22-Nov-2021

ପଦ୍ମପୁର/ପାଇକମାଲ: ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ଅନ୍ତର୍ଗତ ବୁକୁରାମୁଣ୍ଡା  ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପକ୍ଷରୁ ପୁରୁଷ ବନ୍ଧ୍ୟାକରଣ ପକ୍ଷ ନିମନ୍ତେ ସଚେତନତା ରଥର ଶୁଭାରମ୍ଭ ଏଠାକାର କାର୍ଯ୍ୟରତ ଗୋଷ୍ଠୀ ସ୍ୱାସ୍ଥ୍ୟଅଧିକାରୀ ଡାକ୍ତର ସୈାମ୍ୟରଞ୍ଜନ ଦାସ ସବୁଜ ପତାକା ଦେଖାଇ ତାଙ୍କ କରକମଳରେ ପାଇକମାଲ ପ୍ରାଥମିକ ସ୍ବାସ୍ଥ୍ୟ କେନ୍ଦ୍ର ଠାରେ ଆରମ୍ଭ କରାଯାଇଛି lଏହି ସଚେତନତା କାର୍ଯ୍ୟକ୍ରମ ତଥା ପରିବାର କଲ୍ୟାଣ ଅସ୍ତ୍ରୋପଚାର କାର୍ଯ୍ୟକ୍ରମ ନଭେମ୍ବର ୨୧ ରୁ ଡିସେମ୍ବର ୪ ତାରିଖ ପର୍ଯ୍ୟନ୍ତ ଗାଁ ଗାଁ ବୁଲି ପ୍ରଚାର କରି ଜନସାଧାରଣ ଙ୍କୁ ସଚେତନତା ବାର୍ତ୍ତା ଯୋଗାଇବ ବୋଲି ଜନ ସ୍ଵାସ୍ଥ୍ୟ ସଂପ୍ରସାରଣ ଅଧିକାରୀ ଶ୍ରୀମାନ ତୁଷକୁମାର ଚନ୍ଦ୍ରକାର ଆମ ପ୍ରତିନିଧି ଙ୍କ ପ୍ରଶ୍ନ ଉତ୍ତର ରେ ପ୍ରକାଶ କରିଛନ୍ତି lଏହି ଜନହିତକର କାର୍ଯ୍ୟକ୍ରମରେ ପାଇକମାଲ ପ୍ରାଥମିକ ସ୍ବାସ୍ଥ୍ୟ କେନ୍ଦ୍ର ର ଡାକ୍ତର ଶ୍ରୀଧର ପ୍ରଧାନ, ବି.ପି.ଏମ ଶ୍ରୀ ରେବତୀ ମୋହନ ଜେନା, ସ୍ୱାସ୍ଥ୍ୟ ପରିଦର୍ଶକ ଚନ୍ଦ୍ରଭାନ ଚନ୍ଦ୍ରକାର,ସତ୍ୟ ଭୂଷଣ ସାହୁ, ଡାକ୍ତର ସଙ୍ଗୀତା ସାହୁ,ସାନୋଜ ଦାସ,ମହିଳା ପରିଦର୍ଶିକା ଶ୍ରୀମତୀ ପାଞ୍ଚାଳୀ ସୁନା, ଜାହ୍ନବୀ କିଶାନ, ମହିଳା ସ୍ବାସ୍ଥ୍ୟକର୍ମୀ ପୂର୍ଣ୍ଣବତୀ ବେହେରା,ଷ୍ଟାପନର୍ସ ସାନିଆ ଦାସ, ଦିବ୍ୟଜ୍ୟୋତି କେର୍କେଟା, ସ୍ବାସ୍ଥ୍ୟକର୍ମୀ ସୁବାଷ ଦେହେରୀ ପ୍ରମୁଖ ଉପସ୍ଥିତ ଥିଲେ l