16-Nov-2021

ନର୍ଲା(ସଞ୍ଜୀବ ଦାସ )
କଳାହାଣ୍ଡି ଜିଲ୍ଲା-ନର୍ଲା, ଲୋକ ସଂଗଠନ ଓଡିଶା ଶ୍ରମଜିବୀ ମଂଚ, ମହିଳା ଶ୍ରମଜୀବୀ ମଞ୍ଚ ଓଡିଶା ପକ୍ଷ ରୁ ରାଜ୍ୟବ୍ୟାପୀ ୨୫ ଦିନିଆ ଶିକ୍ଷା ଅଭିଯାନ ଯାତ୍ରାର ଶୁଭାରମ୍ଭ ହୋଇଅଛି। ନଭେମ୍ବର ୧୫ ରୁ ଆରମ୍ଭ  ହେଉଥିବା ଏହି ଅଭିଯାନ ଅନ୍ତର୍ଗତ ଦୁଇଟି ସଚେତନତା ରଥ ମାଲକାନଗିରି ଏବଂ ସୁନ୍ଦରଗଡ଼ ରୁ ବାହାରି ପ୍ରାୟ ୨୦ ଦିନ  ରାଜ୍ୟର ୨୫ ଟି ଜିଲ୍ଲାରେ ପ୍ରାୟ ୨୧୦୦ କିଲୋମିଟର ପରିଭ୍ରମଣ କଲାପରେ ଶେଷରେ ଭୁବନେଶ୍ୱର ରେ ପହଞ୍ଚିବ ଏବଂ ଡିସେମ୍ବର ୧୦ ତାରିଖରେ ଏହି ଯାତ୍ରା ଉଦଯାପିତ ହେବ।ବିଶେଷ କରି କଳାହାଣ୍ଡି ଜିଲ୍ଲାରେ ନାଗରିକ ବିକାଶ ସଂଗଠନ ପକ୍ଷ ରୁ ଏହି ଯାତ୍ରା ୭୩ ଗୋଟି ଗ୍ରାମରେ ପହଞ୍ଚି ଶିକ୍ଷା ସମ୍ପର୍କିତ ବିଭିନ୍ନ କାର୍ଯ୍ୟକ୍ରମ ମାଧ୍ୟମରେ ସଚେତନତା ବାର୍ତା ପହଞ୍ଚାଇବ ।
ଏହି ଶିକ୍ଷା ଯାତ୍ରାର ଉଦେଶ୍ୟ ହେଉଛି ଦୀର୍ଘ ୨୧ ମାସ ଧରି ବିଦ୍ୟାଳୟ ବନ୍ଦ ଥିବା ଯୋଗୁଁ ପିଲା ମାନଙ୍କର ଶିକ୍ଷଣ ଓ ମାନସିକ ସ୍ଥିତି ସମ୍ପର୍କରେ ଅବଗତ ହେବା,

ବିଦ୍ୟାଳୟ ଭିତ୍ତିଭୂମିର ସ୍ଥିତି ଏବଂ ଆବଶ୍ୟକତା ଉପରେ ଅଧ୍ୟୟନ କରିବା, ଶିକ୍ଷାର ମହତ୍ୱ ବିଷୟରେ ସଚେତନତା କରିବା ଏବଂ ବିଶେଷ କରି ପିଲାମାନେ ବିଦ୍ୟାଳୟ ଖୋଲିଲା ପରେ କେମିତି ପୁନଃ ବିଦ୍ୟାଳୟ କୁ ଆସିବେ ଏବଂ ପାଠ ପଢା ଜାରି ରଖିବେ ସେ ଦିଗରେ ଅଭିଭାବକ ଏବଂ ଗ୍ରାମବାସୀ ମାନଙ୍କୁ ସଚେତନ କରାଇବା ଏହା ବ୍ୟତିତ ପିଲାମାନଙ୍କର ମାନସିକ ସ୍ଥିତି, ଶିକ୍ଷକ ମାନଙ୍କର ଆହ୍ୱାନ, ପରିଚାଳନା କମିଟିର ସଦସ୍ୟ ସଦସ୍ୟା ମାନଙ୍କ ପ୍ରତି ଥିବା ଆହ୍ୱାନ ଉପରେ ଅଧ୍ୟୟନ ରିପୋର୍ଟ ପ୍ରସ୍ତୁତ କରି ଏ ଦିଗରେ କାର୍ଯ୍ୟ କରିବାକୁ ରାଜ୍ୟ ସରକାର ଙ୍କ ଦୃଷ୍ଟି ଆକର୍ଷଣ କରିବା ହେଉଛି ଏହି ଶିକ୍ଷା ଯାତ୍ରା ର ମୁଖ୍ୟ ଉଦେଶ୍ୟ
