30-Jul-2021

ବଲାଙ୍ଗୀର(ପ୍ରେରଣା ଖବର)- ପ୍ରଧାନମନ୍ତ୍ରୀ ଆବାସଯୋଜନା ର ବଂଟନ କ୍ଷେତ୍ରରେ ରାଜ୍ୟସରକାର କୋସଲାଂଚଳ ପ୍ରତି କରିଥିବା ପକ୍ଷପାତିତା ଓ କୋସଲାଂଚଳକୁ କରାଯାଇଥିବା ଉପେକ୍ଷା ପ୍ରତିବାଦରେ ଗତ ଜୁଲାଇ ୨୩ ତାରିଖରୁ କୋସଲ ଯୁବ ସମନ୍ୱୟସମିତି ପକ୍ଷ ରୁ କଳାହାଣ୍ଡି ଜିଲ୍ଲାର ଭବାନୀ ପାଟଣା ଠାରୁ ବରଗଡ ପର୍ଯ୍ୟନ୍ତ କୋସଲ ସ୍ୱାଭିମାନ ଯାତ୍ରା ଅନୁଷ୍ଠିତ ହୋଇଥିଲା । କୋସଲ ଯୁବ ସମନ୍ୱୟ ସମିତିର କେନ୍ଦ୍ରୀୟ ସାଧାରଣ ସମ୍ପାଦକ ଅଚ୍ୟୁତ ସିପୁନ ଖମାରୀ, କେନ୍ଦ୍ରୀୟ ସଂଗଠନ ସମ୍ପାଦକ ଗିରିରାଜ ଭୋଇ, କୋଷାଧ୍ୟକ୍ଷ ବନମାଳୀ ନାଏକଙ୍କନେତୃତ୍ୱରେ ଅନୁଷ୍ଠିତଏହି ପଦଯାତ୍ରାରେ ୨୦ ଜଣ ଯୁବକ ଯୋଗ ଦେଇଥିଲେ । ପ୍ରାୟ ୨୦୦ କିି.ମି. ଧରି ପ୍ରବଳ ବର୍ଷା ସତ୍ୱେ କରିଥିବାଏହି ପଦଯାତ୍ରା ସମଗ୍ର କୋସଲାଂଚଳରେ ଏକ ଭାବାବେଗ ସୃଷ୍ଟି କରିଛି ।ଏହି ପଦଯାତ୍ରାରେ ଅନ୍ୟମାନଙ୍କ ମଧ୍ୟରେ ଯୁବ ସଂଗଠକ ରଂଜନ ଖୁଆସ, ଯୁଗଳ କିଶୋର ମେହେର, ବିଶ୍ୱଜିତ ପ୍ରଧାନ, ଶୁଭମ୍ ପ୍ରଧାନ, ଧର୍ମରାଜ ମେହେର, ଧରମ ସିଂବରିହା, ରାଜିବ ରଂଜନ ବରିହା, ବଦ୍ୟ ବରିହା, ସିଦ୍ଧାନ୍ତ ବରିହା, ନରୋତମ ଧରୁଆ, ସୁରଭକୁମରା, ଅମିତ ପଲିତା, ଗଜପତିସାହୁ, ଡିଙ୍ଗର ବୁଡେକ, ସାନ୍ତନୁ ରଣା, ହରେକୃଷ୍ଣ ରଣା ପ୍ରମୁଖ ସାମିଲ ଥିଲେ ।ଜୁଲାଇ ୨୩ ତାରିଖରେ ଆରମ୍ଭ ହୋଇଥିବା ଏହି ପଦଯାତ୍ରାକୁ ବିଭିନ୍ନ ସ୍ଥାନରେ ବିଭିନ୍ନ ସାମାଜିକ, ସାଂସ୍କୃତିକ, ଜାତି ସଂଗଠନ, ବଣିକ ସଂଘ, ବାର ଏସୋସିଏସନ୍‌, ନାଗରିକ ସଂଗଠନ ତଥା କଂଗ୍ରେସ, ବିଜେପି, ଆମ ଆଦମୀ ଭଳି ରାଜନୈତିକ ଦଳର କିଛିନେତା ଓ କର୍ମୀ ମଧ୍ୟ ଉଚ୍ଛ୍ୱସିତ ସଂବର୍ଦ୍ଧନା ଦେଇଥିଲେ ।