31-Oct-2021

ବୀରମହାରାଜପୁର,  ( ବିନୋଦ ପାଣ୍ଡେ  ) : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଭାରତୀୟ ଜନତା ପାର୍ଟି ତରଫରୁ ବୀରମହାରାଜପୁର ଓ ସୁବଳୟା ଥାନା ଘେରାଉ କରି ବିକ୍ଷୋଭ ପ୍ରଦର୍ଶନ କରାଯାଇଥିଲା । ମମିତା ମେହର ଜଘନ୍ଯ ହତ୍ଯା କାଣ୍ଡ ଘଟଣାରେ ସିବିଆଇ ତଦନ୍ତ ଓ ମନ୍ତ୍ରୀ ଦିବ୍ୟଶଙ୍କର ମିଶ୍ର ବହିଷ୍କାର ,ଅଭିଯୁକ୍ତ ଗୋବିନ୍ଦ ସାହୁକୁ ଫାଶୀ ଦେବା ସହ ଅନ୍ଯାନ୍ଯ ଅଭିଯୁକ୍ତଙ୍କୁ ଗିରଫ  ଦାବିରେ ରାଜ୍ୟପାଳଙ୍କ ଉଦ୍ଧେଶ୍ୟରେ ବୀରମହାରାଜପୁର ଥାନା ଅଧିକାରୀ ଅଞ୍ଜଳି କୁମ୍ଭାର ଓ ସୁବଳୟା ଥାନା ଅଧିକାରୀ ଦୀପ୍ତିରଞ୍ଜନ ଦିଗାଲ ଙ୍କୁ ଏକ ତିନି ଦଫା ସମ୍ବଳିତ ଦାବିପତ୍ର ପ୍ରଦାନ କରାଯାଇଛି ।

ଜିଲ୍ଲା ପରିଷଦ ଅଧ୍ୟକ୍ଷ ଉଷା କୁମାରୀ, ବିଜେପି ରାଜ୍ଯ କାର୍ଯ୍ଯକାରିଣୀ ସଦସ୍ଯ ରଘୁନାଥ ଜଗଦଲା, ଜିଲ୍ଲା ପରିଷଦ ସଭ୍ଯା ଗାୟତ୍ରୀ ପାଣିଗ୍ରାହୀ, ଜିଲ୍ଲା ସାଧାରଣ ସମ୍ପାଦକ ବେଣୁଧର ଦାସ, ଉପସଭାନେତ୍ରୀ ନଳିନୀ ପଣ୍ଡା, ରାଜ୍ୟ କୃଷକ ମୋର୍ଚ୍ଚା କାର୍ଯ୍ୟକାରିଣୀ ସଦସ୍ଯ କିଶୋର ହୋତା, ସମାଜସେବୀ ରାଧାକାନ୍ତ ପଣ୍ଡା, ଭଗବାନ ବାଘ, ସୁମନ୍ତ ଜଗଦଲା, ରଶ୍ମିତା ସଡଙ୍ଗି, ସୁଦାମ ମେହର ଙ୍କ ସହ ବୀରମହାରାଜପୁର ଓ ସୁବଳୟା  ମଣ୍ଡଳର ଶତାଧିକ କର୍ମୀ ସାମିଲ ଥିଲେ ।