22-Sep-2021

ଉଲୁଣ୍ଡା(ଗୌରଚନ୍ଦ୍ର ପରିଛା ) ଉଲୁଣ୍ଡା ବ୍ଲକ ସଭାଗୃହରେ ମହିଲା ଓ ଶିଶୁ ବିଭାଗ ଆନୁକୁଲ୍ୟରେ ବ୍ଲକ ସ୍ତରୀୟ ଶିଶୁଙ୍କ ପାଇଁ ଦିନଟିଏ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସିଡିପିଓ ମାଧୁରୀ ହୋତାଙ୍କ ଅଧ୍ୟକ୍ଷତାରେ ହୋଇଥିବା ଏହି କାର୍ଯ୍ୟକ୍ରମରେ ଏବିଡିଓ ଶୁଭ୍ରାଂଶୁ ଶେଖର ମଲ୍ଲିକ ମୁଖ୍ୟ ଅତିଥି, ସମ୍ମାନୀତ ଅତିଥି ଭାବରେ ତହସିଲଦାର ପୁର୍ଣ୍ଣଚନ୍ଦ୍ର ନାଏକ, ମେଡିକାଲ ଅଫିସର ଡ. ଆସୁତୋଷ ମିଶ୍ର, ପଂଚାୟତ ସମିତି ଯୁକ୍ତ ଦୁଇ କଲେଜର ଅଧ୍ୟକ୍ଷ ରମାକାନ୍ତ ବିଶି, ଶିଶୁ ସୁରକ୍ଷା ୟୁନିଟର ରୁଦ୍ର ପ୍ରସନ୍ନ ମିଶ୍ର, ଚାଇଲଡ ଲାଇନର ପ୍ରତିନିଧି ସୁଦାମ ଗାଇଗରିଆ, ଯୁବମହାସଂଘର ସଭାପତି ପ୍ରମୋଦ ପଧାନ ଯୋଗଦେଇ ଶିଶୁଯତ୍ନ, ଶିଶୁ ସୁରକ୍ଷା, ବାଲ୍ୟ ବିବାହ ଉପରେ ଆଲୋକପାତ କରିଥିଲେ । ଏହି ଅବଶରରେ ପତ୍ରାପାଲି ଶିଶୁ ମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । କାର୍ଯ୍ୟକ୍ରମରେ ଶିଶୁ ସୁରକ୍ଷା କମିଟିର ସଦସ୍ୟ, ସଦ୍ୟା, ଅଙ୍ଗନୱାଡି କର୍ମୀ, ମହିଲା ପରିଦର୍ଶକା ଓ ଶିଶୁ  ମାନେ ଯୋଗଦେଇଥିଲେ । ସେହିପରୀ ବ୍ଲକର ଲସ୍ତଲା ପଂଚାୟତ କାର୍ଯ୍ୟାଳୟରେ ମଧ୍ୟ ଶିଶୁଙ୍କ ପାଇଁ ଦିନଟିଏ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସ୍ଥନୀୟ ସରପଂଚ ତ୍ରୀପୁରାରୀ ମେହେରଙ୍କ ଅଧ୍ୟକ୍ଷତାରେ ହୋଇଥିବା ଏହି କାର୍ଯ୍ୟକ୍ରମରେ ପିଇଓ ଶ୍ରବଣ କମ୍ପ, ୱାର୍ଡ ସଭ୍ୟ ବିଶ୍ୱାମିତ୍ର କର୍ଣ୍ଣ, ଗୋପିନାଥ ପୋଢ, ଆରତୀ ହରିପାଲ ଅତିଥି ଭାବରେ ଯୋଗଦେଇ  ଶିଶୁଯତ୍ନ, ଶିଶୁ ସୁରକ୍ଷା, ବାଲ୍ୟବିବାହ ଉପରେ ଆଲୋକପାତ କରିଥିଲେ । କାର୍ଯ୍ୟକ୍ରମରେ ଅଙ୍ଗନୱାଡି କର୍ମୀ କୌଶଲ୍ୟା ରାଣି ପରିଛା, କୁନ୍ତି କର୍ଣ୍ଣ, ମୈଥଲୀ ପାଣିଗ୍ରାହୀ, ସୁଭାଷିନୀ ମେହେର, ଜ୍ୟୋତ୍ସ୍ନାମୟୀ ଭରାସାଗରଙ୍କ ସମେତ ପଂଚାୟତର ସମସ୍ତ ଆଶା, ସହାୟୀକା, କିଶୋରୀ ବାଳିକା ଏବଂ ମହିଳା ମାନେ ଯୋଗଦେଇଥିଲେ ।