28-Oct-2021

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ) :ଆଜି ଡୁଙ୍ଗୁରିପାଲି  ବ୍ଲକ ଅଫିସ ପରିସରରେ ଭାରତ ସରକାରଙ୍କ ଋଣ ସଂଯୋଗୀକରଣ ଯୋଜନାରେ ଜିଲ୍ଲାର ଦ୍ଵିତୀୟ ପର୍ଯ୍ୟାୟ ବୃହତ ଋଣ ମେଳା ଡୁଙ୍ଗୁରିପାଲି  ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ତ୍ରିପୁରାରି ମହାନନ୍ଦିଆଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି l ଏହି ଋଣ ମେଳା ରେ ଜିଲ୍ଲା ପରିଷଦ ଅଧ୍ୟକ୍ଷ୍ୟା ଶ୍ରୀମତୀ ଉଷା କୁମାରୀ ମୁଖ୍ୟ ଅତିଥିଭାବେ ଯୋଗଦାନ କରିଥିବାବେଳେ ଡୁଙ୍ଗୁରିପାଲି ବ୍ଲକ ଅଧ୍ୟକ୍ଷ୍ୟ ଶ୍ରୀ ମକରଧ୍ବଜ ସାହୁ ସମ୍ମାନିତ ଅତିଥିଭାବେ ଯୋଗଦାନ କରି ଋଣ ଗ୍ରହିତାଙ୍କୁ ଉଦବୋଧନ ଦେବାସହ ଉତ୍ସାହିତ କରିଥିଲେ l ଏହି ମେଳା ରେ ୧୫ଗୋଟି ଜାତୀୟ କରଣ ବ୍ୟାଙ୍କ ମାନଙ୍କ ସହଯୋଗରେ ଏକ କାଳୀନ ଗୋଟିଏ ଜାଗାରେ ୧୧୯୮ ଟି ଋଣ ଖାତାରେ ସମୁଦାୟ  ୨୭କୋଟି ୧୨ ଲକ୍ଷ ଟଙ୍କାର ଋଣ ବିତରଣ କରି ସମଗ୍ର ଜିଲ୍ଲାରେ ଏକ ନୂତନ ରେକର୍ଡ ସୃଷ୍ଟି ହୋଇଛି l  ଏହି କ୍ରେଡିଟ ଆଉଟରିଚ ସଭାରେ  ଡ଼ି ଜି ଏମ ନାବାର୍ଡ ତାପସ ଶଙ୍କର ରାଉତ, ଏଲ ଡ଼ି ଏମ ସରୋଜ ଦାଶ, ଷ୍ଟେଟ ବ୍ୟାଙ୍କ ଶାଖା ବରଗଡ଼ ର ରଞ୍ଜନ କୁମାର ପ୍ରଧାନ, ଜି ଏମ ଡ଼ି ଆଇ ସି ବଳଭଦ୍ର ନାୟକ,  ଯୋଗଦାନ କରିଥିବା ବେଳେ ୧୫ଗୋଟି ବ୍ୟାଙ୍କ ର ଶାଖା ପରିଚାଳକ ମାନେ ଯୋଗଦାନ କରିଥିଲେ l ଭାରତ ସରକାରଙ୍କ କାର୍ଯ୍ୟକ୍ରମ ଅନୁସାରେ କରୋନା ପରବର୍ତ୍ତୀ ସମୟରେ ବଜାରକୁ ମାନ୍ଦା ପରିସ୍ଥିତିରୁ ଉଦ୍ଧାର କରିବା ପାଇଁ ଦୁଇଟି ପର୍ଯ୍ୟାୟରେ ଏଭଳି ଋଣ ମେଳା ଅନୁଷ୍ଠିତ ହେବ l ଏହି ଋଣ ମେଳାରେ  ବିଭିନ୍ନ କ୍ଷେତ୍ରରେ 27କୋଟି 12ଲକ୍ଷ ଟଙ୍କାର ଋଣ ମଞ୍ଜୁର କରାଯାଇଛି l ସମଗ୍ର ଜିଲ୍ଲାରେ ଗୋଟିଏ ଦିନରେ ଏତେ ପରିମାଣର ଋଣ ମଞ୍ଜୁର ହେବାରେ ଏହା ରେକର୍ଡ ସୃଷ୍ଟି କରିଛି l ଏହି କାର୍ଯ୍ୟକ୍ରମର ସଫଳତା ପାଇଁ ସୁବର୍ଣ୍ଣପୁର ଜିଲ୍ଲା ଲିଡ଼ ବ୍ୟାଙ୍କ ମ୍ୟାନେଜର ଶ୍ରୀ ସରୋଜ ଦାଶ ସମସ୍ତ ବ୍ୟାଙ୍କ, ସ୍ୱୟଂ ସହାୟକ ଦଳଙ୍କୁ ଧନ୍ୟବାଦ ଦେଇଛନ୍ତି ଏବଂ ନୂତନ ଉଦ୍ୟୋଗୀ ମାନଙ୍କୁ ଶୁଭେଚ୍ଛା ଜଣାଇବା ସହ ସଫଳତା କାମନା କରିଛନ୍ତି l