21-Nov-2021

ବଲାଙ୍ଗୀର: -ଆଜି ଛାଡଖାଇ । ବଲାଙ୍ଗୀର ସହରରେ ମାଛ, ମାଂସ, ଚିକେନ ବଜାରରେ ପ୍ରବଳ ଭିଡ଼ ।କାର୍ତ୍ତିକ ମାସରେ ପନିପରିବା ଆକାଶ ଛୁଆଁ ଦର ଥିବାବେଳେ ଏବେ ମାଛ ମାଂସ ର ଦର ବଢ଼ିଛି । 
   କାର୍ତ୍ତିକ ମାସ ପୂର୍ଣ୍ଣିମା ର ପରଦିନ ଛାଡଖାଇ ପାଳନ କରାଯାଏ । ଆମିଷାନି ଲୋକେ ଛାଡଖାଇ କୁ ଅପେକ୍ଷା କରିଥାନ୍ତି । ଚଳିତ ବର୍ଷ ଶନିବାର ଦିନ ଛାଡଖାଇ ପଡ଼ିଥିବାରୁ ଲୋକଙ୍କ ମନରେ ସେତେଟା ଉତ୍ସାହ ଦେଖିବାକୁ ମିଳିନଥିଲା । ଏଣୁ ରବିବାର ଦିନ ଲୋକେ ଛାଡଖାଇ ମଜା ନେବେ । କାର୍ତ୍ତିକ ମାସ ଯୋଗୁ ଆମିଷ ବେପାର ମାନ୍ଦା ଥିଲା । ଏବେ ସହରର ବିଭିନ୍ନ ସ୍ଥାନରେ ଥିବା ମାଛ ବଜାରରେ ରୋହି,ଭାକୁର,ଚିଙ୍ଗୁଡ଼ି ଭଳି ବିଭିନ୍ନ ପ୍ରଜାତି ର ମାଛ ବିକ୍ରି ଚାଲିଛି ।ରବିବାର ବ୍ୟବସାୟ କୁ ବେପାରୀ ମାନେ ଜଗିରହିଥିଲେ । ରାଜ୍ୟର ଅଧିକାଂଶ ସ୍ଥାନରେ ଏଭଳି ଅବସ୍ଥା ଦେଖିବାକୁ ମିଳୁଛି । ମାଛ ମାଂସ ଦର ଆକାଶ ଛୁଆଁ ହୋଇଥିଲେ ମଧ୍ୟ ଛାଡଖାଇ ହେତୁ ଲୋକମାନେ କିଣିବାକୁ ପଛାଉ  ନାହାନ୍ତି ।