22-Sep-2021

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ ): ନିକଟରେ ମୃତ୍ୟୁ ବରଣକରିଥିବା ଯୁବ ସାମ୍ବାଦିକ ସ୍ୱର୍ଗତ ଗୋବିନ୍ଦ ଠାକୁର ଙ୍କପରିବାରକୁ ରାଜ୍ୟ  ସରକାରଙ୍କ ସାମ୍ବାଦିକ କଲ୍ୟାଣ ପାଣ୍ଠିରୁ ୪ଲକ୍ଷ ଟଙ୍କାର ଅନୁକମ୍ପା ରାଶି ପ୍ରଶାସନ ଜରିଆରେ ପ୍ରଦାନ କରାଯାଇଥିବା ଯୋଗୁଁ ଜିଲ୍ଲା ପ୍ରଶାସନ ତଥା ସରକାର ଙ୍କୁ କୃତଜ୍ଞତା ଜଣାଇବା ସହ  ଜିଲ୍ଲାରେ ଅଧାପନ୍ତରିଆ ଥିବା ଅନେକ ଉନ୍ନୟନ କାମର ତ୍ୱରାନ୍ୱିତ ପଦକ୍ଷେପ ନେବା ତଥା ସୋନପୁର ବିନିକା ରାସ୍ତାରେ ଥିବା ଅଙ୍ଗନଦୀ ର ଟୋଲ ଆଦାୟରେ ହେଉଥିବା ବ୍ୟାପକ ଅନିୟମିତତା ସହ ବ୍ରୀଜ୍ ନିର୍ମାଣ ସମୟରେ ହୋଇଥିବା ଖର୍ଚ୍ଚ ରୁ ବହୁଗୁଣ ଅଧିକ ଟେକ୍ସ ଆଦାୟ ପରେ ମଧ୍ୟ ଟୋଲଗେଟ ଟି ଉଠିନଥିବାରୁ ଟୋଲଟିକସ କୁ ସବୁଦିନ ପାଇଁ ପ୍ରତ୍ୟାହାର କରିବାପାଇଁ ପଦକ୍ଷେପ ନେବାପାଇଁ ତାଙ୍କର ଦୃଷ୍ଟି ଆକର୍ଷଣ କରିଥିଲେ।  ଜାଗା ମିଶନ ଯୋଜନା ରେ ବରିଷ୍ଠ ତଥା ଦୁସ୍ଥ

ସାମ୍ୱାଦିକ ବିନୟ ପଧାନ ଙ୍କୁ ତୁରନ୍ତ ସାମିଲ କରିବା କୁ,  ତେଲ ବ୍ରିଜ ର ମରାମତି,  ଏବଂ ଗୋ ଶ୍ରଦ୍ଧା ଭଳି ମହତ ଯୋଜନା  କୁ ସଫଳ ପାଇଁ  କିଛି ନୁଆଁ କୌଶଳ ଆପଣେଇବାକୁ ଅନୁରୋଧ କରିଥିଲେ l ଏବଂ ମିଡ଼ିଆ ମାଧ୍ୟମରେ ପ୍ରଦାନ କରାଯାଉଥିବା ସାଧାରଣ ଲୋକଙ୍କ ସ୍ୱର ଓ ସମସ୍ୟା ଉପରେ ତୁରନ୍ତ ଏକ୍ସନ ପାଇଁ ଆଲୋଚନା କରିଥିଲେ l  ଓ କର୍ମକ୍ଷେତ୍ରରେ ସାମ୍ବାଦିକ ମାନଙ୍କ ବିଭିନ୍ନ ସମସ୍ୟା ଉପରେ ଜିଲ୍ଲା ପାଳ ଙ୍କ ସହ ଆଲୋଚନା କରିଥିଲେ l ସହରର ବିଭିନ୍ନ ରାସ୍ତାଘାଟ ଡ୍ରେନେଜ୍ ସମସ୍ୟା ଉପରେ ସ୍ୱତନ୍ତ୍ର ଦୃଷ୍ଟି ଦେବାସହ ପଦକ୍ଷେପ ନେବାପାଇଁ ତାଙ୍କର ଦୃଷ୍ଟି ଆକର୍ଷଣ କରାଯାଇଥିଲା।