30-Jul-2021

କଣ୍ଟାବାଞ୍ଜି ( ଆନନ୍ଦ କୁମାର ମୋଟେ ) ସମ୍ବିଧାନର ଚତୁର୍ଥ ସ୍ତମ୍ଭ ହେଲେ ଗଣମାଧ୍ୟମ ପ୍ରତିନିଧି । ଖରା, ବର୍ଷା, ଶୀତକୁ ଖାତିର ନକରି ସାମ୍ବାଦିକ ନିଜର କାର୍ଯ୍ୟ ସୁଚାରୁ ରୁପେ ତୁଲାଇ ଥାଏ । ମହାମାରି କରୋନା ସମୟରେ ନିଜର ଜିବନକୁ ବାଜି ଲଗାଇ କାର୍ଯ୍ୟରତ ସାମ୍ବାଦିକ ଗ୍ରାଉଣ୍ଡ ଜିରୋକୁ ଯାଇ ଲୋକଙ୍କୁ ଖବର ପହଂଚାବାକୁ ସଦା ସର୍ବଦା ଆଗରେ ରହିଛି । ରାଜ୍ୟ ସରକାର କାର୍ଯ୍ୟରତ ସାମ୍ବାଦିକଙ୍କୁ ଆଗଧାଡିର କରୋନା ଯୋଦ୍ଧା ଘୋଷଣା କରିଛନ୍ତି । ଏଭଲି ସ୍ଥିତିରେ କେନ୍ଦ୍ରାପଡା ଜିଲ୍ଲାରେ କାର୍ଯ୍ୟରତ ସାମ୍ବାଦିକଙ୍କୁ  ଜଣେ ମହିଳା କନେଷ୍ଟବଳ ଆକ୍ରମଣ କରିଥିବା ଦେଖାଯାଇଥିଲା । ସେହିପରି ପୁରୀ ଜିଲ୍ଲା ଗୋପ ଥାନା ଅଧିକାରି ଜଣେ ବୈଦୁତିକ ଗଣମାଧ୍ୟମ ପ୍ରତିିନିଧିଙ୍କୁ ଫୋନରେ ହତ୍ୟା ଧମକ ଦେଇଥିବା ଖବର ଆସିଥିଲା । ପୋଲିସ ନିଜର ପାୱାର , କ୍ଷମତାର ଅପବ୍ୟବହାର କରୁଥିବା ବେଳେ ଏଭଲି ଖବର ଗଣମାଧ୍ୟମ ପ୍ରତିନିଧି ନିଜର ଖବର କାଗଜ କିମ୍ବା ନ୍ୟୁଜ ଚ୍ୟାନେଲରେ ପ୍ରସାରଣ କଲେ ପୋଲିସ ନାଲି ଆଖି ଦେଖାଇ ଗଣମାଧ୍ୟମ ପ୍ରତିନିଧିଙ୍କୁ ଚାପ ପ୍ରୟୋଗ କରି କାର୍ଯ୍ୟନୁଷ୍ଠାନ ନେବାକୁ ଧମକ ଦେଉଛି । କାର୍ଯ୍ୟରତ ଗଣମାଧ୍ୟମ ପ୍ରତିନିଧିଙ୍କୁ ମାଡ ଏବଂ ହତ୍ୟା ଧମକ ଦେଇଥିବା ମହିଳା କନେଷ୍ଟବଳ, ଥାନା ଅଧିକାରିଙ୍କ ବିରୁର୍ଦ୍ଧରେ କାର୍ଯ୍ୟନୁଷ୍ଠାନ ନେବା ସହ ସାମ୍ବାଦିକ ସୁରକ୍ଷା ଆଇନ ପ୍ରଣୟନ କରିବାକୁ କଣ୍ଟାବାଞ୍ଜି ପ୍ରେସ କ୍ଲବ ମୁଖ୍ୟମନ୍ତ୍ରୀଙ୍କୁ ଦାବି କରିଛି । ପ୍ରେସ କ୍ଲବ ସଭାପତି ପ୍ରଭଜିତ ସିଂ ସାଲୁଜା, କାର୍ଯ୍ୟକାରି ସଭାପତି ସୁରଦାସ ବାଗ, ସଂପାଦକ ପୁଷ୍ପକେତୁ ବେହେରା, ଉପସଭାପତି ରଶ୍ମିରଂଜନ ପୁଟେଲ, ମନୋଜ ଶର୍ମା, ସହସଂପାଦକ ଦିପକ କୁମାର ଦାସ ୟାଦବ , ଅନିଲ ତ୍ରିପାଠି, କୋଷାଧ୍ୟକ୍ଷ କମଲଜିତ ସିଂ ମଖୀଜା, ପରାମର୍ଶଦାତା ଆନନ୍ଦ ମୋଟେ, ଆଶିଷ ଖଇତାନ, ଦୁର୍ଗାପ୍ରସାଦ ଗୁପ୍ତା, ଆଇନ ପରାମର୍ଶଦାତା ବିବେକ ଶର୍ମା, କାର୍ଯ୍ୟକାରି ସଦସ୍ୟ ସୁବ୍ରତ ମହାକୁଡ,  ରୋହନ ମହତ, ବିସିକେଶନ ମାଝି, ଜଗମୋହନ ତାଣ୍ଡି ପ୍ରମୁଖ ସ୍ଥାନିୟ ତହସିଲଦାର ଅଶୋକ କୁମାର ମାଝୀଙ୍କୁ ସାକ୍ଷାତ କରି ମୁଖ୍ୟମନ୍ତ୍ରୀ ଉଦେଶ୍ୟରେ ଦାବିପତ୍ର ଦେଇଥିଲେ ।