29-Sep-2026

କଳାହାଣ୍ଡି  (ତ୍ରିନାଥ ଵେଶ୍ରା )
କଳାହାଣ୍ଡି ଜିଲ୍ଲା କୋକସରା ବ୍ଲକର 168ଟି ଅଙ୍ଗନବାଡି କେନ୍ଦ୍ରରେ ଗତ 3ଦିନ ହେବ ଚାଲିଥିବା 'ଆଙ୍ଗନ କା ଉତ୍ସବ' କାର୍ଯ୍ୟକ୍ରମ ମଙ୍ଗଳବାର ସମାପନ ହୋଇଛି। *ପ୍ରଥମ ଦିବସରେ* ପୋଷଣ ଯୁକ୍ତ ଖାଦ୍ୟ ପ୍ରଦର୍ଶନୀ ଅନୁଷ୍ଠିତ ହୋଇଥିଲା। ସ୍ଥାନୀୟ ଅଞ୍ଚଳରେ ମିଳୁଥିବା ପୋଷଣ ଯୁକ୍ତ ଶସ୍ୟରେ ପ୍ରସ୍ତୁତ ଖାଦ୍ୟକୁ ପିଲାଙ୍କ ପରିବାର ରୁ ପିତାମାନେ ପ୍ରଦର୍ଶନ କରିଥିଲେ। *ଦ୍ୱିତୀୟ ଦିବସରେ* ଶିଶୁ, ଅଭିଭାବକ, ଗର୍ଭବତୀ ମହିଳା ଓ ଏଏମସି ସଦସ୍ୟଙ୍କ ଉପସ୍ଥିତିରେ ମନୋରଞ୍ଜନ କାର୍ଯ୍ୟକ୍ରମ, ଚିତ୍ରାଙ୍କନ, ଅଜା-ଆଈଙ୍କ ଦ୍ୱାରା ଗପ ଶୁଣିବା ଭଳି କାର୍ଯ୍ୟକ୍ରମ ହୋଇଥିଲା। *ତୃତୀୟ ଦିବସରେ* ଶିଶୁଙ୍କ ପିତା-ମାତା, ଗର୍ଭବତୀ, ଅଙ୍ଗନବାଡି କର୍ମୀ ଓ ଏଏମସି ସଦସ୍ୟଙ୍କ ଉପସ୍ଥିତିରେ ମହିଳା ଓ ଶିଶୁ କଲ୍ୟାଣ ଯୋଜନା ସମ୍ପର୍କରେ ଆଲୋଚନା ଓ ପୁରସ୍କାର ବିତରଣ କରାଯାଇଥିଲା।

ପ୍ରଥମ ଦିବସରେ  କୋକସରା ସିଡିପିଓ  ସୁଷମା ପ୍ରସାଦ ଓ ସୁପରଭାଇଜର ମାନେ ସମସ୍ତ ଅଙ୍ଗନବାଡିକେନ୍ଦ୍ର ପରିଦର୍ଶନ କରିଥିଲେ। ତୃତୀୟ ଦିବସରେ ସିଡିପିଓ ସୁଷମା ପ୍ରସାଦ ଓ କୋକସରା ସୁପରଭାଇଜର ଦ୍ରୋପଦି ମାଝୀ, ଆମପାଣି ସୁପର ଭାଇଜର ଚନ୍ଦ୍ରକାନ୍ତି ନନ୍ଦ ଗୋତୋମୁଣ୍ଡା ସୁପର ଭାଇଜର ବେଦମତୀ ମାଝୀ, ଏବଂ କାଶୀବାହାଲ ସୁପର ଭାଇଯର ପ୍ରିୟା ସିନି ତାଣ୍ଡି ପ୍ରମୁଖ ପୁରସ୍କାର ବିତରଣ କରିଥିଲେ।
ଏହି କାର୍ଯ୍ୟକ୍ରମର ମୂଳ ଲକ୍ଷ୍ୟ ଅଙ୍ଗନବାଡି ସହ ଲୋକଙ୍କୁ ଯୋଡିବା ଏବଂ ସଚେତନ କରିବା ବୋଲି ସିଡିପିଓ କହିଛନ୍ତି।