30-Jul-2021

ଭୁବନେଶ୍ବର (ଶୁଭାଶିଷ ନାୟକ) :ଦୁର୍ଘଟଣା ରୋକିବା ପାଇଁ ଗଠନ ହେବ ମିଳିତ ଯାଞ୍ଚ କମିଟି । ଆଗାମୀ ପହିଲାରୁ ପ୍ରମୁଖ ଦୁର୍ଘଟଣା ପ୍ରବଣ ସ୍ଥାନ ଗୁଡିକରେ ମିଳିତ ଯାଞ୍ଚ କମିଟି ଏହାର କାରଣ ଓ ନିରାକରଣ ଦିଗରେ କାମ କରିବା ସହ ଚେକିଂ କୁ ବ୍ୟାପକ କରାଯିବ । ଗତ ମାର୍ଚ୍ଚ ମାସ ୮ ତାରିଖରେ ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ଏ ନେଇ ସମୀକ୍ଷା ବୈଠକ ବସିଥିଲା । ସଡକ ସୁରକ୍ଷା ପାଇଁ ଏକ ମୋବାଇଲ ଆପ ମଧ୍ୟ ବିକଶିତ କରାଯାଇଛି । ରାଜ୍ୟ ଅପରାଧ ରେକର୍ଡ ବ୍ୟୁରୋ ସହ ଏହି ଆପର ଲିଙ୍କ ରହିବ।  ଏଥି ସହ ସମସ୍ତ ତଥ୍ୟ ପରିବହନ ବିଭାଗ ଯୁଗ୍ମ ସଚିବ ଓ ଆଞ୍ଚଳିକ ପରିବହନ ଅଧିକାରୀଙ୍କ ସହିତ ବିନିମୟ କରିବେ। ଏହି ପ୍ରକ୍ରିୟାକୁ ଅଧିକ କ୍ରିୟାଶୀଳ କରିବା ପାଇଁ ଆଞ୍ଚଳିକ ପରିବହନ ଅଧିକାରୀ ଏକ WhatsApp ଗ୍ରୁପ କରିବେ ।ତାଙ୍କ ଅଧୀନରେ ଥିବା ସମସ୍ତ ଥାନାଧିକାରୀ , ଜାତୀୟ ରାଜପଥ ଅଧିକାରୀ, ବିଭାଗୀୟ ଯନ୍ତ୍ରୀଙ୍କୁ ସାମିଲ କରାଯିବ । ରାଜ୍ୟରେ ସଡକ ଦୁର୍ଘଟଣା ଚିନ୍ତାଜନକ ଥିବା ବେଳେ ଏଭଳି ପ୍ରୟାସର ଆବଶ୍ୟକତା ଥିବା କହିଛନ୍ତି ବିଶେଷଜ୍ଞ ।