23-Sep-2021

ସୁୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ) : ପୁଣି ଦେଶ ବାହାରେ କମାଲ ଦେଖାଇବେ ଦୁଇ ଓଡିଆ ଖେଳାଳୀ । ଆସନ୍ତା ଅକ୍ଟୋବର ୧ ତାରିଖରୁ ୩ ତାରିଖ ପର୍ଯ୍ୟନ୍ତ ୟୁରୋପ ମହାଦେଶରେ ଅନୁଷ୍ଠିତ ହେବାକୁଥିବା ଓପନ ବିଶ୍ୱ ତାଇକଣ୍ଡୋ ଜି-୧ ଚମ୍ପିଆନସିପରେ ସୁବର୍ଣ୍ଣପୁର ଜିଲ୍ଲାର ଏହେସାସ ହୋତା ଏବଂ ଅନୁସ୍କା ଦାଶ ଭାଗନେବାକୁ ମନୋନିତ ହୋଇସାରିଛନ୍ତି । ଏହି ପ୍ରତିଯୋଗିତାରେ ବିଶ୍ୱର ୟରୋପ ବଏଂ ଏସିଆ ମହାଦେଶର ସମଗହ୍ର ଦେଶର ବଛା ବଛା ଖେଳାଳୀମାନେ ଏହି ପ୍ରତିଯୋଗୀତାରେ ଭାଗନେବାକୁଥିବାବେଳେ ଓଡିଶାର ଏହି ଦୁଇଜଣ ଖେଳାଳୀ ଭାରତୀୟ ଟିମରେ ସ୍ଥାନିତ ହୋଇଛନ୍ତି । ଏହା ପୁର୍ବରୁ ଏହେସାସ ୨ ଟି ଆନ୍ତର୍ଜାତୀୟ,୨ଟି ଓପନ ବିଶ୍ୱ ଚମ୍ପଆନସିପ,୨ଟି ସର୍ବଭାରତୀୟ ୟୁନିରଭିସିଟି ସହିତ ଅନେକ ଜାତୀୟ ପ୍ରତିଯୋଗିତାରେ ଭାଗନେଇ ପଦକ ଜିତିସାରିଛନ୍ତି । ସେହିଭଳି ଅନୁସ୍କା ମଧ୍ୟ ୧ଟି ଆନ୍ତର୍ଜାତୀୟ,୩ ଟି ଜାତୀୟସହ ଅନେକ ରାଜ୍ୟସ୍ତରୀୟ ପ୍ରତିଯୋଗିତାରେ ଭାଗନେଇ ପଦକ ଜିଣିସାରିଛନ୍ତି । ଏଥର ମଧ୍ୟ ଉଭୟ କ୍ରୀଡାବିତଙ୍କୁ ଏହି ପ୍ରତିଯୋଗିତାରେ ସଫଳତା ମିଳିବବୋଲି ଆଶା କରାଯାଉଛି । କ୍ରୀଡାବିତଙ୍କ ପାଇଁ ଓଡିଶା ତଇକଣ୍ଡୋ ସଂଘ ପୁରୀ ଏବଂ ଇଣ୍ଡିଆ ତାଇକଣ୍ଡୋ ସଂଘ ପକ୍ଷରୁ ଉଭୟ ଖେଳାଳୀଙ୍କ ପାଇଁ ସମସ୍ତ ସୁବୁିଧା ସୁଯୋଗ ଯୋଗଇଦିଆଯାଇଥିବା ସାମ୍ବାଦିକ ସମ୍ମିଳନୀରେ ଜିଲ୍ଲା ତାଇକଣ୍ଡୋ ସଂଘର ସଂପାଦକ ଏହେସାସ ହୋତା ସୂଚନା ଦେଇଛନ୍ତି । ଏନେଇ ଆଜି ସ୍ଥାନୀୟ କସ୍ତୁରୀ ହୋଟେଲ ସମ୍ମିଳନୀ କକ୍ଷରେ ଏକ ସାମ୍ବାଦିକ ସମ୍ମିଳନୀରେ ଜିଲ୍ଲା ତାଇକଣ୍ଡୋ ସଂଘ ପକ୍ଷରୁ ସୂଚନା ଦିଆଯାଇଛି । ଉଭୟ ଖେଳାଳୀଙ୍କ ସଫଳତା ପାଇଁ ଓଡିଶା ତାଇକଣ୍ଡୋ ସଂଘର ସଂପାଦକ ମନମୋହନ ଭଂଜ ଏବଂ ଜିଲ୍ଲା ତାଇକଣ୍ଡୋ ସଂଘର ସଭାପତି ରବୀନ୍ଦ୍ର ହୋତା ଶୁଭେଚ୍ଛା ଜଣାଇଛନ୍ତି ।