ' ଡି ଏସ ଆର ଅଫିସ ରେ ଏ ଭାଗୀ ସାହୁ ଜଣକ କିଏ ?' ଖବର (ନଭେମ୍ବର ୨୮ - ଡିସେମ୍ବର ୪ ,୨୦୨୧) ପ୍ରକାଶିତ ହେବା ପରେ ଡି ଆର ଏବଂ ଡି ଏସ ଆର ଙ୍କ କଡା ନଜର ରେ ସାହୁ ବାବୁ ବିଦା ହେଲେ । ଡି ଏସ ଆର ଅଫିସ ରେ ଥିବା ପୁରୁଣା ଗାତୁଆ ମୂଷାଙ୍କୁ ଅନ୍ୟତ୍ର ବଦଳି କରାଯିବା ପରେ ଏବେ ପରିବେଶ ଶାନ୍ତ ଥିବା ପରିଲକ୍ଷିତ ହୁଏ । ଧନ୍ୟବାଦ୍ ଡି ଏସ ଆର ପଦ୍ମନାଭ ପୁରୋହିତଙ୍କୁ ତାଙ୍କ ଉଦ୍ୟମରେ କାର୍ଯ୍ୟାଳୟ ସମ୍ମୁଖ ଗେଟ୍ ଏବଂ ରେଜିଷ୍ଟ୍ରି କରିବା ପାଇଁ ଆସୁଥିବା ଲୋକଙ୍କ ପାଇଁ ୱେଟିଂ ହଲ ଏବଂ ସ୍ଵଚ୍ଛ ପାନୀୟ ଜଳର ବ୍ୟବସ୍ଥା କରାଇ ପାରିଛନ୍ତି । ରେଜିଷ୍ଟ୍ରି ଅଫିସ ହେଲା ଦିନଠୁ ଗଳି ରାସ୍ତାରେ ଯିବାକୁ ପଡୁଥିଲା । ଜରାଜୀର୍ଣ୍ଣ ଅବସ୍ଥାରେ କାର୍ଯ୍ୟାଳୟ ପଡ଼ିରହିଥିଲା । ଡି ଆର ଏବଂ ଡି ଏସ ଆର ଙ୍କ ଲୋକାଭିମୁଖୀ କାର୍ଯ୍ୟ କୁ ଜନସାଧାରଣ ପ୍ରଶଂସା କରିଛନ୍ତି । ଅନ୍ୟପକ୍ଷରେ ବଲାଙ୍ଗିର ତହସିଲ୍ ରେ ବହୁ ଦିନରୁ ଭାଗୀ ସାହୁ ଙ୍କ ପରି କିଛି ଅବସରପ୍ରାପ୍ତ କର୍ମଚାରୀ କାମ କରୁଥିବା ବିଶ୍ୱସ୍ତ ସୂତ୍ରରୁ ଖବର ମିଳିଛି l