18-Nov-2021

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ପାଟଣାଗଡ଼ ଉପଖଣ୍ଡ ଖପ୍ରାଖୋଲ ଥାନା ପୋଲିସ ଦ୍ୱାରା ୧୨ ଜଣ ଦାଦନ ଶ୍ରମିକ ଉଦ୍ଧାର ହୋଇଥିବା ଜଣାପଡିଛି। ସୂଚନାଯୋଗ୍ୟ ଯେ ବୌଦ୍ଧ ଜିଲ୍ଲା ର ୧୨ ଜଣ ଦାଦନ ଶ୍ରମିକ ବରଗଡ଼ ଜିଲ୍ଲା ର ନିଜ ସମ୍ପର୍କୀୟ ଙ୍କ ପ୍ରଲୋଭନ ରେ ପଡ଼ି ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଳକ ସାନଉଡେନ ଗାଁ ର ଦାଦନ ଦଲାଲ୍ କେଶବ ଦିପ୍ ପାଖକୁ ବୁଧବାର ଦିନ ବସ୍ ଯୋଗେ ଆସୁଥିଲେ କୌଣସି ସୂତ୍ରରୁ ଖପ୍ରାଖୋଲ ଥାନା ସବ୍ଇନସ୍ପେକ୍ଟର ଜୟଶଙ୍କର ଆଚାର୍ଯ୍ୟ ଖବର ପାଇ ସମୟ ୧୨:୩୦ ଟାରେ ହରିଶଙ୍କର ଛକ ଠାରେ ବସ୍ କୁ ଅଟକାଇ ପଚରାଉଚରା କରିଥିଲେ ଏବଂ  ପୋଲିସ ଷ୍ଟେସନ କୁ ଆଣି ତଦନ୍ତ କରିଥିଲେ। ଦାଦନ ଶ୍ରମିକ ମଧ୍ୟରେ ୩ ଜଣ ପୁରୁଷ, ୪ ଜଣ ମହିଳା ଓ ୫ ଜଣ ଶିଶୁ ଶ୍ରମିକ ଥିବା ବେଳେ ଥାନାରେ କେଶ ନମ୍ବର ୧୯୮/୨୧ ମାମଲା ରୁଜୁ କରି ତଦନ୍ତ ଚଳାଇଥିବା ତଦନ୍ତ କାରୀ ଅଫିସର ଜି,କେ କୁମରା ସୂଚନା ଦେଇଛନ୍ତି।ଯେଉଁ ଦିନ ଠାରୁ ଖପ୍ରାଖୋଲ ଥାନା ଅଧିକାରୀ ଭାବେ ରମାକାନ୍ତ ସାହୁ ଯୋଗଦେଲେ ସେହି ଦିନଠାରୁ ଅଞ୍ଚଳରେ ହେଉଥିବା ଅନେକ ଅପରାଧ ଓ ବେଆଇନ କାରବାର କିଛି ମାତ୍ରାରେ କମିବାରେ ଲାଗିଥିବାରୁ ଅଞ୍ଚଳବାସୀ ବହୁ ଖୁସି ମନେ କରୁଛନ୍ତି। କିନ୍ତୁ ପ୍ରତିଦିନ ହଜାର ହଜାର ବେଆଇନ ଦାଦନ ଶ୍ରମିକ ଟ୍ରେନ ଯୋଗେ ଚାଲାଣ ହେଉଥିବାରୁ ଲାଠୋର ରେଲୱେ ଷ୍ଟେସନ ରେ ଲାଠୋର ପୋଲିସ ଧରୁଛି ନାଁ ଜି ଆର ପି ପୋଲିସ ଧରୁଛି। ଆଜି ପର୍ଯ୍ୟନ୍ତ ଦାଦନ ଉଦ୍ଧାର କରୁନାହାନ୍ତି କି ଦଲାଲ୍ ମାନଙ୍କୁ ଗିରଫ କରୁନାହାନ୍ତି କାହିଁକି ବୋଲି ଜନସାଧାରଣରେ ଚର୍ଚ୍ଚା ହେଉଛି। ଏପଟେ ବେଲପଡା ପୋଲିସ କେବେ କେବେ ଦାଦନ ଧରନ୍ତି କି ନାହିଁ ଯେ ଗଣମାଧ୍ୟମ ପ୍ରତିନିଧି ମାନଙ୍କୁ ସୂଚନା ଦିଅନ୍ତି ନାହିଁ।