01-Nov-2021

ବରଗଡ(ନିରଞ୍ଜନ ତ୍ରିପାଠୀ) :-କୋସଲ ନାଟ୍ଯ ମହର୍ଷି ଗୁରୁ ଭଗବାନ ସାହୁଙ୍କ ଶ୍ରାଦ୍ଧୋତ୍ସବ ଆଗାମୀ ନଭେମ୍ବର କୋଡିଏ ତାରିଖରେ ଆନୁଷ୍ଠିତ ହେବ। ଏହି ପରିପ୍ରେକ୍ଷୀରେ  ସ୍ଥାନୀୟ ବରିଷ୍ଠ ନାଗରିକ ସଂଘ କାର୍ଯାଳୟ ପରିସରରେ ଏକ ପ୍ରସ୍ତୁତି ବୈଠକ ଗୁରୁ ଭଗବାନ ସାହୁ ସ୍ମୃତି କମିଟୀ ର କାର୍ଯ୍ଯକାରୀ ସଭାପତି ଶ୍ରୀଯୁକ୍ତ କେଦାର ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଟିତ ହୋଇ ଯାଇଛି । ସଂପାଦକ  ପ୍ରଦୀପ ଦେବତା ଉଦ୍ଦେଶ୍ଯ ଜ୍ଞାପନ ପରେ କମିଟି ର ଆଗାମୀ କାର୍ଯକ୍ରମ ଉପରେ ତର୍ଜମା କରାଯାଇଥିଲା । ଗୁରୁ ଭଗବାନ ସାହୁ ସ୍ମୃତି କମିଟୀ ର  ପଂଜିକରଣ, ନିୟମାବଳୀ ପ୍ରସ୍ତୁତ କରିବା ଉପରେ କର୍ମକର୍ତ୍ତାମାନେ ଜୋର ଦେଇଥଲେ। ଶ୍ରୀଯୁକ୍ତ ଯୁଗଳ କିଶୋର ସିଂ କମିଟୀ ପୁନର୍ଗଠନ  ଉପରେ ମତ ରଖି ଏକ ଦକ୍ଷ ପ୍ରଭାବୀ,ସୁସଂଗଠିତ ତଥା ଲୋକାଭିମୁଖୀ କମିଟୀ ଗଠନ କରାଯିବାକୁ ପ୍ରସ୍ତାବ ଦେବାପରେ ଉପସ୍ଥିତ କର୍ମକର୍ତ୍ତା କରତାଳି ଦେଇ ସମର୍ଥନ କରିଥିଲେ । ନୂତନ କମିଟୀ ପୁନଃଗଠନ କରିବା ଦାୟିତ୍ୱ ଗୁରୁଙ୍କ ପଟ୍ଟଶିଷ୍ୟ ଶ୍ରୀଯୁକ୍ତ ଦଧିବାମନ ଶତପଥି ଓ ଶ୍ରୀଯୁକ୍ତ ଲୁଲୁ ରବୀନ ଦାସଙ୍କୁ ଦାୟିତ୍ୱ ଅର୍ପଣ ତଥା  ଶ୍ରୀଯୁକ୍ତ ପ୍ରଦୀପ ଦେବତା,ଶ୍ରୀଯୁକ୍ତ କେଦାର ମିଶ୍ର,ଶ୍ରୀଯୁକ୍ତ ସନ୍ତୋଷ କୁମାର ଦାଶ,ଶ୍ରୀଯୁକ୍ତ ତେଜରୁ ବାରିକ ସହଯୋଗ କରିବାକୁ ସ୍ଥିର କରାଗଲା । ଏହାପରେ ଆଗାମୀ ନଭେମ୍ବର କୋଡିଏ ତାରିଖରେ ଅନୁଷ୍ଠିତ ହେବାକୁ ଥିବା ଗୁରୁଙ୍କ ଶ୍ରାଦ୍ଧୋତ୍ସବ ସୌଖିନ ରଂଗମଂଚ ରେ କରା ଯିବାକୁ ସ୍ଥିର କରାଯାଇ ଏଥିରେ ସ୍ମୃତି ସଭା,ଆଲୋଚନା,ଶବ୍ଦ ନୃତ୍ଯ ପରିବେଷଣ ଓ ବ୍ଯଙ୍ଗକବି ସମ୍ମିଳନୀ କରିବାକୁ ସ୍ଥିର କରାଗଲା । ଏହି ବୈଠକ ରେ ଅନ୍ୟମାନଙ୍କ ମଧ୍ୟରେ  ସର୍ବଶ୍ରୀ ମାମରାଜ ସ୍ବାଇଁ,ତୁଳସୀ ଚରଣ ଦାଶ,ଭାଗବତ ପଧାନ,ସଂଖ୍ୟାକାରୀ ନାଏକ,ତୀର୍ଥବାସୀ ସେଟ୍‌,ଗଦାଧର ବରିହା,ନୀତିଶ ଚନ୍ଦ୍ର ଆଚାର୍ଯ୍ୟ,ଶିବାନଂଦ ମଟାରୀ,ମନୋରଂଜନ ଲୁହା,ଅମୃତ ବାରିକ ପ୍ରମୂଖ ଅଂଶଗ୍ରହଣ କରି ଥିଲେ । ଶେଷରେ ତେଜରୁ ବାରିକ ଧନ୍ୟବାଦ ଅର୍ପଣ କରିଥିଲେ ।