28-Oct-2021

ପଦ୍ମପୁର(ନିରଞ୍ଜନ ତ୍ରିପାଠୀ) : ପାଇକମାଲ ସ୍ଥିତ ବିନ୍ଧ୍ୟବାସିନୀ ଡିଗ୍ରୀ ମହାବିଦ୍ୟାଳୟରେ ତ୍ରିଦିବସୀୟ ସଂକୁଳ ସ୍ତରିୟ ଯୁବ ରେଡକ୍ରସ ଶିବିର ଗୁରୁବାର ଉଦଯାପିତ ହୋଇଯାଇଛି । ପ୍ରଥମ ଅଧିବେଶନରେ ଅଧ୍ୟକ୍ଷ ଲୋହିତ କୁମାର ବାରିକ ଅଧ୍ୟକ୍ଷତା କରିଥିବା ବେଳେ ଅଧ୍ୟାପିକା ରଂଜିତା ମହାନ୍ତି ସ୍ଵାଗତ ଭାଷଣ ଦେଇଥିଲେ ।  ପାଇକମାଲ ଥାନା ଆଇଆଇସି

ବିଶ୍ଵଜିତ ମନବୋଧ ଅତିଥି ଭାବରେ ଯୋଗଦେଇ ସଡ଼କ ସୁରକ୍ଷା ବିଷୟରେ ପିଲାଙ୍କୁ ସଚେତନ କରାଇଥିଲେ । ଛାତ୍ରୀ ଲିଜା ପ୍ରଧାନ ବିଗତ ଦିନର ବିବରଣୀ ପାଠ କଲେ । ଅଧ୍ୟାପକ ପ୍ରଦୀପ୍ତ ସାହୁ ଧନ୍ୟବାଦ ଅର୍ପଣ କରିଥିଲେ । ଦ୍ଵିତୀୟ ଅଧିବେଶନର ଅଧ୍ୟାପକ ପ୍ରଭାତ କୁମାର ବିଶ୍ଵାଳ ସ୍ଵାଗତ ଭାଷଣ ଦେଇଥିବା ବେଳେ ଜିଲ୍ଲା ରେଡକ୍ରସ ସଂଯୋଜକ ପରମାନନ୍ଦ ରଥ ମୁଖ୍ୟ ଅତିଥି ଭାବରେ ଯୋଗ ଦେଇ ପିଲାମାନଙ୍କୁ ଉଦବୋଧନ ଦେଇଥିଲେ । ଅଧ୍ଯାପକ ପ୍ରଦୀପ୍ତ କୁମାର ସାହୁ ପୁରସ୍କାର ବିତରଣୀ କାର୍ଯ୍ୟକ୍ରମକୁ ପରିଚାଳନା କରିଥିଲେ । ବିଜୟୀ ପ୍ରତିଯୋଗୀମାନଙ୍କୁ ପୁରସ୍କୃତ

କରାଯାଇଥିଲା । ଯୋଗ ଦେଇଥିବା କଲେଜ ସମୂହ ର ଅଧ୍ଯକ୍ଷ ଶ୍ୟାମସୁନ୍ଦର ବେହେରା, ଶ୍ୟାମଲାଲ ପ୍ରଧାନ, ପ୍ରମୋଦ ସାହୁ ପ୍ରମୁଖ ମଞ୍ଚାସୀନ ଥିଲେ । ମାଣ୍ଡୋସିଲ, ଝାରବନ୍ଧ, ଡଭା, ବିନ୍ଧ୍ୟବାସିନୀ କଲେଜର କାଉନସିଲର ଓ ଛାତ୍ରଛାତ୍ରୀ ଶିବିରରେ ଯୋଗଦାନ କରିଥିଲେ । ମୁଖ୍ୟ ଅତିଥି ପରମାନନ୍ଦ ରଥ ରେଡକ୍ରସ ପତାକା ଅବତରଣ  କରିଥିଲେ । ମହାବିଦ୍ୟାଳୟର ସମସ୍ତ ଶିକ୍ଷକ ଓ ଅଣଶିକ୍ଷକ କର୍ମଚାରୀ ଶିବିର ସଫଳ ଆୟୋଜନ ନିମିତ୍ତ ସୁଚାରୁ ରୂପେ ନିଜ ନିଜ ଦାୟିତ୍ଵ ନିର୍ବାହ କରିଥିଲେ । ସଭା ଶେଷରେ ଅଧ୍ୟାପିକା ପୁଷ୍ପମଞ୍ଜରୀ ପ୍ରଧାନ ଧନ୍ୟବାଦ ଅର୍ପଣ କରିଥିଲେ ।