20-Sep-2021

ଢେଙ୍କାନାଳ (ତାପସ ଦାସ ): ଆଜି ଓଡିଶା ପ୍ରଗତିଦଳ ର ଢେଙ୍କାନାଳ ଶାଖା ତରଫରୁ ଜିଲ୍ଲାପାଳଙ୍କୁ ଭେଟି ଏକ ଦାବିପତ୍ର ପ୍ରଦାନ କରାଯାଇଛି ।ସ୍ଥାନୀୟ ରଥଗଡା ସ୍ଥିତ ନୂତନ ମାର୍କେଟ କମ୍ପ୍ଲେସ ମଧ୍ୟରେ ପୂର୍ବତନ ମୁଖ୍ୟମନ୍ତ୍ରୀ ନନ୍ଦିନୀ ଶତପଥୀ ଙ୍କର ପ୍ରତିମୂର୍ତ୍ତି ସ୍ଥାପନ ପାଇଁ ପୂର୍ବରୁ ଏକ ଦାବିପତ୍ର ପ୍ରଦାନ କରିଥିଲେ ମଧ୍ୟ ଏପର୍ଯ୍ୟନ୍ତ ପ୍ରଶାସନ କୌଣସି ଆନ୍ତରିକତା ଦେଖାଇନଥିବା କିମ୍ବା ପଦକ୍ଷେପ ଗ୍ରହଣ କରିନଥିବାରୁ ଓଡିଶା ପ୍ରଗତିଦଳ ର ଜିଲ୍ଲା ସଭାପତି ପ୍ରତାପ କୁମାର ପଣ୍ଡା ଅସନ୍ତୋଷ ପ୍ରକାଶ କରିଛନ୍ତି । ଏଥି ସଂଗେ ସଂଗେ ଏହି କମ୍ପ୍ଲେସର ପତ୍ୟେକ ଘରକୁ ମହିଳାମାନଙ୍କୁ

ସୁଲଭ ମୂଲ୍ୟରେ ପ୍ରଦାନ କଲେ ସେମାନେ ସ୍ୱାବଲମ୍ବୀ ହେବା ସଂଗେ ସଂଗେ ସେମାନେ ଜୀବନ ଜୀବିକା ନିର୍ବାହ କରିପାରିବା ସହ ମହିଳା ମୁଖ୍ୟମନ୍ତ୍ରୀ ନନ୍ଦିନୀ ଶତପଥୀଙ୍କ ପ୍ରତି ସଂମାନ ହୋଇପାରିବ ବୋଲି ମଧ୍ୟ ଦାବି ରଖିଛି । ଏବଂ ଜିଲ୍ଲା ପ୍ରଶାସନ ର ଏଭଳି କାର୍ଯ୍ୟ କୁ ବିଭିନ୍ନ ମହଲରେ ମଧ୍ୟ ପ୍ରଶଂସା ମିଳିପାରିବ ବୋଲି ଦଳ ଦାବି କରିଛି  । ଯଦି ଜିଲ୍ଲା ପ୍ରଶାସନ ଏଥିପ୍ରତି କୌଣସି ଆନ୍ତରିକତା ପ୍ରକାଶ ନ କରନ୍ତି ତେବେ ଓଡିଶା ପ୍ରଗତିଦଳ ଆଗକୁ ରାଜରାସ୍ତାକୁ ଆସିବା ସହ ଆଇନ ର ଆଶ୍ରୟ ନେବ ବୋଲି ଦାବି କରିଛି ।