28-Oct-2021

ଲୋଇସିଂହା(ବିନୋଦ କୁମାର ଦୀପ): ସରକାର ଗରିବ, ମୁଲିଆ ମାନଙ୍କ ଉନ୍ନତି ଲାଗି ଯୋଜନା ଉପରେ ଯୋଜନା ଚଳାଇଛନ୍ତି ହେଲେ କେଉଁଠି ବାଟମାରଣା, ଅଧପନ୍ତରିଆ କାମ ତ କେଉଁଠି ଲାଞ୍ଚ କାରବାର ଯୋଗୁଁ ଅସୁବିଧାର ସମ୍ମୁଖୀନ ହେଉଛନ୍ତି ଏହି ଗରିବ ନିରୀହ ଶ୍ରେଣୀର ଲୋକେ l ଏହିପରି ଘଟଣା ଘଟିଛି ଆଗଲପୁର ବ୍ଲକ ଅନ୍ତର୍ଗତ ଆଗଲପୁର ପଞ୍ଚାୟତ ଈନସା ଗ୍ରାମରେ l ପଞ୍ଚାୟତ ପିଇଓଙ୍କ ନାରେ ଆସିଛି ଏକ ସାଂଘାତିକ ଅଭିଯୋଗ l ଆବାସ ଯୋଜନାରେ ଘର ଦେଵି କହି ନେଇଛନ୍ତି ହଜାର ହଜାର ଟଙ୍କା l ପିଇଓ ଶ୍ରୀ ପାଣିଗ୍ରାହୀକୁ କିଏ ଦେଇଛି 20,000 ଟଙ୍କା ତ ଆଉ କିଏ ଦେଇଛି 10,000 ଟଙ୍କା l ଲୋକମାନଙ୍କ ଅଭିଯୋଗ ହେଉଛି ଯେ ସେମାନେ ପ୍ରକୃତ ହିତାଧିକାରୀ ହୋଇଥିଲେ ମଧ୍ୟ ସେମାନଙ୍କୁ ଟଙ୍କା ମାଗୁଛନ୍ତି ପିଇଓ ମହାଶୟ l ବିଡ଼ିଓ ଙ୍କୁ ଏ ବିଷୟରେ ପଚାରି ବୁଝିବାରୁ ସେ ହାଲୁକା ଭାବରେ କଥାଟାକୁ ଏଡେଇ ଦେଇ ଯୁକ୍ତି ଉପସ୍ଥାପନ କରିଥିଲେ l ଏ ବିଷୟରେ ପିଇଓଙ୍କୁ ବୁଝିବାରୁ ଆପଣ ଆପଣଙ୍କ କାମ କରନ୍ତୁ ଯାହା ହେବା ଦେଖାଯିଵା କହି ସ୍ପଷ୍ଟୀକରଣ କଲେ l ଏଣୁ ଏ ଦିଗରେ ଉଚିତ ତଦନ୍ତ କରାଯାଇ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଇନସା ଗ୍ରାମବାସୀ ଦାବି କରିଛନ୍ତି l