ନାଗରିକ ବିକାଶ ସଂଗଠନ କଳାହାଣ୍ଡି ତରଫରୁ, ନର୍ଲା ବ୍ଲକ- ନର୍ଲା ଗ୍ରାମ ପଞ୍ଚାୟତ ର ଜୁରକାଭଟା  ଗ୍ରାମରେ ସମିତି ସଭ୍ୟ ଶ୍ରୀମତୀ ସପୁର ଭୋଇଙ୍କ ଦ୍ୱାରା ଦୀପ ପ୍ରଜ୍ଵଳନ କରି ଏହି ସାମ୍ବାଦିକ ସମ୍ମିଳନୀ ର ଶୁଭାରମ୍ଭ କରାଯାଇଥିଲା  ତା ସଂଗେ ସ୍କୁଲ ଛାତ୍ର ଛାତ୍ରୀ ମାନେ ମଧ୍ୟ ନାଚ ଗୀତ ମାଧ୍ୟମରେ ନିଜ ନିଜର କଳା ପ୍ରଦର୍ଶନ କରି ଏହି ସମାରୋହ କୁ ଉତ୍ସାହିତ କରିଥିଲେ ଏହି ସମାରୋହ ରେ ମୁଖ୍ୟ ଅତିଥି ଭାବେ ଯୋଗଦାନ କରିଥିଲେ ସମିତି ସଭ୍ୟ ,ଶ୍ରୀମତୀ ସପୁର ଭୋଇ, ଏକ୍ସ ଶିକ୍ଷକ ଶ୍ରୀଯୁକ୍ତ ଲିଙ୍ଗରାଜ ଭୋଇ,ସମାଜସେବୀ କୀର୍ତିଚନ୍ଦ୍ର ଭୋଇ, କ୍ଷେତ୍ର ମଣି ସାହୁ,ପରମାନନ୍ଦ ସାହୁ, ଗୋବର୍ଦ୍ଧନ ସାହୁ,ଏକ୍ସ ୱାର୍ଡ ମେମ୍ବର ଲକ୍ଷ୍ମୀନାରାୟଣ ଭୋଇ, ଚାଟଶାଳୀ ସ୍ବେଚ୍ଛାସେବୀ କୁମାରୀ ଗିତାଞ୍ଜଳି ବୈଠାରୁ ଏବଂ ନର୍ଲା ବ୍ଲକ ର ବ୍ଲକ ସଭାପତି ଶ୍ରୀମତୀ ମମତା ମାଝି, ରାଜ୍ୟ ସ୍ତରୀୟ କମିଟି ମେମ୍ବର ପୁଷ୍ପାଳତା ବାଗ ,ଗ୍ରାମକମିଟି ସଭାପତି ଓ ସମ୍ପାଦିକା ତଥା ବ୍ଲକ ସଂଯୋଜକ ଶ୍ରୀଯୁକ୍ତ ବାବୁଲାଲ ତାଣ୍ଡି ଓ କର୍ମକର୍ତ୍ତା ବୃନ୍ଦ ଶ୍ରୀମତୀ ଜ୍ୟୋତି ସେନାପତି, ସନ୍ତୋଷ ବାରିକ,ନୋକେସି ସାହୁ,ସୀମାଦ୍ରୀ ବାରିକ, ରୁକୁନି ହାତୀ,ପଣ୍ଡିତ ସୁନାନୀ,ବୁଲୁ ତାଣ୍ଡି ଓ ପିତାମ୍ବର ଗୌଡ଼ ଯୋଗ ଦେଇ ଏହି ଅଭିଯାନକୁ ସାହାଯ୍ୟ ସହଯୋଗ କରିଥିଲେ।