29-Jul-2021

ଭୁବନେଶ୍ବର (ପ୍ରେରଣା ଖବର) : ରାଜ୍ୟରେ ସଂକ୍ରମଣର ସ୍ଥିତି ସ୍ଥିର ରହିଛି । ଗତ କିଛି ଦିନ ହେବ ୧୬୦୦ ରୁ ୧୭୦୦ ଭିତରେ ହିଁ ଟ୍ରେଣ୍ଡ ରହୁଛି ବୋଲି ଡିଏମ୍ ଇ ଟି ନିର୍ଦ୍ଦେଶକ ସିବି କେ ମହାନ୍ତି ସୂଚନା ଦେଇଛନ୍ତି । ଵିଶେଷ ବଢି ନାହିଁ । ତେଣୁ ସଂକ୍ରମଣ ହାର, ବିଭିନ୍ନ ଜିଲ୍ଲାର ସ୍ଥିତି କୁ ସମୀକ୍ଷା କରି ଅନଲକ ପ୍ରୋସେଶ କୁ ଯିବେ ରାଜ୍ୟ ସରକାର । ସେଥିରେ ଆମେ ଥିଲେ ବି ଆମ ରାଜ୍ୟରୁ ହାରାହାରି ୧୮ ଶହ ଦୈନିକ ସଂକ୍ରମଣ ରହୁଛି । ଜାତୀୟ ହାରରେ ଆମ ସଂଖ୍ୟା ନଗନ୍ୟ ବୋଲି ଶ୍ରୀ ମହାନ୍ତି ପ୍ରକାଶ କରିଛନ୍ତି । 

କଟକ ଖୋର୍ଦ୍ଦାରେ ସଂପୂର୍ଣ୍ଣ ଅନଲକ ହେବାର ସମ୍ଭାବନା ରହୁନି । ସ୍ଥିତି, ସମୟ, ସଂକ୍ରମଣର ପରିସ୍ଥିତିକୁ ଅନୁଧ୍ୟାନ କରି ଅନଲକ ନିଷ୍ପତ୍ତି ନିଆଯିବ । ଆମ ବିଶେଷଜ୍ଞ କମିଟି ଟିମ୍ ଯାହା କହିବ ସେହି ନିଷ୍ପତ୍ତି ନିଆଯିବ । ସବୁ ନିଷ୍ପତ୍ତି ପରମାନେଣ୍ଟ ନୁହଁ ।

ରାଜ୍ୟ ସରକାର ପ୍ରଥମେ କହିଥିଲେ 3 ଟି ସ୍ଥାନରେ ଇକମୋ ଲାଗିବ । ମାତ୍ର ପରବର୍ତ୍ତୀ ମାନବ ସମ୍ବଳ ଅଭାବରୁ କେବଳ କଟକ ଏସିବିରେ ସମସ୍ତ ମେସିନ ରଖିବା ପାଇଁ ନିଷ୍ପତ୍ତି ନିଆଗଲା । ତେବେ ଇକମୋ ମେସିନ ଭିମସାରକୁ ନ ମିଳିବା ପ୍ରସଂଗରେ ଡ଼ିଏମଇଟି କହିଛନ୍ତି ଯେ ସେଠାରେ କାର୍ଡିଓଥୋରାସିସର ଭିତ୍ତିଭୂମୀ ନିର୍ମାଣଧୀନ ଅଛି । ସଂପୂର୍ଣ୍ଣ ହେଲେ, ସେବା ଆରମ୍ଭ ହେବ । ରାଉରକେଲାରେ କିଛି ଦିନ ମଧ୍ୟରେ ଆରମ୍ଭ ହେବାର ରହିଛି । ଯେତେ ଜଲଦି ମାନବ ସମ୍ବଳ ଓ ଭିତ୍ତିଭୂମୀ ନିର୍ମାଣ ହେବ ସେତେ ଶୀଘ୍ର ଚିକିତ୍ସା ମିଳିବ ବୋଲି ଶ୍ରୀ ମହାନ୍ତି ସ୍ପଷ୍ଟ କରିଛନ୍ତି । ୩୦ ରୁ ୪୦ ଲକ୍ଷ ଭିତରେ ଗୋଟିଏ ଇକମୋ ମେସିନ ଲଗାଇବା ବଡ଼ କଥା ନୁହେଁ ମାତ୍ର ମାନବ ସମ୍ବଳ ସବୁଠୁ ବଡ଼ ପ୍ରସଙ୍ଗ ବୋଲି ସେ କହିଥିଲେ । 

ଡେଙ୍ଗୁ ପ୍ରତିବର୍ଷ ଜୁଲାଇରୁ ଅକ୍ଟୋବର ମଧ୍ୟରେ ହୁଏ । ରାଜ୍ୟର ସମସ୍ତ ଡାକ୍ତରଖାନାରେ ଡେଙ୍ଗୁ ଚିକିତ୍ସା ପାଇଁ ତାଲିମ ପ୍ରାପ୍ତ । କେବଳ ଜନସଚେତନତା ଦରକାର ବୋଲି ନିର୍ଦ୍ଦେଶକ, ଡିଏମଇଟି  ସିବିକେ ମହାନ୍ତି ସୂଚନା ଦେଇଛନ୍ତି ।