03-Dec-2021

ପୁରୀ /ଭୁବନେଶ୍ୱର: (ସମୀର ରଞ୍ଜନ ନାୟକ): ଗତକାଲି ରାଜ୍ୟ ସ୍ୱାସ୍ଥ୍ୟ ପରିବାର କଲ୍ୟାଣ ବିଭାଗ ଏବଂ ବିଶ୍ୱ ସ୍ୱାସ୍ଥ୍ୟ ସଂଗଠନ ମଧ୍ୟରେ କୋଭିଡ଼-୧୯ ପରିଚାଳନା ସମ୍ପର୍କରେ ବିସ୍ତୁତ ଆଲୋଚନା ଅନୁଷ୍ଠିତ ହୋଇଥିଲା l ଏଥିରେ ବିଶ୍ୱ ସ୍ୱାସ୍ଥ୍ୟ ସଂଗଠନର ପ୍ରତିନିଧି ଯୋଗ ଦେଇ କହିଲେ ଯେ ଓଡିଶା କୋ ଭିଡ଼- ୧୯ ପରିଚାଳନା  କ୍ଷେତ୍ରରେ ଉଲ୍ଲଖୀନୟ କାର୍ଯ୍ୟ କରି ଅନ୍ୟମାନଙ୍କ ପାଇଁ ଉଦାହରଣ ସୁଷ୍ଟି କରିପାରିଛି ଓ ଦୃଷ୍ଟି ଆକର୍ଷଣ କରିପାରିଛି l ତେବେଏଇ କ୍ଷେତ୍ରରେ ଡକୁମେଣ୍ଟସନର ଆବଶ୍ୟକତା ରହିଛି l ସବୁ ଦିଗକୁ ସଠିକ ଡ଼କୁମେଣ୍ଟସନ କରିପାରିଲେ ଅନ୍ୟମାନେ ତାକୁ ଅନୁସଣ କରିପାରିବେ l ଏହି ଅବସରରେ ବିଶ୍ୱ ସ୍ୱାସ୍ଥ୍ୟ ସଂଗଠନ ତାଙ୍କର ବାଲେଶ୍ଵର ଜିଲ୍ଲା ଗସ୍ତ ସମ୍ପର୍କରେ ଅନୁଭୂତି ବର୍ଣ୍ଣନା କରିବା ସହ ଜିଲ୍ଲାରେ କୋଭିଡ଼-୧୯ ପରିଚାଳନା କ୍ଷେତ୍ରରେ ହ ଆଖିଦୃଷ୍ଟିଆ କାର୍ଯ୍ୟ ହୋଇଥିବା କଥା ଉଲ୍ଲେଖ କରିଥିଲେ l ବାଲେଶ୍ଵର ଜିଲ୍ଲାରେ ଥିବା ଅକୁଆରୀ ସ୍ୱାସ୍ଥ୍ୟ କେନ୍ଦ୍ର(ଏ ଏ ଚ ଏଫ)ଗୁଡିକରେ କୋଭିଡ଼- ୧୯ ପରିଚାଳନା ଟିକାଦାନ ସ୍ୱାସ୍ଥ୍ୟ ସେବା ସମ୍ପର୍କରେ ସଚେତନା କାର୍ଯ୍ୟକ୍ରମ ସ୍ୱାସ୍ଥ୍ୟ ଶିବିର ଓ ଆବଶ୍ୟକ ସ୍ଥଳେ ଆଶ୍ରୟ କେନ୍ଦ୍ର ଇତ୍ୟାଦି ପରିଚାଳନା କରାଯାଇ ପାରୁଛି l ଏହି କେନ୍ଦ୍ରଗୁଡିକରେ ବହୁମୁଖୀ ସେବା ପ୍ରଦାନରେ ସହାୟତା ହୋଇପାରୁଛି l ବିପର୍ଯ୍ୟୟ ସମୟରେ ସ୍ୱାସ୍ଥ୍ୟ ସେବା ପରିଚାଳନା ସମ୍ପର୍କରେ ମଧ୍ୟ ଏହି ଅବସରେ ଆଲୋଚନା ହୋଇଥିଲା l ଏହି କାର୍ଯ୍ୟକ୍ରମରେ ବିଶ୍ୱ ସ୍ୱାସ୍ଥ୍ୟ ସଂଗଠନ ପକ୍ଷରୁ ଡା ନିହାର ରଞ୍ଜନ ରାୟ, ଡା ସୌରଭ ଓ ଡା ମନିଷ ଉପସ୍ଥିତ ଥିବାବେଳେ ସ୍ୱାସ୍ଥ୍ୟ ପରିବାର କଲ୍ୟାଣ ବିଭାଗ ସ୍ଵତନ୍ତ୍ର ଶାସନ ସଚିବ ଅଜିତ କୁମାର ମାହାନ୍ତି ଓ ଡା ଦୀନବନ୍ଧୁ ପଣ୍ଡା ପ୍ରମୁଖ ଉପସ୍ଥିତ ଥିଲେ