କୋସଲ ରାଜ୍ୟ ସମନ୍ୱୟ ସମିତିର ସଂଯୋଜନା ଓ ଆହ୍ୱାନ କ୍ରମେ ବିଭିନ୍ନ କୋସଲବାଦୀ ସଂଗଠନ, କୃଷକ ସଂଗଠନ  ଏହି ସଂବର୍ଦ୍ଧନା କାର୍ଯ୍ୟକ୍ରମରେ ଯୋଗଦେଇ ସହଯୋଗ କରିଥିଲେ ।ଏଭଳିକି ବିଭିନ୍ନ ସ୍ଥାନରେ ବିଜେପି ଓ କଂଗ୍ରସର କିଛ ବିଧାୟକ, ପୂର୍ବତନ ବିଧାୟକ ତଥା ବିଧାୟକ ପ୍ରାର୍ଥୀ ମଧ୍ୟ ଯୋଗଦାନ କରିଥିଲେ କିମ୍ବା ପରୋକ୍ଷରେ ସହଯୋଗ କରିଥିଲେ । ବେଆଇନ ଭାବରେ ଏହି କୋସଲ ସଂଗ୍ରାମୀମାନଙ୍କୁ ସଇଁତଲା ପୋଲିସଗିରଫ କଲାବେଳେ ସଇଁତଲା କଂଗ୍ରସର ପୂର୍ବତନ ମନ୍ତ୍ରୀଙ୍କ ନେତୃତ୍ୱରେ କଂଗ୍ରସକର୍ମୀ ଏବ ବିଜେପି କର୍ମୀମାନେ ଥାନା ଘେରାଉ କରି ନୈତିକ ସମର୍ଥନ ଦେଇଥିଲେ ।ଏହି ପଦଯାତ୍ରାରେ କୋସଲାଂଚଳର ଅଭୂତପୂର୍ବଏକତା  ଦେଖାଦେଇଥିଲା ।ସୋସିଆଲ ମେଡିଆରେ ମଧ୍ୟ ହଜାର ହଜାର ଲୋକେ କୋସଲ ଆନ୍ଦୋଳନକୁ ସମର୍ଥନ ଦେଇଥିଲେ । ଏଥିରୁ ସ୍ପଷ୍ଟ ଅନୁମେୟ ଯେ କୋସଲରାଜ୍ୟ ଦାବୀର ଭବିଷ୍ୟତ ଅତି ଉଜ୍ୱଳ ଅଟେ । ତେଣୁ ଛୋଟଛୋଟ ପ୍ରସଙ୍ଗରେ କୋସଲାଂଚଳର ଲୋକେ ବିଭାଜିତ ନହୋଇ ସ୍ୱତନ୍ତ୍ର କୋସଲ ରାଜ୍ୟ ହାସଲ ପାଇଁ ଆଗଭର ହେବାକୁ ତଥା ରାଜନୈତିକ ଦଳ, ନେତା, କର୍ମୀ ଓ ନିର୍ବାଚିତ ପ୍ରତିନିଧି ମାନେ ସକ୍ରିୟ ଭାବରେ ଏହି ଆନ୍ଦୋଳନରେ ସାମିଲ ହେବାକୁ କୋସଲ ରାଜ୍ୟ ସମନ୍ୱୟ ସମିତି ଅନୁରୋଧ କରେ । ପ୍ରବଳ ବର୍ଷାସତ୍ୱେ ଅସୀମ କଷ୍ଟ ଉଠାଇ ପଦଯାତ୍ରା କରିଥିବା କୋସଲ ଯୁବ ସଂଗ୍ରାମୀମାନଙ୍କୁ କୋସଲ ରାଜ୍ୟ ସମନ୍ୱୟ ସମିତିରଫରୁ କେନ୍ଦ୍ରୀୟ ଅଧ୍ୟକ୍ଷ ପ୍ରମୋଦ କୁମାର ମିଶ୍ର ଓ ସାଧାରଣ ସମ୍ପାଦକ ସୁନୀଲ ପୁରୋହିତ ସଂଗ୍ରାମୀ ଅଭିନନ୍ଦନ ଜଣାଇବା ସହ କୋସଲ ସ୍ୱାଭିମାନ ଯାତ୍ରାକୁ ସମର୍ଥନ ଦେଇଥିବ। ସମସ୍ତ ସଂଗଠନ, ନେତା, ରାଜନୈତିକ ଦଳ ଓ ବ୍ୟକ୍ତିବିଶେଷଙ୍କୁ ସାଧୁବାଦ ଜଣାଇଛନ୍ତି ।