01-Nov-2021

ବଲାଙ୍ଗୀର (ସନ୍ତୋଷ କୁମାର ଠାକୁର) : ବଲାଙ୍ଗିର ଜିଲ୍ଲା ସଇଁନ୍ତଳା ପଞ୍ଚାୟତ କାର୍ଯ୍ୟାଳୟ ପରିସରରେ ଗତ ରବିବାର ଅପରାହ୍ନରେ ଓଡ଼ିଶା ସାମ୍ବାଦିକ ସଂଘ (ଓଜେୟୁ)ର ସାଧାରଣ ପରିଷଦ ବୈଠକ ଅନୁଷ୍ଠିତ ହୋଇଯାଇଛି। ମନୋଜ କୁମାର ଶତପଥୀଙ୍କ ପରିଚାଳନାରେ ଅନୁଷ୍ଠିତ ବୈଠକ ପ୍ରାରମ୍ଭରେ କରୋନା ସମୟରେ ମୃତ୍ୟୁବରଣ କରିଥିବା ସାମ୍ବାଦିକ ଓ ସଂଘର ପୂର୍ବତନ ସଭାପତି ସ୍ବର୍ଗତ ପ୍ରଭାତ ଦାଶଙ୍କ ଅମର ଆତ୍ମାର ସଦଗତି ପାଇଁ ୨ ମିନିଟ ନୀରବ ପ୍ରାର୍ଥନା କରାଯାଇଥିଲା। କାର୍ଯ୍ୟକ୍ରମରେ ମୁଖ୍ୟ ଅତିଥ୍‌ ଭାବେ ପୂର୍ବତନ ମନ୍ତ୍ରୀ ସୁରେନ୍ଦ୍ର ସିଂ ଭୋଇ, ସମ୍ମାନିତ ଅତିଥ୍‌ ଭାବେ ବିଡିଓ ଚନ୍ଦ୍ରମଣୀ ନାଗ, ଥାନାଧିକାରୀ ସଂଗ୍ରାମକେଶରୀ ପଟ୍ଟନାୟକ, ଓଜେୟୁ ରାଜ୍ୟ ସମ୍ପାଦକ ଶଶିଭୂଷଣ ପ୍ରହରାଜ ଓ ବିଜୁ ଯୁବ ଜନତାଦଳ ଦେଓଗାଁ ବ୍ଲକ ସଭାପତି ଶୈଳେନ୍ଦ୍ର କୁମାର ସାହୁ ପ୍ରମୁଖ ଯୋଗଦେଇ ସାମ୍ବାଦିକମାନେ ପ୍ରଶାସନ ଓ ସାଧାରଣ ଜନତାଙ୍କ ମଧ୍ୟରେ ସମ୍ପର୍କ ସ୍ଥାପନର ମାଧ୍ୟମ ବୋଲି ମତବ୍ୟକ୍ତ କରିଥିଲେ। କୃଷ୍ଣପ୍ରସାଦ ପାଣିଗ୍ରାହୀ ସ୍ୱାଗତ ଭାଷଣ ଦେଇଥିଲେ । ସର୍ବସମ୍ମତିକ୍ରମେ ବଲାଙ୍ଗିର ଜିଲ୍ଲା ଶାଖାର ନୂତନ ସଭାପତି ଭାବେ ପ୍ରମୋଦ କୁମାର ସେଲମା ଓ ସମ୍ପାଦକ ଭାବେ କୃଷ୍ଣପ୍ରସାଦ ପାଣିଗ୍ରାହୀ, ଉପସଭାପତି ଭାବେ ସତ୍ୟନାରାୟଣ ପୁଟେଲ, ସହ-ସମ୍ପାଦକ ଭାବେ ମନିଷ ଅଗ୍ରୱାଲ, କୋଷାଧ୍ୟକ୍ଷ ଭାବେ ଶରତ କୁମାର ପୁଟେଲ କାର୍ଯ୍ୟକାରୀ ସଦସ୍ୟଭାବେ ମନୋଜ କୁମାର ଶତପଥ୍ ପ୍ରମୁଖ ମନୋନୀତ ହୋଇଛନ୍ତି ବିଶେଷ କରି ଗ୍ରାମାଞ୍ଚଳରେ ସାମ୍ବାଦିକଙ୍କ ପ୍ରତି ସଂଘ ଦୃଷ୍ଟି ଦେବା ସହ ଆଗାମୀ ଦିନରେ ସଂଘର ସମସ୍ତ ସଦସ୍ୟଙ୍କ ଜୀବନ ବୀମା ଓ ସ୍ବାସ୍ଥ୍ୟ ବୀମା ସଂଘ ପକ୍ଷରୁ କରାଯିବା ପାଇଁ ନିଷ୍ପତ୍ତି ଗ୍ରହଣ କରାଯାଇଥିଲା। ଶେଷରେ ନାରାୟଣ ସାହୁ ଧନ୍ୟବାଦ ଅର୍ପଣ କରିଥିଲେ। ଅନ୍ୟମାନଙ୍କ ମଧ୍ୟରେ ପ୍ରଦୀପ ବାଗ, ରୁଦ୍ରକିଶୋର ଦଣ୍ଡସେନା, ସନ୍ତୋଷ ଠାକୁର, ମାନୁ ମାହାକୁର, ରମାକାନ୍ତ ରାଜପଲିଆ, ବିନୋଦ ସୁନା, ଭଗବାନ ରାଜପଲିଆ, ବିପିନ ବିହାରୀ ସାହୁଙ୍କ ସମେତ ବହୁ ସାମ୍ବାଦିକ ଯୋଗଦେଇଥିଲେ।