01-Nov-2021

ଟିଟିଲାଗଡ଼(ସନ୍ତୋଷ କୁମାର ନାଏକ): ବହୁଚର୍ଚ୍ଚିତ ମମିତା ମେହେର ମୃତ୍ୟୁ ମାମଲା ନେଇ ଉଭୟ ଶାସକ ଦଳର କଂଗ୍ରେସ ଓ ବିଜେପି ନେତା ମମିତାଙ୍କ ପରିବାର ଲୋକଙ୍କ ନିକଟରେ ପହଞ୍ଚି ସାନ୍ତ୍ୱନା ଦେବା ସହ ଘନଘନ ଗସ୍ତ କରି କାର୍ଯ୍ୟାନୁଷ୍ଠାନ ଦାବି କରି ଆସୁଛନ୍ତି ।  ଗତ ଶନିବାର ଦିନ ଏତେ ଦିନ ପରେ ପ୍ରଥମ ଥର ପାଇଁ ମୃତା ମମିତାଙ୍କ ସ୍ୱାସ୍ଥ୍ୟଵସ୍ଥା ଠିକ ନ ଥିବା ଓ ସେ ବିଶାଖାପାଟଣା ଯାଇ ଚିକିତ୍ସାଧିନ ଥିବା ବେଳେ ସ୍ଥାନୀୟ ବିଜେଡି ନେତା ଅଜୟ ଦାସ ସମର୍ଥକଙ୍କ ସହ ତାଙ୍କ ଘର ଝରଣୀ ଗାଁ କୁ ଯାଇ ପହଞ୍ଚିଥିଲେ । ପରିବାର ଲୋକଙ୍କୁ ସାକ୍ଷାତ କରି ନ ପାରି ମୃତା ମମିତାଙ୍କ ଭାଇ ବଣ୍ଟିଙ୍କୁ ପଡ଼ୋଶୀ ଘରୁ ଡାକି ଭେଟିଥିଲେ । ମମିତାଙ୍କ ପିତାଙ୍କ ସହ ଫୋନ ଯୋଗେ କଥା ହେଇ ଫେରିଆସି ନିଜ ହୁଆଟସଆପ୍ ନମ୍ବର ରୁ ନିଜ ଷ୍ଟାଟସ ରେ ଫୋଟୋ ପୋଷ୍ଟ କରି ତୁରନ୍ତ ମୁଖ୍ୟମନ୍ତ୍ରୀଙ୍କୁ ଭେଟି ଉପଯୁକ୍ତ ପଦକ୍ଷେପ ଗ୍ରହଣ କରିବା ଜଣେଇଥିଲେ । ସେହିପରି ପରିବାରର ସମସ୍ତ ଆପତ୍ତି, ଅଭିଯୋଗ ନେଇ ମୁଖ୍ୟମନ୍ତ୍ରୀଙ୍କୁ ସବୁ ଜଣାଇବେ ବୋଲି କହିଥିବା ବେଳେ ବର୍ତ୍ତମାନ ସୁଦ୍ଧା କିଛି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନ ଥିବା ପରିବାର ପକ୍ଷରୁ ଅଭିଯୋଗ ହୋଇଛି । ଏପରିକି ମୁଖ୍ୟମନ୍ତ୍ରୀ ବର୍ତ୍ତମାନ ସୁଦ୍ଧା ନିଜେ କିଛି ଜାଣି ନ ଥିବା ସେ କହିଥିବା ମମିତାଙ୍କ ପରିବାର ଅଭିଯୋଗ କରିଛନ୍ତି । ସେହିପରି ବିରୋଧୀ କଂଗ୍ରେସ ଓ ବିଜେପି କେବଳ ରାଜନୈତିକ ତାମସା କରୁଥିବା ସେ କହିଛନ୍ତି । ଅପର ପକ୍ଷରେ ମହିଳା ଓ ଶିଶୁ ବିକାଶ ତଥା ମିଶନ ଶକ୍ତି ମନ୍ତ୍ରୀ ଦାଇତ୍ୱରେ ଥିବା ଟିଟିଲାଗଡ଼ ବିଧାୟିକା ଟୁକୁନି ସାହୁ ନିରବ ରହିବା କାରଣ କଣ ବୋଲି ସାଧାରଣ ରେ ନାନା ପ୍ରକାର ଆଲୋଚନା ହୋଇଆସୁଛି ।