22-Sep-2021

ସୁବର୍ଣ୍ଣ ପୁର,(ମନୋରଞ୍ଜନ ତ୍ରିପାଠୀ ): ଗତକାଲି  ରାତିରେ ସ୍ଥାନୀୟ ଅଧିଷ୍ଠାତ୍ରୀ ଦେବୀ ମା ସୁରେଶ୍ୱରୀ  ଙ୍କ ମନ୍ଦିରରେ ବସିଥିବା ଦୁଇଟି ପାଣି ଟାଙ୍କିର ଷ୍ଟିଲ ଓ ଲୁହା ର ସମସ୍ତ ପାଣି ପାଇପ୍‌କୁ ଭାଙ୍ଗି ଚୋରି କରି ଛନ୍ତି ଅଜଣା ଦୁବୃର୍ତ୍ତ । ମନ୍ଦିର ପ୍ରବେଶ ପଥର ବାମ କଡରୁ ୫ଟି ଷ୍ଟିଲ୍ ପାଇପ୍ ଏବଂ ମୁଖ୍ୟ ମନ୍ଦିର ନିକଟରୁ ଦୁଇଟି ଲୁହା ପାଇପ୍ ଭଙ୍ଗା ଯାଇଥିବା ଅଭିଯୋଗ ହୋଇଛି । ବଡ କଷ୍ଟରେ ସେବାୟତ ମାନେ ସମସ୍ତ ପାଇପରେ କପଡା ଗେଞ୍ଜି ପାଣି କୁ ରୋକିଛନ୍ତି । ଏହାକୁ ନେଇ ସେବାୟତ ଏବଂ ଭକ୍ତମାନେ ଗଭୀର କ୍ଷୋଭ ପ୍ରକାଶ କରିଛନ୍ତି ।  ଏବଂ ଏ ଘଟଣା  କିଛି ନୁଆଁ ନୁହେଁ   ଦାନ ବାକ୍ସ ରେ କେବେ ନିଆଁ ତ କେବେ  ଘଣ୍ଟି  ଚୋରି, କେବେ ହୁଣ୍ଡୀ  ତ  କେବେ ମନ୍ଦିର ର ମୁଣ୍ଡି ହେଉଛି ଚୋରି l ବହୁ ବର୍ଷ ପୂର୍ବରୁ ଗୋପାଳଜୀ ମନ୍ଦିର  ରେ ବିଗତ ବର୍ଷ ମାନଙ୍କ ରେ ପଞ୍ଚାରଥ,ରାମେଶ୍ୱର ଓ ସୁବର୍ଣ୍ଣମେରୁ ମନ୍ଦିର ରେ ମଧ୍ୟ ଅନେକ ମୂଲ୍ୟବାନ ସାମଗ୍ରୀ ଚୋରି ହୋଇଥିବା ଅଭିଯୋଗ ହୋଇଆସିଛି l  ସବୁଠୁ ଆଶ୍ଚର୍ଯ୍ୟ ର କଥା ଯେ ଶ୍ରୀ ସୁବର୍ଣ୍ଣମେରୁ  ବାବା ଯିଏ କି ସୁବର୍ଣ୍ଣପୁର ର ଅଧିଷ୍ଠାତା ଏହି ମନ୍ଦିର ରେ ଥିବା  ପାର୍ଶ୍ଵ ଦେବୀ ମା ଭୁବନେଶ୍ୱରୀ ଙ୍କ ଗୋଟିଏ  ରୁପା ଆଖି କୁ କୋଉ ଦୁର୍ବୁର୍ତ୍ତ ତାଡି  ନେଇଥିବା  ଦେଖିବାକୁ ମିଳିଥିଲା l  ଏହି  ଅଞ୍ଚଳ  ସମେତ ନିଛାଟିଆ ଥିବା ସହର ର ବାଲାଜୀ ହନୁମାନ, ବୁଢା ରଜା, ପତଭାଡି ଲୋକନାଥ ମନ୍ଦିର, ଗୋକୋଣେଶ୍ୱର  ମନ୍ଦିର  ମାନଙ୍କ ରେ ଓ ରିଙ୍ଗ ରୋଡ଼, ଲଲୁ ପଡିଆ, ଟାଉନ ହଲ, ଷ୍ଟାଡିଅମ ରେ ଅପରାହ୍ନ ଓ ସାନ୍ଧ୍ୟl ସମୟରେ ବିଭିନ୍ନ ଅସାମାଜିକ ଓ ନିଶା ଖୋର ବ୍ୟକ୍ତି ଅଡ୍ଡା କରୁ ଥିବାରୁ ଭିନ୍ନ ପ୍ରକାର ର ଅସାମାଜିକ କାର୍ଯ୍ୟକଳାପ ବଢିବାରେ ଲାଗିଛି l  ବ୍ୟାଙ୍କ, ଟ୍ରାଜେରି, ଜ଼ିଲ୍ଲାପାଳ ଅଫିସ, ସମସ୍ତ ଟ୍ରାଫିକ ଛକ ଓ ମୁଖ୍ୟ ଦପ୍ତର ମାନଙ୍କ ରେ  ସୁରକ୍ଷା ପାଇଁ   ପର୍ଯ୍ୟାପ୍ତ  ଭାବେ ପୋଲିସ ଙ୍କୁ ନିୟୋଜିତ କରାଯାଇଥିବା ବିଷୟ ସ୍ୱାଗତ ଯୋଗ୍ୟ ପଦକ୍ଷେପ l ହେଲେ ସହର ରେ ଅସାମାଜିକ କାର୍ଯ୍ୟ କୁ  ନିୟନ୍ତ୍ରଣ କରୁଥିବା , ପବ୍ଲିକ ସେବା ରେ  24 ଘଣ୍ଟା ନିୟୋଜିତ ରହିଥିବା  ଏବଂ ରାଜ୍ୟ ସରକାର ଙ୍କ 5 T ଯୋଜନା ରେ ଜରୁରୀ କାଳୀନ ସେବା ପାଇଁ ଯୋଗାଇଦିଆ ଯାଇଥିବା ସେଇ ସ୍ୱତନ୍ତ୍ର 112  ଆମ୍ବୁଲାନ୍ସ ଗାଡି  ଏବେ ଦୀର୍ଘ ଦିନ ରୁ କୋଉ  ସେବାରେ ଲାଗିଛି  ତାହା ପ୍ରଶ୍ନବାଚୀ ସୃଷ୍ଟି କରିଛି l  ପୁଣି  ଜନତା ଓ ସହର ର ଇଷ୍ଠ ଦେବା ଦେବୀ  ମନ୍ଦିର  ଯେଉଁଠି ସୁରକ୍ଷିତ ନ ରୁହେ  ସେଠି  ଜନ ସାଧାରଣ ଙ୍କ ଦୟା ରେ  ନିର୍ବାଚିତ  ତଥା  ଆମ ଜନତା ଙ୍କ ଉପରେ ପୁରା  ଆଶା ଭରଷା କରିଥିବା ସୁ- ସମ୍ପର୍କ ରଖିଥିବା ଆମ ସେଇ ପ୍ରିୟଭାଜନ ଜନ ପ୍ରତିନିଧି ମାନଙ୍କ ଙ୍କ ଆଗେ ପଛେ  ସବୁବେଳେ ପେଁ ପେଁ ସାଇରନ ବଜାଇ  ଦିନ ରାତି ପୋଲିସ ଗାଡି ଘୁରାଇବା ଓ ଜଗିବା  କିଛି ଆବଶ୍ୟକତା ନୁହେଁ ବୋଲି  ବୁଦ୍ଧିଜୀବୀ ମତ ରଖିଛନ୍ତି l  । ରିଂରୋଡ୍ ତଥା ରାମେଶ୍ୱର, ସୁରେଶ୍ୱରୀ ମନ୍ଦିର, ସୁବର୍ଣ୍ଣମେରୁ, ମନ୍ଦିର ସମେତ ଅନ୍ଧାରିଆ ନିରୋଳା ଜାଗାରେ ଥିବା ବିଭିନ୍ନ କାର୍ଯ୍ୟlଳୟ  ଓ ଉକ୍ତ ମନ୍ଦିର ମାନଙ୍କ ରେ ପୋଲିସ୍ ପାଟ୍ରୋଲିଂ କଡାକଡି କରିବା ସହ ଦେବୋତ୍ତର  ବିଭାଗ ମଧ୍ୟ ସକ୍ରିୟ ହୋଇଏ ସବୁ ଦିଗ ପ୍ରତି ତୀକ୍ଷ୍ଣ ନଜର ରଖିବାକୁ  ଲୋକେ ଦାବି କରିଛନ୍ତି । l