31-Oct-2021

ନୟାଗଡ଼, (ପ୍ରଦୀପ କୁମାର ପଣ୍ଡା) ନୟାଗଡ଼ ସର୍କିଟ ହାଉସ ନିକଟ ଭାରତ ବିକାଶ ପରିଷଦ କାର୍ୟ୍ୟାଳୟ ତଥା ପରିଷଦର ଶ୍ରୀକମଳାଦେବୀନ୍ୟାସ ପରିସରରେ  ରାଷ୍ଟ୍ରୀୟ ଏକତା ଦିବସ ଶାଖା ଅଧ୍ୟକ୍ଷ ପ୍ରାଧ୍ୟାପକ ହରେକୃଷ୍ଣ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇ ଯାଇଛି। ପ୍ରଥମେ ଶ୍ରୀଜଗନ୍ନାଥ, ସ୍ବାମୀ ବିବେକାନନ୍ଦ ଓ ସର୍ଦ୍ଦାର ବଲ୍ଲଭ ଭାଇ ପଟେଲଙ୍କ ପ୍ରତିଛବିରେ ପୁଷ୍ପମାଲ୍ୟ ଅର୍ପଣ କରାଯାଇ ପ୍ରଦୀପ ପ୍ରଜ୍ବଳନ କାର୍ଯ୍ୟ ସମ୍ପାଦନ ହୋଇଥିଲା | ସରକାର ଙ୍କ କୋଭିଡ୍ ନିୟମ ଅନୁପାଳନ ପୂର୍ବକ ସଭାକାର୍ୟ୍ୟ ହୋଇଥିଲା। ପରିଷଦ ର ଶାଖା ସଦସ୍ୟା ସୌଦାମିନୀ ସ୍ବାଇଁ ଅତିଥି ମାନଙ୍କ ର ପରିଚୟ ପ୍ରଦାନ କରିଥିଲା ବେଳେ ଶାଖା ସଚିବ ଅନାଦି ଚରଣ ମହାନ୍ତି ବାର୍ଷିକ ବିବରଣୀ ପଠନ କରିଥିଲେ। ମୁଖ୍ୟ ଅତିଥି ଭାବେ ନୟାଗଡ଼ ସ୍ବୟଂ ଶାସିତ ମହାବିଦ୍ୟାଳୟର ଅଧ୍ୟକ୍ଷ ସୁରେଶ କୁମାର ପ୍ରଧାନ,ମୁଖ୍ୟବକ୍ତା ଭାବେ ବିଶିଷ୍ଟ ବୈଦିକ ପ୍ରବକ୍ତା ବିରେନ୍ଦ୍ର କୁମାର ପଣ୍ଡା ଓ ସମ୍ମାନିତ ଅତିଥି ଭାବେ କ୍ଷେତ୍ରୀୟ ସଚିବ ଶ୍ରୀଧର ସାହୁ ମଞ୍ଚାସୀନ ଥିଲେ | ଭାରତ ବିକାଶ ପରିଷଦର ଲକ୍ଷ୍ୟ ଏବଂ ଆଭିମୁଖ୍ୟ ବିଷୟରେ ଆଲୋଚନା କରିବା ସହିତ ରାଷ୍ଟ୍ରୀୟ ଏକତା ଦିବସ ବିଷୟରେ ଅତିଥି ମାନେ ବକ୍ତବ୍ୟ ରଖିଥିଲେ।ଏହି ଉତ୍ସବ ପାଳନ ଅବସରରେ ୧୭ ଜଣ ନୂତନ ସଦସ୍ୟ ଭାବେ ସଦସ୍ୟତା ଗ୍ରହଣ କରିଥିବାରୁ ମୁଖ୍ୟ ବକ୍ତା ମହୋଦୟ ସେମାନଙ୍କୁ ଶପଥ ପାଠ କରାଇଥିଲେ। ଶାଖା ଦ୍ବାରା କରାଯାଇଥିବା ବିଭିନ୍ନ ସେବା ମୂଳକ କାର୍ୟ୍ୟକ୍ରମ ଯଥା ବୃକ୍ଷ ରୋପଣ, ରକ୍ତଦାନ ଶିବିର, ଫନି ସହାୟତା, ଘରପୋଡି ସହାୟତା, କମ୍ବଳ ବଣ୍ଟନ, ସରକାରଙ୍କ ଟୀକାକରଣ କାର୍ୟ୍ୟକ୍ରମରେ ସହାୟତା,ପୋଷ୍ୟଗ୍ରାମରେ ଅନୁଷ୍ଠିତ ହୋଇଥିବା ବିଭିନ୍ନ ଉନ୍ନୟନ ମୂଳକ କାର୍ୟ୍ୟକ୍ରମ ବିଷୟରେ ସଚିବ ବିବରଣୀ ପାଠ କରିଥିଲେ | ପରିଶେଷରେ ଶାଖାର ସେବା ସଚିବ ଦୁର୍ୟ୍ୟୋଧନ ସାହୁ ଧନ୍ୟବାଦ ଅର୍ପଣ କରିଥିଲାବେଳେ ଏହି କାର୍ୟ୍ୟକ୍ରମରେ ଶାଖା ଅର୍ଥ ସଚିବ ପ୍ରଫୁଲ କୁମାର ନାୟକ, ସମାଜସେବୀ ଅରୁଣ କୁମାର ମହାନ୍ତି,ପ୍ରାକ୍ତନ ସଚିବ ପ୍ରଦୀପ କୁମାର ସାହୁ ସହଯୋଗ କରିଥିଲେ ।