24-Sep-2021

ନୟାଗଡ, (ପ୍ରଦୀପ କୁମାର ପଣ୍ଡା): ନୟାଗଡ଼ ଜିଲ୍ଲା ର ପ୍ରତିଷ୍ଠିତ ଯୁବ ସାମ୍ବାଦିକ ଶ୍ରୀଯୁକ୍ତ ଦେବୀ ପ୍ରସାଦ ଦାଶ ଙ୍କ ପ୍ରଚେଷ୍ଟା ରେ ଗତ ଜୁଲାଇ ୧୨ ତାରିଖରୁ ଏକ ୟୁଟୁବ ଚ୍ୟାନେଲ ଶୁଭାରମ୍ଭ ହୋଇଥିଲା | ଫାଉଣ୍ଡର ଶ୍ରୀଯୁକ୍ତ ଦାଶ ନୟାଗଡ଼ ର ପ୍ରତିଷ୍ଠିତ ମଣିଭଦ୍ରା ପାହାଡ଼ ର ପୌରାଣିକ କିମ୍ବଦନ୍ତୀ ତଥା ସୁନ୍ଦର ପରିବେଶ ରେ ବିମୋହିତ ହୋଇ ତାଙ୍କ ଚ୍ୟାନେଲ ର ନାମ ରଖିଛନ୍ତି *ମଣିଭଦ୍ରା ଖବର* | ନିଚ୍ଛକ ଖବର ସହିତ ବିଭିନ୍ନ ସୁନ୍ଦର କାର୍ଯ୍ୟକ୍ରମ ର ପ୍ରସାରଣ ଉକ୍ତ ଚ୍ୟାନେଲକୁ ଖୁବ କମ ଦିନ ମଧ୍ୟରେ ବହୁତ ସଫଳତା ପ୍ରଦାନ କରିଛି | ନୟାଗଡ଼ ଜିଲ୍ଲା ର ପୁରପଲ୍ଲୀର ଜନସାଧାରଣ ଙ୍କ ଅସୁବିଧା ଗୁଡିକୁ ଖୁବ ସୁନ୍ଦର ଏବଂ ନିଚ୍ଛକ ଖବର ମାଧ୍ୟମରେ ପ୍ରଶାସନ ପାଖରେ ପହଞ୍ଚାଇ ଫାଉଣ୍ଡର ଶ୍ରୀଯୁକ୍ତ ଦାଶ ଏବେ ବେଶ ପ୍ରଶଂସିତ | 
ଇତ୍ୟାବଶର ରେ. ମଣିଭଦ୍ରା ଖବର ର ଲୋଗୋ ଉନ୍ମୋଚନ କାର୍ଯ୍ୟକ୍ରମ ଗଣିଆ ବଜାର ସ୍ଥିତ ଶ୍ରୀ ରଘୁନାଥ ଙ୍କ ପ୍ରାଙ୍ଗଣରେ ଅନୁଷ୍ଠିତ ହୋଇ ଯାଇଛି | ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଦଶପଲ୍ଲା ବିଧାୟକ ତଥା ନୟାଗଡ଼ ଜିଲ୍ଲା ବିଜେଡି ସଭାପତି ଶ୍ରୀଯୁକ୍ତ ରମେଶ ଚନ୍ଦ୍ର ବେହେରା, ଗଣିଆ ବ୍ଳକ ଅଧ୍ୟକ୍ଷ ଶ୍ରୀଯୁକ୍ତ ସେସଦେବ ସ୍ୱାଇଁ, କନ୍ଧମାଳ ସାଂସଦଙ୍କ ନୟାଗଡ଼ ଜିଲ୍ଲା ପ୍ରତିନିଧି ଶ୍ରୀଯୁକ୍ତ ସଦାଶିବ ମିଶ୍ର, ନିର୍ଦେଶକ ତଥା ପ୍ରତିଷ୍ଠିତ କଳାକାର ରାଜ ନାରାୟଣ ପଣ୍ଡା, ପ୍ରାର୍ଥନା ଏବଂ ତରଙ୍ଗ ଚାନେଲ ର ନାୟିକା ଗାୟତ୍ରୀ ସାହୁ ପ୍ରମୁଖ ଯୋଗଦେଇଥିଲେ |  ଉକ୍ତ କାର୍ଯ୍ୟକ୍ରମ ର ପ୍ରଦୀପ ପ୍ରଜ୍ବଳନ କାର୍ଯ୍ୟ ଶ୍ରେଷ୍ଠ କଳାକାର ସଚି ନାରାୟଣ ପଣ୍ଡା, ଶିକ୍ଷାବିତ ତଥା କଳାକାର ଗିରିଶ କୁମାର ମିଶ୍ର, ଗଣିଆ ସରପଞ୍ଚ  ସସ୍ମିତା ଲେଙ୍କା ପ୍ରମୁଖ ସମାପନ କରିଥିଲେ | ଉକ୍ତ ମଞ୍ଚ ରେ ସମସ୍ତ ଅତିଥି ମାନଙ୍କୁ ଗଣିଆ ପ୍ରେସ କ୍ଳବ ର ସଦସ୍ୟ ମାନେ ଉତ୍ତରୀୟ ଏବଂ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରିଥିଲେ | ଗଣିଆ ଅଂଚଳ ବିଭିନ୍ନ କଳାକାର ମାନଂକୁ ମଣିଭଦ୍ରା ଖବର ପରିବାର ତରଫରୁ ସମସ୍ତ ଅତିଥି ମାନେ ଉପଢକନ ଦେଇ ମଞ୍ଚ ରେ ସମ୍ବର୍ଦ୍ଧିତ କରିଥିଲେ | ସୂଚନାଥାଉକି ଉକ୍ତ ମଞ୍ଚ ରେ ମଣିଭଦ୍ରା ଡ୍ୟାନ୍ସ ରିୟାଲିଟି ସୋ ର ଫାଇନାଲ ରାଉଣ୍ଡ କାର୍ଯ୍ୟ ଶେଷ ହୋଇଥିଲା ଏବଂ ଉଭୟ ଜୁନିଅର ଏବଂ ସିନିଅର ଗ୍ରୁପ ର ବିଜେତା ଙ୍କୁ ଅଧ୍ୟକ୍ଷ ଏବଂ ବିଧାୟକ ଟ୍ରଫି ପ୍ରଦାନ କରିଥିଲେ | ମଣିଭଦ୍ରା ଖବର ଚ୍ୟାନେଲ ର ଟ୍ୟାଗ ଲାଇନ 'ସମ୍ପର୍କ ଜନତାର' କୁ ବିଧାୟକ ଖୁବ ପ୍ରଶଂସା କରିଥିଲେ | ମଣିଭଦ୍ରା ନାମ କରଣ କୁ ନେଇ ଅଧ୍ୟକ୍ଷ ମହୋଦୟ ଫାଉଣ୍ଡର ଦେବୀ ପ୍ରସାଦ ଙ୍କୁ ଧନ୍ୟବାଦଦେବା 

ସହିତ ଉତ୍ସାହିତ କରିଥିଲେ | ନିଚ୍ଛକ ଏବଂ ସତ୍ୟ ଖବର ସହିତ ବିଭିନ୍ନ ଲୁକାୟିତ ଲୋକକଳା ତଥା କଳାକାର ମାନଂକୁ ସର୍ବ ସାଧାରଣରେ ପ୍ରସାରଣ ବଳବତ୍ତର ରଖିଲେ  ଆଗମୀଦିନରେ ଏହି ମଣିଭଦ୍ରା ଖବର ସାରା ଦେଶ ରେ ବେଶ ଖ୍ୟାତି ଲାଭ କରି ପାରିବ ବୋଲି ଶ୍ରୀଯୁକ୍ତ ସ୍ୱାଇଁ ଦେବୀ ପ୍ରସାଦ ଙ୍କୁ ଉପଦେଶ ଦେଇଥିଲେ | ଉକ୍ତ କାର୍ଯ୍ୟକ୍ରମ ରେ ମଞ୍ଚ ପରିଚାଳନା ନିଜେ ଦେବୀପ୍ରସାଦ କରିଥିବା ବେଳେ ଗଣିଆ ପ୍ରେସ କ୍ଳବ ସମ୍ପାଦକ ଶ୍ରୀଯୁକ୍ତ ବିଶ୍ୱ ରଞ୍ଜନ ସେଠୀ ଧନ୍ୟବାଦ ଅର୍ପଣ କରିଥିଲେ |