25-Nov-2021

ସମ୍ବଲପୁର(ସଂଜୀବପାଣିଗ୍ରାହୀଙ୍କରିପୋର୍ଟ):
 ସଡ଼କ ନିରାପତ୍ତା କାର୍ଯ୍ୟକ୍ରମ ଅନ୍ତର୍ଗତ "ରକ୍ଷକ" ଯୋଜନା କୁ  ମୁଖ୍ୟମନ୍ତ୍ରୀ ଚଳିତ ମାସ ୧O ତାରିଖ ରେ ଭିଡ଼ିଓ କନଫରେନ୍ସ ମାଧ୍ୟମରେ ଉଦଘାଟନ କରିଥିଲେ I ମୂଲ୍ୟବାନ ଜୀବନକୁ କିଭଳି ଦୁର୍ଘଟଣାରୁ ବଞ୍ଚେଇ ପାରିବ ଏହା ଏକ ସରକାରଙ୍କ ବଳିଷ୍ଠ ପଦକ୍ଷେପ I ୩୦ ଜିଲ୍ଲାରେ ୩୦ ହଜାର ଫାଷ୍ଟ ରେସପଣ୍ଡରସ ଙ୍କୁ ତାଲିମ ଦେବା ନିମନ୍ତେ ସରକାରଙ୍କ ଯୋଜନା ରହିଛି I ଏହି ମର୍ମରେ ଆଜି ସମ୍ବଲପୁର ସ୍ଥିତ ଜିଲ୍ଲା ପରିଷଦ ସମ୍ମିଳନୀ କକ୍ଷ ଠାରେ ଟ୍ରେନିଂ ଅଫ ଟ୍ରେନର୍ସ (ଟିଓଟି ) ମାନଙ୍କ ତାଲିମ କାର୍ଯ୍ୟକ୍ରମ ଉଦଘାଟିତ ହୋଇଯାଇଛି I ଏହି ତାଲିମ କାର୍ଯ୍ୟକ୍ରମ ରେ ସମ୍ବଲପୁର ଜିଲ୍ଲା ବ୍ୟତୀତ ସୋନପୁର ଏବଂ ବରଗଡ ଜିଲ୍ଲାର ରେଡକ୍ରସର ସ୍ବେଛାସେବୀ ଏବଂ ସମ୍ବଲପୁର ଏନଜିଓ ସାର୍କ ର ସଦସ୍ୟ ସମେତ ୩୭ ଜଣଙ୍କୁ ଟ୍ରେନିଂ ଦିଆଯାଇଥିଲା I ଟ୍ରେନିଂ ନେଇଥିବା ଟ୍ରେନର୍ସ ମାନେ  ବିଭାଗ ତରଫରୁ ଚିହ୍ନଟ କରାଯାଇଥିବା ଦୁର୍ଘଟଣା  ପ୍ରବଣ ଅଞ୍ଚଳ ବା ବ୍ଲାକ ସ୍ପଟ ଅଞ୍ଚଳର ଜନସାଧାରଙ୍କୁ ଏଥିରେ ସାମିଲ କରି ସେମାନଙ୍କୁ ଟ୍ରେନିଂ ପ୍ରଦାନ କରିବେ ଯାହା ଫଳରେ କି ସମ୍ପୃକ୍ତ ଅଞ୍ଚଳ ଦୁର୍ଘଟଣା ଘଟିବା ସଙ୍ଗେ ସଙ୍ଗେ କିଭଳି ଗୁରୁତର ଥିବା ବ୍ୟକ୍ତିଙ୍କୁ ତୁରନ୍ତ ସେବା ଯୋଗେଇ ଦିଆଯାଇ ପାରିବ ତାହାର ତାଲିମ ପ୍ରଦାନ କରାଯିବ I ଯେହେତୁ ଦୁର୍ଘଟଣା ର ଏକ ଘଣ୍ଟା ବହୁତ ଗୁରୁତ୍ୱ ଵହନ କରୁଛି ସେଥିପାଇଁ ସମ୍ପୃକ୍ତ ଅଞ୍ଚଳବାସୀ ଙ୍କୁ ସେବା ନିଶ୍ଚିତ ଭାବେ ଫଳ ପ୍ରଦ ହେବ I ଆଜିର ଏହି ଉଦଘାଟନୀ କାର୍ଯ୍ୟକ୍ରମ ରେ ଅତିରିକ୍ତ କମିଶନର ଟ୍ରାନ୍ସପୋର୍ଟ ଶ୍ରୀନିବାସ ବେହେରା (ଆଇ. ଏ. ଏସ ) ଡେପୁଟି କମିଶନର ଟ୍ରାନ୍ସପୋର୍ଟ, ଉତ୍ତରାଞ୍ଚଳର  ଦୀପ୍ତି ରଞ୍ଜନ ପାତ୍ର, ସମ୍ବଲପୁର ଏସ. ପି  ବି. ଗଙ୍ଗାଧର, ପିଡି ଡିଆରଡିଏ ଦିଲ୍ଲୀପ କୁମାର ବଳ, ଆଞ୍ଚଳିକ ପରିଵହନ ଅଧିକାରୀ ସମ୍ବଲପୁର ପ୍ରମୋଦ କୁମାର ସାହୁ, ଆଞ୍ଚଳିକ ପରିଵହନ ଅଧିକାରୀ ବରଗଡ ସମେତ ମାଷ୍ଟର ଟ୍ରେନର ଭାବେ ରଜନୀକାନ୍ତ ମିଶ୍ର ଏବଂ ପ୍ରଦୀପ୍ତ ଭଟ୍ଟାଚାର୍ଯ୍ୟ ଉପସ୍ଥିତ ଥିଲେ | ଏହି କାର୍ଯ୍ୟକ୍ରମ ଆସନ୍ତା ଡିସେମ୍ବର ୪ ତାରିଖ ପର୍ଯ୍ୟନ୍ତ ଚାଲିବ ବୋଲି ଜ଼ିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ଫକୀର ଚରଣ ମାଝୀ ସୂଚନା ଦେଇଛନ୍ତି I