22-Nov-2021

ବାଲେଶ୍ଵର/ନୀଳଗିରି:(ପ୍ରେରଣା ଖବର )- ସାରସ୍ଵତ ସାଧନା ସମନ୍ଵୟ ସମିତି, ନୀଳଗିରି, ବାଲେଶ୍ଵର ତରଫରୁ ଆୟୋଜିତ ବାର୍ଷିକ ଉତ୍ସବ, ପତ୍ରିକା ଉନ୍ମୋଚନ ଓ ସମ୍ବର୍ଦ୍ଧନା ସଭା ସ୍ଥାନୀୟ ସରସ୍ଵତୀ ଶିଶୁ ବିଦ୍ୟା ମନ୍ଦିର ପ୍ରାଙ୍ଗଣରେ ମହା ସମାରୋହରେ ପାଳନ ହୋଇଯାଇଛି। ଉକ୍ତ ଉତ୍ସବରେ ନୀଳଗିରିର, ଯୁବ କବି, ଆଦର୍ଶ ଶିକ୍ଷକ, ସୁସଂଗଠକ ଏବଂ ବ୍ୟାସ କବି ସାହିତ୍ୟ ସଂସଦ ର ପ୍ରତିଷ୍ଠାତା ତଥା ମୁଖ୍ୟ ସମ୍ପାଦକ କବି ଯଚିନ୍ଦ୍ର ସ୍ଵାଇଁ ଙ୍କୁ ଅନୁଷ୍ଠାନ ତରଫରୁ ମାନ୍ୟବର ସାଂସଦ ବାଲେଶ୍ଵର ତଥା ପୂର୍ବତନ କେନ୍ଦ୍ର ମନ୍ତ୍ରୀ ଶ୍ରୀଯୁକ୍ତ ପ୍ରତାପ ଚନ୍ଦ୍ର ଷଡ଼ଙ୍ଗୀ ଙ୍କ କର କମଳରେ ସାରସ୍ଵତ ସାଧନା "ସ୍ଵର୍ଣ୍ଣଶ୍ରୀ " ଯୁବ ପ୍ରତିଭା ସମ୍ମାନ ୨୦୨୧ ରେ ସମ୍ଵର୍ଦ୍ଧିତ କରାଯାଇଛି। ବରିଷ୍ଠ କବି ତଥା ବ୍ୟାସ କବି ସାହିତ୍ୟ ସଂସଦ ର ସଭାପତି ଶ୍ରୀଯୁକ୍ତ ବିପିନ ବିହାରୀ ବାରିକ ଙ୍କୁ ସାରସ୍ଵତ ସୌରଭ ସମ୍ମାନ ୨୦୨୧ ପ୍ରଦାନ କରାଯାଇଛି। ଅନୁଷ୍ଠାନ ର ମୁଖ୍ୟ ସମ୍ପାଦିକା ଶ୍ରୀମତୀ ସୁଭାସିନୀ ଜୀ, ସଭାପତି ଶ୍ରୀଯୁକ୍ତ ଦୂର୍ଗା ପ୍ରସାଦ ପରିଡା , ମୁଖ୍ୟ ଅତିଥି ଶ୍ରୀଯୁକ୍ତ ବ୍ରଜେନ୍ଦ୍ର ନାଥ ଗିରି , ମୁଖ୍ୟ ବକ୍ତା ଡକ୍ଟର ମନ୍ମଥ କୁମାର ପ୍ରଧାନ, ସମ୍ମାନିତ ଅତିଥି ବିନୋଦ ବିହାରୀ ପଣ୍ଡା, ସମ୍ମାନିତ ବକ୍ତା ଅଧ୍ୟାପକ ପ୍ରଦୀପ୍ତ କୁମାର ମିଶ୍ରଙ୍କ ଉପସ୍ଥିତିରେ,

ବାର୍ଷିକ ମୁଖପତ୍ର "ସ୍ଵର୍ଣ୍ଣଶ୍ରୀ" ଉନ୍ନୋଚିତ ହୋଇଥିଲା।ଶ୍ରୀମତୀ ସୁଭାଷିନୀ ଜୀ ଙ୍କ ସାଉଁଟା ସ୍ମୃତି, କବୀ ସରୋଜିନୀ ଦେବୀଙ୍କ ପଶ୍ଚିମ ଦିଗନ୍ତ, କବି ଶିବ ସୁନ୍ଦର ସାହୁଙ୍କ ଥ ଧରିବାର ବେଳ ଆଦି ପୁସ୍ତକ ଉନ୍ମୋଚିତ ହୋଇଥିଲା।
ଦିତୀୟ ଅଧିବେସନରେ ବାମନ ଚରଣ ମହାନ୍ତି ସଭାପତିତ୍ଵ କରିଥିଲେ। ଉକ୍ତ ଅଧିବେଶନରେ ମୁଖ୍ୟ ଅତିଥି ଭାବେ ଇଂ ଅଭୟ ସୁତାର, ମୁଖ୍ୟ ବକ୍ତା ଭାବେ ବିପିନ ବିହାରୀ ବାରିକ, ସମ୍ମାନିତ ବକ୍ତା ଭାବେ ଅଧ୍ୟାପକ ପ୍ରଦୀପ୍ତ ମିଶ୍ର, ସମ୍ମାନିତ ଅତିଥି ଭାବେ ହରମୋହନ କୁଅଁର ଯୋଗ ଦେଇଥିବା ବେଳେ ଅନୁଷ୍ଠାନର ସାରସ୍ଵତ ସମ୍ପାଦକ ଯଚିନ୍ଦ୍ର ସ୍ଵାଇଁ ସଂଯୋଜନା କରିଥିଲେ, ଭଗବାନ ବର୍ଦ୍ଧନ ଅତିଥି ପରିଚୟ ପ୍ରଦାନ କରିଥିଲେ ଓ  ଶିବ ସୁନ୍ଦର ସାହୁ ଧନ୍ଯବାଦ ଅର୍ପଣ କରିଥିଲେ। ଦିତୀୟ ଅଧିବେସନରେ ଶତାଧିକ କବି କବିତା ପାଠ କରି ମାନପତ୍ର ଗ୍ରହଣ କରିଥିଲେ।