23-Sep-2021

ବୀରମହାରାଜପୁର- (ବିନୋଦ ପାଣ୍ଡେ ): ଛାତ୍ର ମାନେ ଦେଶର ଭବିଷ୍ୟତ । ସେମାନଙ୍କ ଭିତରେ ପ୍ରଚଣ୍ଡ ପ୍ରତିଭା । ସେମାନଙ୍କର ଅନ୍ତର୍ନିହିତ ପ୍ରତିଭାକୁ ଆମେ ଚିହ୍ନି ପାରିଲେ ସେମାନେ ପ୍ରବଳ ବେଗରେ ଆଗକୁ ବଢିବା ସହିତ ଭବିଷ୍ୟତରେ ଭାରତର ପୁନଃ ନିର୍ମାଣରେ ମୁଖ୍ୟ ଭାଗୀଦାର ହୋଇ ପାରିବେ ।  ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଠାରେ ଅନୁଷ୍ଠିତ ମାଟିଲଗ୍ନା ସାହିତ୍ୟ ସଂସଦର ସୁବର୍ଣ୍ଣପୁର ଜିଲ୍ଲା ଶାଖା ପକ୍ଷରୁ ଆୟୋଜିତ ମାଟିଲଗ୍ନା ଛାତ୍ର ମେଧା ସମ୍ମାନର ଉଦ୍ଘାଟନ ଉତ୍ସବରେ ନିମନ୍ତ୍ରିତ ଅତିଥି ମାନେ ମତବ୍ୟକ୍ତ କରିଛନ୍ତି ।
          

ଏହି ଅବସରରେ ମାଁ ମଙ୍ଗଳା କଲ୍ଯାଣ ମଣ୍ଡପ ଠାରେ ଆୟୋଜିତ ସମାରୋହରେ ଜିଲ୍ଲା ସଭାପତି ଲକ୍ଷ୍ମୀ ନାରାୟଣ ସାହୁ ଅଧ୍ୟକ୍ଷତା କରିଥିବା ବେଳେ ମାଟିଲଗ୍ନା ସାହିତ୍ୟ ସଂସଦର ରାଜ୍ୟ ସଭାପତି କିଶୋର ଚନ୍ଦ୍ର ପ୍ରଧାନ ମୁଖ୍ୟ ଅତିଥି, ବରିଷ୍ଠ କବୟିତ୍ରୀ ତଥା ଅବସର ପ୍ରାପ୍ତ ପ୍ରଧାନ ଶିକ୍ଷୟତ୍ରୀ ନୂରାବତି ସାହୁ ସ୍ଵତନ୍ତ୍ର ଅତିଥି, ସୋନପୁର ମହାବିଦ୍ୟାଳୟ ଇତିହାସ ବିଭାଗର ମୁଖ୍ୟ ଡକ୍ଟର ହିମାଂଶୁ ଶେଖର ପାଢୀ ମୁଖ୍ୟ ବକ୍ତା, କଳାହାଣ୍ଡି ଜିଲ୍ଲାର ବରିଷ୍ଠ କର୍ମକର୍ତ୍ତା ନରସିଂହ ପ୍ରସାଦ ନାଏକ, ସଂସଦର ପଶ୍ଚିମାଞ୍ଚଳ ପରିଚାଳକ ଅଧ୍ୟାପକ ଗଣପତି ବାଗ, ରାଜ୍ୟ ମହିଳା ମଞ୍ଚ ସଦସ୍ୟା ନୀଳକାନ୍ତି ପଟ୍ଟନାୟକ, ଏବଂ ସଂସଦର ପଶ୍ଚିମାଞ୍ଚଳ ପର୍ଯ୍ୟବେକ୍ଷକ ବିଭୂତି ଭୂଷଣ ବିଶି ପ୍ରମୁଖ ସମ୍ମାନିତ ଅତିଥି ଭାବରେ ଯୋଗ ଦେଇ ନିଜ ନିଜ ବକ୍ତବ୍ୟ ପ୍ରକାଶ କରିଥିଲେ । ମାଟିଲଗ୍ନା ସାହିତ୍ୟ ସଂସଦର ରାଜ୍ୟ ଅଭିଭାବକ କମିଟି ସଦସ୍ୟ ଶୁଭ୍ରାଂଶୁ ଶେଖର ପାଢୀ ସଭା ପରିଚାଳନା କରିବା ସହିତ ସ୍ଵାଗତ ଭାଷଣ ଓ ଧନ୍ୟବାଦ ଅର୍ପଣ କରିଥିଲେ । ଏହି ଅବସରରେ ସ୍ଥାନୀୟ ବିଦ୍ୟାଳୟ ଓ ମହା ବିଦ୍ୟାଳୟର  ଚବିଶି ଜଣ ଛାତ୍ର ଛାତ୍ରୀ ମାନଙ୍କୁ ମାଟିଲଗ୍ନା ଛାତ୍ର ମେଧା ସମ୍ମାନରେ ସମ୍ବର୍ଦ୍ଧିତ କରାଯାଇଥିବା ବେଳେ ସଂସଦରେ ଉଲ୍ଲେଖନୀୟ କାର୍ଯ୍ୟ ପାଇଁ ଶ୍ରୀଯୁକ୍ତ ଲକ୍ଷ୍ମୀ ନାରାୟଣ ସାହୁ ଏବଂ ରାଧା ମୋହନ ପୁଝାରୀ ଙ୍କୁ ମାଟିଲଗ୍ନାଶ୍ରୀ ସମ୍ମାନରେ ସମ୍ବର୍ଦ୍ଧିତ କରାଯାଇଥିଲା । ସଭା ପୂର୍ବରୁ ସଂସଦର ରାଜ୍ୟ ସଭାପତିଙ୍କ ଦ୍ଵାରା ଶ୍ରୀଯୁକ୍ତ ଲକ୍ଷ୍ମୀ ନାରାୟଣ ସାହୁ, ସଞ୍ଜୟ କୁମାର ମିଶ୍ର, ବଙ୍କା ବିହାରୀ ମହାକୁର, ଶୁଭେନ୍ଦୁ ମେହେର, ରାଧା ମୋହନ

ପୁଝାରୀ,  ସନ୍ତୋଷ କୁମାର ଅଦାବର ପ୍ରମୁଖଙ୍କୁ ଯଥାକ୍ରମେ ଜିଲ୍ଲା ସଭାପତି, ଉପସଭାପତି, ସମ୍ପାଦକ, ସହ ସଂପାଦକ, ସଂଯୋଜକ ଓ ସଂଗଠନ ସମ୍ପାଦକ ତଥା ମହିଳା ମଞ୍ଚ ପାଇଁ ସନ୍ତୋଶିନୀ ନାୟକ,  ସନ୍ତୋଶିନୀ ନନ୍ଦ, ଯଶୋବନ୍ତୀ ବାରିକ ଓ ମମତା ଦାଶଙ୍କୁ ଯଥାକ୍ରମେ ସଭାନେତ୍ରୀ, ସମ୍ପାଦିକା, ଉପସଭାନେତ୍ରୀ ଓ ସହ ସଂପାଦିକା ଭାବେ ମନୋନୀତ କରାଯାଇଥିବା ବେଳେ ଘନଶ୍ୟାମ ତ୍ରିପାଠୀ ଓ ନୀଳକାନ୍ତି ପଟ୍ଟନାୟକଙ୍କୁ ଉପଦେଷ୍ଟା ଏବଂ  କବି ଶୁଭ୍ରାଂଶୁ ଶେଖର ପାଢୀଙ୍କୁ ପର୍ଯ୍ୟବେକ୍ଷକ ଭାବରେ ମନୋନୀତ କରାଯାଇଥିଲା ।